spot_img
Homeຂ່າວພາຍ​ໃນຜົນການແຂ່ງຂັນນັດລະຫວ່າງທີມຊາດລາວ ພົບກັບ ທີມຊາດກວມ ເມື່ອວັນທີ 3/9/2016

ຜົນການແຂ່ງຂັນນັດລະຫວ່າງທີມຊາດລາວ ພົບກັບ ທີມຊາດກວມ ເມື່ອວັນທີ 3/9/2016

Published on

ການແຂ່ງຂັນ ບານເຕະຍິງ U16 ຊີງແຊ້ມອາຊີ 2017 ຮອບຄັດເລືອກ ກຸ່ມ A, ທີມຊາດລາວ ລົງແຂ່ງຂັນເປັນນັດສຸດທ້າຍ ພົບກັບ ທີມຊາດກວມ ເຊິ່ງກ່ອນການແຂ່ງຂັນ ທີມຊາດລາວເຮົາມີ 6 ຄະແນນຢູ່ອັນດັບທີ 2 ຂອງຕາຕະລາງ, ສ່ວນ ທີມຊາດກວມ ຢູ່ອັນດັບທີ 5 ມີ 0 ຄະແນນ ເຊິ່ງຖ້າ ທີມຊາດລາວ ຕ້ອງການເປີດໂອກາດ ໃນການເຂົ້າຮອບຕໍ່ໄປ ໃຫ້ກວ້າງຂຶ້ນ ພວກເຮົາຕ້ອງເອົາຊະນະ ທີມຊາດກວມ ໃຫ້ໄດ້ ແລະ ຍິງປະຕູໃຫ້ໄດ້ຫຼາຍໆ ເນື່ອງຈາກຍັງຕ້ອງໄດ້ລຸ້ນ ຜົນການແຂ່ງຂັນຂອງ ທີມຊາດມຽນມາ.

637_sub_2

ຜົນການແຂ່ງຂັນ ປະກົດວ່າ ທີມຊາດລາວ ສາມາດເອົາຊະນະ ທີມຊາດກວມ ໄປໄດ້ 14 ປະຕູຕໍ່ 1 ເປີດໂອກາດເຂົ້າຮອບຕໍ່ໄປ ໃຫ້ສູງຂຶ້ນ ເຊິ່ງ ທີມຊາດລາວ ມີເງື່ອນໄຂເຂົ້າຮອບຕໍ່ໄປຄື ໃນ 2 ນັດສຸດທ້າຍຂອງ ທີມຊາດມຽນມາ ພວກເຮົາຕ້ອງລຸ້ນໃຫ້ ພວກເຂົາ ເຮັດຄະແນນລຸດມື ຢ່າງຕໍ່ຳ 2 ຄະແນນ ຄືຢ່າງໜ້ອຍ ຕ້ອງລຸ້ນໃຫ້ ທີມຊາດມຽນມາ ສະເໝີ 1 ໃນ 2 ນັດທີ່ເຫຼືອ ເພື່ອຈະມີຄະແນນໜ້ອຍກວ່າ ທີມຊາດລາວ ແຕ່ຖ້າພວກເຂົາສາມາດ ເອົາຊະນະໄດ້ທັງ 2 ນັດ ພວກເຂົາຈະມີ 9 ຄະແນນ ເທົ່າກັບ ທີມຊາດລາວ ເຖິງແມ່ນວ່າ ທີມຊາດລາວ ຈະເອົາຊະນະ ທີມຊາດມຽນມາ ມາກ່ອນ 5 ປະຕູຕໍ່ 2 ກໍ່ຕາມ ແຕ່ຖ້ານັດສຸດທ້າຍ ທີມຊາດມຽນມາ ສາມາດເອົາຊະນະ ທີມຊາດໄທ ໄດ້ ກໍ່ເທົ່າກັບວ່າ ພວກເຂົາສາມາດ ເອົາຊະນະທີມ ທີ່ເອົາຊະນະ ທີມຊາດລາວ ເຊິ່ງຈະເປັນລັກສະນະຂອງ ງູກິນຫາງ ແລະ ໃນກໍລະນີນີ້ ຕ້ອງໄດ້ມາເບິ່ງປະຕູທີ່ ທີມຊາດມຽນມາ ຍິງ ທີມຊາດໄທ ໄດ້ ເຊິ່ງຖ້າ ທີມຊາດມຽນມາ ຕ້ອງການເຂົ້າຮອບຕໍ່ໄປ ພວກເຂົາຕ້ອງເອົາຊະນະ ທີມຊາດໄທ 3 ປະຕູຂຶ້ນໄປ.

