ປະທານາທິບໍດີ ທຣັມ ເຜີຍ ຢາກຕັດງົບອົງການອະນາໄມໂລກ ຍ້ອນມີຂໍ້ຜິດພາດຫຼາຍ ແລະ ມັກເຂົ້າຂ້າງຈີນ

0
6787
Trump
Trump

ສຳນັກຂ່າວ ບີບີຊີ ແລະ ຊີເອັນເອັນ ລາຍງານວ່າ ປະທານາທິບໍດີ ໂດນໍ ທຣັມ ແຫ່ງ ສະຫະລັດອາເມລິກາ ກ່າວໃນລະຫວ່າງງານຖະແຫຼງຂ່າວເລື່ອງສະຖານະການໂຄວິດ-19 ທີ່ ທຳນຽບຂາວ ໃນວັນທີ 7 ເມສາ 2020 ວ່າ ເພິ່ນຈະລະງັບການມອບທຶນປະຈໍາປີໃຫ້ແກ່ອົງການອະນາໄມໂລກ (World Health Organization: WHO) ໂທດຖານທີ່ມີຈຸດຢືນເຂົ້າຂ້າງປະເທດ ຈີນ.​

“ເຮົາກຳລັງຈະຢຸດມອບເງິນໃຫ້ແກ່ WHO ເຮົາຈະຢຸດຢ່າງຮຸນແຮງ ແລະ ເຮົາຈະໄດ້ເຫັນດີກັນ” ແຕ່ເມື່ອມີນັກຂ່າວຖາມຕໍ່, ທຣັມ ກໍໄດ້ແກ້ໄຂຄໍາເວົ້າຕົນເອງວ່າ: ”ຂ້າພະເຈົ້າບໍ່ໄດ້ບອກວ່າກຳລັງຈະເຮັດ ແຕ່ເຮົາກຳລັງກວດສອບໃນເລື່ອງນີ້”. ທຣັມ ກ່າວຕື່ມອີກວ່າ ອົງການອະນາໄມໂລກໄດ້ຮັບເງິນສະໜັບສະໜູນ ຈາກ ສະຫະລັດເປັນຈໍານວນຫຼາຍ ແລະ ເພິ່ນຕ້ອງການກວດສອບຄືນໃນເລື່ອງນີ້. ໃນແຕ່ລະປີ ສະຫະລັດຈະມອບທຶນໃຫ້ແກ່ອົງການອະນາໄມໂລກຈໍານວນ 58 ລ້ານໂດລາສະຫະລັດ.

ທຣັມ ກ່າວອີກວ່າ ເຖິງວ່າໂຄງການຫຼາຍໂຄງການຂອງ WHO ຈະຄຸ້ມຄ່າກັບເງິນນັ້ນ ແຕ່ໂດຍລວມແລ້ວ ພວກເຂົາເຮັດຜິດພາດຫຼາຍຢ່າງ ໂດຍສະເພາະການຄັດຄ້ານການຕັດສິນໃຈຂອງເພິ່ນ ທີ່ຈະຢຸດຮັບນັກເດີນທາງທີ່ມາຈາກຈີນ ໃນໄລຍະທີ່ໄວຣັດ ໂຄວິດ-19 ເລີ່ມລະບາດໃໝ່ໆ.

 

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.