spot_img
Homeຂ່າວຕ່າງປະເທດປະທານາທິບໍດີ-ນາຍົກ ສີລັງກາລາອອກຈາກຕຳແໜ່ງ

ປະທານາທິບໍດີ-ນາຍົກ ສີລັງກາລາອອກຈາກຕຳແໜ່ງ

Published on

ປະທານາທິບໍດີ ແລະ ທ່ານນາຍົກລັດຖະມົນຕີ ສີລັງກາ ປະກາດລາອອກຈາກຕຳແໜ່ງໃນວັນທີ 13 ກໍລະກົດນີ້ ເພື່ອຈະເປີດທາງໃຫ້ຈັດຕັ້ງລັດຖະບານແຫ່ງຊາດ ຫຼັງຈາກປະຊາຊົນຫຼາຍພັນຄົນລວມຕົວກັນ ປະທ້ວງຄັ້ງໃຫຍ່ທີ່ສຸດນັບຕັ້ງແຕ່ເດືອນມີນາຄົມທີ່ຜ່ານມາ.

ໃນວັນທີ 10 ກໍລະກົດ 2022 ສຳນັກຂ່າວຕ່າງປະເທດລາຍງານວ່າ: ປະທານສະພາຜູ້ແແທນລາຊະດອນສີລັງກາ ເປີດເຜີຍວ່າ, ປະທານາທິບໍດີສີລັງກາຕັດສິນໃຈລາອອກຈາກຕຳແໜ່ງໃນວັນທີ 13 ກໍລະກົດນີ້ ເພື່ອໃຫ້ການປ່ຽນຜ່ານອຳນາດເປັນໄປຢ່າງສັນຕິ. ສ່ວນສຳນັກງານນາຍົກລັດຖະມົນຕີສີລັງກາ ອອກຖະແຫຼງການວ່າ: ທ່ານ ຮານິວ ວິກົມສິງເຫ ນາຍົກລັດຖະມົນຕີພ້ອມລາອອກຈາກຕຳແໜ່ງ ເພື່ອເປີດທາງໃຫ້ຈັດຕັ້ງລັດຖະບານແຫ່ງຊາດຂຶ້ນມາບໍລິຫານປະເທດຕໍ່ໄປ.

ສຳລັບສີລັງກາພະເຊີນວິກິດເສດຖະກິດທີ່ໂຫດຮ້າຍທີ່ສຸດໃນຮອບ 73 ປີ ນັບຕັ້ງແຕ່ໄດ້ຮັບເອກະລາດຈາກອັງກິດ ຈາກປັນຫາເງິນເຟີ້ຂຶ້ນສູງເປັນປະວັດການ ແລະ ທຶນສຳຮອງຕ່າງປະເທດທີ່ມີຢ່າງຈຳກັດ ບໍ່ພຽງພໍຕໍ່ການຊຳລະໜີ້ສິນ ແລະ ຈ່າຍຄ່ານຳເຂົ້ານ້ຳມັນເຊື້ອໄຟ, ອາຫານ ແລະ ຢາ ຈົນສ້າງຄວາມເດືອດຮ້ອນໃຫ້ປະຊາຊົນເປັນວົງກວ້າງ  ແລະ ນຳໄປສູ່ການຕັ້ງຂະບວນປະທ້ວງຂັບໄລ່ຜູ້ນຳປະເທດໃຫ້ລາອອກຈາກຕຳແໜ່ງ.

ທີ່ມາ: BBC

 

ບົດຄວາມຫຼ້າສຸດ

ຕັ້ງໃຈ ຫຼື ອຸບັດຕິເຫດ! ເປີດເຜີຍສາເຫດເຮືອບິນ ແອອິນເດຍ ປະສົບອຸບັດຕິເຫດຕົກ

ເປີດເຜີຍສາເຫດເຮືອບິນ ແອອິນເດຍ ປະສົບອຸບັດຕິເຫດຕົກ ເຮັດໃຫ້ມີຜູ້ເສຍຊີວິດເປັນຈຳນວນຫຼາຍ. ສຳນັກຂ່າວຕ່າງປະເທດລາຍງານໃນວັນທີ 12 ກໍລະກົດ 2025, ໜ່ວຍງານສອບສວນອຸບັດຕິເຫດທາງອາກາດອິນເດຍ (AAIB) ໄດ້ເຜີຍແຜ່ລາຍງານເບື້ອງຕົ້ນກ່ຽວກັບສາເຫດທີ່ເຮັດໃຫ້ເຮືອບິນສາຍການບິນແອອິນເດຍ (Air India) ຖ້ຽວບິນທີ AI171...

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...