ປົດຕຳແໜ່ງ ພ້ອມຢຶດເງິນຫຼາຍກວ່າ 1 ຕື້ ພະນັກງານລັດຢູ່ແຂວງວຽງຈັນ

1549279_1449614508688632_1306502016050303016_n

ອີງຕາມການລາຍງານຂອງ ສຳນັກຂ່າວສານປະເທດລາວກ່າວວ່າ: ຄະນະກວດກາພັກ-ລັດແຂວງວຽງຈັນໄດ້ເປີດເຜີຍຕໍ່ນັກຂ່າວສໍານັກຂ່າວສານປະເທດລາວໃນວັນທີ 9 ມິຖຸນາ 2015 ນີ້ວ່າ: 80% ແມ່ນພະນັກງານລັດໃນຈໍານວນຜູ້ກະທໍາຜິດ 57 ຄົນໃນຂໍ້ຫາລັກຊື້-ຂາຍຊັບຂອງລັດແບບບໍ່ຖືກຕ້ອງຢູ່ເມືອງໂພນໂຮງ ແລະ ເມືອງຫີນເຫີບ ເຊິ່ງໃນນັ້ນມີ ຮອງເຈົ້າເມືອງ, ມີພະນັກງານຈາກສູນກາງ ແລະ ທ້ອງຖິ່ນຮູ້ເຫັນເປັນໃຈ ແລະ ເຮັດວຽກຮ່ວມກັນເປັນລະບົບຄົບຊຸດ ມາເຖິງປັດຈຸບັນນີ້ ຈໍານວນໜຶ່ງຂອງຜູ້ກະທໍາຜິດໄດ້ປົດອອກຈາກຕໍາແໜງແລ້ວ ພ້ອມທັງຢືດຊັບສິນຄືນໄດ້ 700 ລ້ານກີບ ແລະ ເງິນຕາຕ່າງປະເທດ 1 ແສນໂດລາສະຫະລັດເຂົ້າງົບປະມານລັດ.
ທ່ານ ເຄນ ເຮືອງຄໍາແສງ ຫົວໜ້າບໍລິຫານຂອງຄະນະກວດກາພັກ-ລັດແຂວງວຽງຈັນໄດ້ເປີດເຜີຍວ່າ: ນີ້ແມ່ນມາດຕະການໜຶ່ງທີ່ເດັດຂາດເພື່ອຫລຸດຜ່ອນປະກົດການຫຍໍ້ທໍ້ທີ່ປະກົດຂຶ້ນພາຍໃນແຂວງ ທັງເປັນການສ້າງຄວາມເຂັ້ມແຂງໃຫ້ພັກ-ລັດຖະບານພວກເຮົາສາມາດເກັບລາຍຮັບເຂົ້າງົບປະມານເພີ່ມຂຶ້ນຢ່າງຕໍ່ເນື່ອງ ອັນເປັນປະກອບສ່ວນປົກປັກຮັກສາ ແລະ ສ້າງພັດທະນາໃຫ້ມີຄວາມຈະເລີນຮຸ່ງເຮືອງ ປະຊາຊົນບັນດາເຜົ່າມີຄວາມຜາສຸກຂຶ້ນເທື່ອລະກ້າວ. ສະນັ້ນ ຜູ້ກະທໍາຜິດທັງໝົດ 57 ຄົນກໍຕ້ອງປະຕິບັດຄໍາຕິສິນຂອງສານຢ່າງເດັດໂດຍບໍ່ມີຂໍ້ຍົກເວັ້ນ ສ່ວນຊັບສິນຂອງລັດທີ່ເສຍຫາຍກໍຕ້ອງເກັບຄືນໃຫ້ຈົນໝົດ.

ຂ່າວສານປະເທດລາວ

4 COMMENTS

  1. ຂໍສະແດງຄວາມຍິນດີນຳຫົວໜ້າບໍລິຫານຂອງຄະນະກວດກາພັກລັດ ພ້ອມດ້ວຍທີມງານຜູ້ປະຕິບັດຕົວຈິງ, ໃນນາມສ່່ວນຕົວຂ້າພະເຈົ້າແມ່ນຢາກໃຫ້ຄວາມບໍ່ໂປ່ງໃສ ແລະການສໍ້ລາດບັງຫຼວງຕ່າງ ໆ ໃຫ້ໝົດໄປຈາກສັງຄົມລາວ
    ສຶ່່ງທີ່ຂ້າພະເຈົ້າຢາກເຫັນໃນສັງຄົມລາວຄື
    ພະນັກງານລັດໝົດທຸກຄົນຕ້ອງເປັນຄົນມີລະບຽບວິໄນ, ມີຄວາມຮັບຜິດຊອບຕໍ່ໜ້າທີ່ຂອງຕົນທີ່ໄດ້ຮັບມອບໝາຍໃຫ້, ໂປ່ງໃສ , ເປັນທຳ ແລະ ຕ້ອງສາມາດກວດສອບໄດ້, ຖ້າຫາກພະນັກງານລັດທຸກຄັນເຮັດໄດ້ແນວນີ້ ປະເທດຊາດບ້ານເມືອງເຮົາບໍ່ດົນຕ້ອງເປັນປະເທດທີ່ພັດທະນາ ແລະ ມີຄວາມຈະເລີນຮຸ່ງເຮືອງແນ່ນອນ

  2. ປະເທດບ້ານເຮົາມີການສໍ້ລາດກິນໂກງເອົາເໃິນແລະສິ່ງຂອງຂອງລັດມາເປັນຂອງສ່ວນຕົວມາເກືອບສີ່ສິບກວ່າປີແລ້ວເປັນການດີທີ່ສຸດທີ່ລັຖະບານກວດຂັນຈັບກຸມ​ ຊົມເຊີຍ​ 👍👍👍👍👍

  3. ขยนตัวะ เว้าชื่อ ออกมาปะจาน คงจะมีความชัดเจน และเปันแบบอย่างที่ดี

  4. ถ้าแม่นเลื่องแท้ คืบ่อเอารูบพาบ ของผู้ก่ๅวมาให้เบิ่งแด่

Comments are closed.