637_sub_4

ດັ່ງນັ້ນ, ພວກເຮົາມາຮ່ວມລຸ້ນນຳກັນວ່າ ທີມຊາດມຽນມາ ຈະມີຜົນງານຄືແນວໃດ, ພວກເຂົາຈະສາມາດ ເກັບໄຊະນະໄດ້ທັງ 2 ນັດຊ້ອນ ແລະ ສາມາດເອົາຊະນະ ທີມຊາດໄທ ໄດ້ຫຼາຍກວ່າ 3 ປະຕູ ຫຼື ບໍ່ ແລະ ທີມໃດທີ່ຈະສາມາດ ຜ່ານເຂົ້າໄປແຂ່ງ ໃນຮອບສຸດທ້າຍ ພ້ອມກັບ ທີມຊາດໄທ ເຮົາມາຕິດຕາມນຳກັນ.

 

ຂອບໃຈພາບຈາກ ສະຫະພັນບານເຕະ ແຫ່ງຊາດລາວ

ບົດຄວາມຫຼ້າສຸດ

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...

ໄທເລີ່ມປະຕິບັດແລ້ວ ທະນາຄານເລີ່ມປາບປາມຂະບວນການບັນຊີມ້າ ຖ້າກວດພົບຄວາມສົງໄສ ຈະອາຍັດບັນຊີທັນທີ

ບັນຊີມ້າແມ່ນບັນຊີທະນາຄານທີ່ຖືກນໍາໃຊ້ໂດຍອາດຊະຍາກອນ ເພື່ອເກັບເງິນ ຫຼື ຟອກເງິນທີ່ໄດ້ມາແບບຜິດກົດໝາຍ ແມ່ນບັນຊີທີ່ຖືກຈ້າງໃຫ້ເປີດ ຫຼື ຖືກລັກຂໍ້ມູນໄປໃຊ້ ເພື່ອເປັນທາງຜ່ານຂອງເງິນທີ່ໄດ້ມາຈາກການກະທຳຜິດກົດໝາຍ ລວມທັງການພະນັນ. ໃນຊ່ວງໜຶ່ງອາທິດທີ່ຜ່ານມາ ທາງທະນາຄານເເຫ່ງປະເທດໄທ ເລີ່ມກວດສອບ ແລະ ລົງມືປະຕິບັດຢ່າງເຂັ້ມງວດ ໃນການອາຍັດບັນຊີມ້າ...

ຄວາມຫວັງໃໝ່ຂອງເນປານ ແຕ່ງຕັ້ງລັດຖະມົນຕີຄົນໃໝ່ ໂດຍຈະປະຕິບັດໜ້າຮັກສາການ 6 ເດືອນ

ພາຍຫຼັງຄວາມວຸ່ນວາຍຂອງເຫດການປະທ້ວງໃນປະເທດເນປານ ເຮັດໃຫ້ອະດີດນາຍຍົກລັດຖະມົນຕີໄດ້ລາອອກ ພ້ອມທັງເດີນທາງອອກນອກປະເທດ ນຳພາໃຫ້ເນປານບໍ່ມີຄົນດຳລົງຕໍາເເໜ່ງນາຍົກລັດຖະມົນຕີໃນໄລຍະໜຶ່ງ. ເຊິ່ງໃນວັນທີ 12 ກັນຍາ 2025 ທີ່ຜ່ານມາ, ໄດ້ມີການປະກາດແຕ່ງຕັ້ງ ທ່ານ ນາງ  ສຸຊີລາ ກາກີ ຂຶ້ນຮັບຕໍາແໜ່ງຮັກສາການນາຍົກລັດຖະມົນຕີ...

ສະຫຼົດ! ຊາຍອາຍຸ 26 ປີ (ເສຍຊີວິດ) ຍ້ອນຂັບລົດຕຳງົວ ທີ່ບ້ານວຽງແກ້ວ ເມືອງຈັນທະບູລີ ນະຄອນຫຼວງວຽງຈັນ

ບັນຫາການປ່ອຍສັດຊະຊາຍ ສ່ຽງເຮັດໃຫ້ຄົນອື່ນເກີດອຸບັດຕິເຫດ ເຖິງຂັ້ນເສຍຊີວິດໄດ້. ບັນຫາການປ່ອຍສັດລ້ຽງ (ງົວ, ຄວາຍ, ແບ້, ມ້າ...) ຍັງຄົງຖືກພົບເຫັນເລື້ອຍໆຢູ່ຫຼາຍໆຂົງເຂດ ຕັ້ງແຕ່ເຂດຊານເມືອງຈົນໄປເຖິງໃນເມືອງ. ຈົນກາຍເປັນຄວາມເຄີຍຊິນໄປແລ້ວສຳລັບຜູ້ສັນຈອນໄປມາທີ່ຕ້ອງລະວັງເອງ ແຕ່ບາງຄັ້ງກໍມີອຸບປະຕິເຫດຕາມມາ ເຊັ່ນ: ລົດໃຫຍ່ຕຳງົວ, ລົດຈັກຕຳງົວ,...