spot_img
Homeຂ່າວຕ່າງປະເທດປູຕິນລົງນາມເພື່ອລະດົມກຳລັງທະຫານພາຍໃນຣັດເຊຍ

ປູຕິນລົງນາມເພື່ອລະດົມກຳລັງທະຫານພາຍໃນຣັດເຊຍ

Published on

ທ່ານ ວະລາດິເມຍ ປູຕິນ ປະທານາທິບໍດີຣັດເຊຍ ໄດ້ປະກາດວ່າ ໄດ້ລົງນາມດຳລັດເພື່ອ ລະດົມກຳລັງທະຫານພາຍໃນຣັດເຊຍບາງສ່ວນຕື່ມອີກ.

ອ້າງອີງຈາກ ສຳນັກຂ່າວ Sputnik ຂອງຣັດເຊຍ ໄດ້ລາຍງານວ່າ: ປູຕິນ ໄດ້ກ່າວວ່າ ສະຖານະການນີ້ ມັນເປັນສິ່ງຈຳເປັນຫຼາຍທີ່ຕ້ອງຕັດສິນໃຈໃນຄັ້ງນີ້ ທັ້ງນີ້ກໍເພື່ອປົກປັກຮັກສາບ້ານເກີດເມືອງນອນ, ອະທິປະໄຕ ແລະ ຜືນແຜ່ນດິນອັນຄົບຖ້ວນ ແລະກໍເພື່ອຮັບປະກັນຄວາມສະຫງົບ ຄວາມປອດໄພຂອງປະຊາຊົນ ສະນັ້ນຈຶ່ງມີຄວາມຈຳເປັນເພື່ອສະໜັບສະໜູນ ຂໍ້ສະເໜີຂອງກະຊວງປ້ອງກັນປະເທດ ແລະ ກົມໃຫຍ່ເສນາທິການ ກ່ຽວກັບການຈັດຕັ້ງປະຕິບັດວຽກງານຂົນຂວາຍເອົາປະຊາຊົນບາງສ່ວນໃນຂອບເຂດຊາຍແດນທົ່ວປະເທດຣັດເຊຍ.

ໂດຍມາດຕະການຈະເລີ່ມຕົ້ນໃນວັນພຸດ ວັນທີ 21 ກັນຍານີ້ ໂດຍຈະເກນເອົາຜູ້ທີ່ມີປະສົບການ ແລະ ວິຊາຊີບທາງດ້ານທະຫານ ເຊິ່ງປະຊາຊົນທີ່ເຂົ້າຮ່ວມກອງທັບໃນລະຫວ່າງການລະດົມກຳລັງທະຫານ ຈະໄດ້ຮັບສະຖານະ ແລະ ຫຼັກປະກັນທາງສັງຄົມ ຈາກການເປັນທະຫານຮັບຈ້າງ ຈົນກວ່າຈະຈົບການລະດົມທະຫານ.

ກ່ອນ​ໜ້າ​ນີ້ ​ໃນ​ຄຳ​ປາ​ໄສ​ຕໍ່​ປະ​ເທດ​ຊາດຂອງ ປະທານາທິບໍດີ ປູຕິນ ​ໄດ້​ອະທິບາຍ​ສະພາບ​ການ​ກ່ຽວ​ກັບ​ການ​ເຄື່ອນ​ໄຫວ​ທາງ​ການ​ທະຫານ​ພິ​ເສດທີ່ ຢູ​ເຄຣນ, ທ່ານ​ກ່າວ​ເນັ້ນ​ວ່າ ​ເປົ້າ​ໝາຍ​ຕົ້ນຕໍ​ຂອງ​ການ​ປະຕິບັດ​ງານ​ພິ​ເສດ​ຂອງ​ຣັດ​ເຊຍທີ່ຢູເຄຣນ ​ແມ່ນ​ການ​ປົດ​ປ່ອຍ ດອນບາສ.

ຣັດ​ເຊຍ​ຈະ​ສະໜັບສະໜູນ​ໝາກຜົນ​ຂອງ​ການ​ “ລົງ​ປະຊາ​ມະຕິ” ຫຼື ການລົງຄະແນນສຽງ ​ເຊິ່ງຈະ​ດຳ​ເນີນ​ຢູ່​ແຄ້ວນ ໂດເນສ ລູຮັນ ເຄີຊອນ ​ແລະ ຊາປໍລິສເຊຍ.

ທ່ານ​ປູ​ຕິນ​ກ່າວ​ວ່າ ການ​ຂັດແຍ່ງ​ກັນ​ໃນ​ປັດ​ຈຸ​ບັນ​ແມ່ນ​ການ​ຊັກ​ຈູງ​ໂດຍ​ຝ່າຍ​ຕາ​ເວັນ​ຕົກ ໂດຍ​ໃຫ້​ຂໍ້​ສັງ​ເກດ​ວ່າ​ປະ​ເທດ​ຕາ​ເວັນ​ຕົກ​ສະ​ແຫວ​ງຫາ​ການ​ທຳລາຍ ​ແລະ ​ແຕກ​ແຍກ​ຂອງຣັດ​ເຊຍ.

ບົດຄວາມຫຼ້າສຸດ

ເສຍຊີວິດຢ່າງນ້ອຍ 4 ຄົນ ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ

ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ ສຳນັກຂ່າວຕ່າງປະເທດລາຍງານໃນຊ່ວງຕອນເຊົ້າຂອງວັນອາທິດ 12 ຕຸລາ 2025 ເກີດເຫດເຫດການກວດຍິງ ພາຍໃນ ບາແຫ່ງໜຶ່ງ ເຊິ່ງເປັນບາທີ່ໄດ້ຮັບຄວາມນິຍົມຢູ່ໃນລັດເຊົາແຄໂລໄລນາ ສະຫະລັດອາເມລິກາ ເຊິ່ງເຫດການດັ່ງກ່າວເຮັດໃຫ້ມີຄົນເສຍຊີວິດຢ່າງນ້ອຍ 4 ຄົນ...

ເລີ່ມ! ວັນທີ 1 ພະຈິກ 2025 ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100%

ລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາ ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ໄດ້ອອກຄໍາສັ່ງ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100% ຈາກທີ່ປັດຈຸບັນສະຫະລັດເກັບພາສີສິນຄ້າຈີນຢູ່ທີ່...

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...