ເຈ້ຍອານາໄມທີ່ຢູ່ໃນເຮືອນເຮົາຫລາຍຄົນອາດຈະຄິດວ່າ ເຈ້ຍອານາໄມຫຍັງກໍຄືກັນໝົດ ແຕ່ແທ້ໆແລ້ວເຈ້ຍອານາໄມແຕ່ລະປະເພດຖືກເຮັດຂຶ້ນມາ ມີວັດຖຸປະສົງໃນການໃຊ້ງານທີ່ຕ່າງກັນແລະບໍ່ຄວນໃຊ້ປະປົນກັນ
ເຈ້ຍເຊັດໜ້າ (facial tissue) ເປັນເຈ້ຍອານາໄມ ທີ່ມີຄຸນສົມບັດຄວາມໜຽວນຸ່ມເນື່ອງຈາກໃຊ້ສຳລັບຊັບນ້ຳພາຍຫລັງລ້າງໜ້າຫລືໃຊ້ສຳລັບຊຳລະລ້າງເຄື່ອງສຳອາງໃນກະບວນການຜະລິດຈະໃສ່ສານບາງຕົວເພື່ອໃຫ້ເຈ້ຍເກີດຄວາມໜຽວນຸ່ມ
ເຈ້ຍ (toilet paper) ເປັນເຈ້ຍອານາໄມ ທີ່ມີຄຸນສົມບັດຄວາມເປື່ອຍຍຸ່ຍງ່າຍເມື່ອຖືກນ້ຳ ການທີ່ເປື່ອຍງ່າຍບໍ່ໄດ້ແປວ່າບໍ່ດີສະເໝີໄປເພາະຖືກສ້າງມາໃຫ້ຊັບນ້ຳແລະຍ່ອຍລະລາຍງ່າຍແຕ່ເຈ້ຍປະເພດນີ້ ບໍ່ຄວນນຳໄປເຊັດໜ້າເຊັດຕານຳໄປຫໍ່ອາຫານ ຫລື ຮອງອາຫານ ເພາະໃນກະບວນການຜະລິດວັດຖຸດິບ ຈະມີສານເຄມີຈຳພວກສານໂຊດຽມໄຮຫລອກໄຊ (ໂຊດາໄຟ) ສານໄດອອກຊິນ ຊຶ່ງເປັນສານກໍ່ມະເຮັງໃນເຈ້ຍອານາໄມ ໂດຍນຳມາໃຊ້ເພື່ອເຮັດວັດຖຸດິບໃຫ້ເປັນເນື້ອເຍື່ອ ແລະ ໃຊ້ຄໍລີນຊຶ່ງມີສານໄດອອກຊິນເປັນສ່ວນປະກອບໃນການຟອກເຈ້ຍໃຫ້ຂາວ
ເຈ້ຍອານາໄມ table napkin s ເຈ້ຍປະເພດນີ້ມີສອງລັກສະນະ ເປັນເຈ້ຍທີ່ຈັດໄວ້ໃນຫ້ອງນ້ຳເພື່ອເຊັດເຮັດຄວາມສະອາດມື ອີກປະເພດໃຊ້ສຳລັບວາງເທິງໂຕະອາຫານໃຊ້ແທນຜ້າເຊັດປາກສຳລັບການຮັບປະທານອາຫານແບບຕາເວັນຕົກ
ເຈ້ຍອະເນກປະສົງ (paper towels) ເປັນເຈ້ຍອານາໄມສຳລັບໃຊ້ໃນງານເຮືອນທົ່ວໄປ ທົດແທນຜ້າເຊັດພື້ນຫລືຜ້າເຊັດໂຕະ