spot_img
Homeຂ່າວການພັດທະນາປະ­ທານ​ສະ­ພາ​ແຫ່ງ​ຊາດ ຕິດ­ຕາມ​ໂຄງ­ການ​ກໍ່­ສ້າງ​ເຂື່ອນ​ໄຟ­ຟ້າ​ນ້ຳ​ຄານ

ປະ­ທານ​ສະ­ພາ​ແຫ່ງ​ຊາດ ຕິດ­ຕາມ​ໂຄງ­ການ​ກໍ່­ສ້າງ​ເຂື່ອນ​ໄຟ­ຟ້າ​ນ້ຳ​ຄານ

Published on

20150511125159

ທ່ານ​ນາງ ປາ­ນີ ຢາ​ທໍ່​ຕູ້ ປະທານ​ສະ­ພາ​ແຫ່ງ​ຊາດ ລົງ​ເຄື່ອນໄຫວ​ຕິດ­ຕາມ​ໂຄງ­ການ​ກໍ່­ສ້າງເຂື່ອນ​ໄຟ­ຟ້າ​ນ້ຳ​ຄານ 3 ທີ່​ຕັ້ງລະ­ຫວ່າງ​ບ້ານ​ດອນ​ໂມ ຫາ​ບ້ານຄອນ​ຫວາຍ ເມືອງຊຽງ​ເງິນ ແຂວງ​ຫຼວງ​ພະ​ບາງ ເຊິ່ງ​ມີ​ກຳ­ລັ ຕິດ​ຕັ້ງ 60MW ໃນ​ວັນ​ທີ 7 ພຶດສະ­ພາ 2015 ຜ່ານ​ມາ ໂດຍ​ມີທ່ານ ທອງ​ເພັດ ດ້ວງ​ເງິນ ຮອງຜູ້­ອຳ­ນວຍ­ການ ລັດ​ວິ​ສາ​ຫະ​ກິດ ໄຟ­ຟ້າ​ລາວ ທ່ານ ສົມ​ພອນ ສີ​ອຸດົມ​ພັນ ເຈົ້າ­ເມືອງ​ຊຽງ​ເງິນ ທ່ານ ສຸ­ລິ­ຍາ ໂພ­ທິ​ໄຕ ຫົວ­ໜ້າ​ໂຄງການ​ກໍ່­ສ້າງ​ເຂື່ອນ​ໄຟ­ຟ້າ​ນ້ຳ​ຄານ 3 ພ້ອມ​ຄະ­ນະ ໃຫ້­ການ​ຕ້ອນ­ຮັບ.

ທ່ານ ທອງ​ເພັດ ດ້ວງ​ເງິນ ກ່າວ​ວ່າ: ປະ­ຕິ­ບັດ​ຕາມ​ແຜນ​ພັດທະ​ນາ​ເສດ­ຖະ­ກິດ-ສັງ­ຄົມຂອງພັກ ກໍ່​ຄື​ມະ­ຕິ​ກອງ​ປະ­ຊຸມ​ໃຫຍ່ ຄັ້ງ​ທີ IX ຂອງ​ພັກພວກ​ເຮົາ​ ກໍ່​ໄດ້ຂຸດ​ຄົ້ນ​ຊອກ​ຫາທ່າ­ແຮງ​ທາງດ້ານ​ທຳ​ມະ​ຊາດ​ທີ່​ເຮົາ​ມີ​ຢູ່ ໂດຍເລັງ​ເຫັນ​ທາງ​ດ້ານ​ສາຍ​ນ້ຳ​ຄານທີ່​ເຮົາ​ມີ​ຢູ່​ໃນ​ການ​ພັດ­ທະ­ນາ​ ເປັນເຂື່ອນ ເຊິ່ງ​ຕາມ​ສາຍ​ນ້ຳ​ດັ່ງ­ກ່າວສາ­ມາດ​ພັດ­ທະ­ນາ​ເປັນ​ເຂື່ອນ​ໄດ້ 2-3 ເຂື່ອນ ແລະ ທາງ​ລັດ​ວິ​ສາຫະ​ກິດ​ໄຟ­ຟ້າ​ລາວ​ພວກ​ເຮົາ ປັດຈຸ​ບັນກໍ່​ໄດ້​ເລີ່ມ​ຈັດ​ຕັ້ງປະ­ຕິ­ບັດ 2 ເຂື່ອນ​ພ້ອມ​ກັນ (ເຂື່ອນ​ໄຟ­ຟ້າ​ນ້ຳຄານ 2 ແລະ 3) ຜ່ານ​ການກໍ່­ສ້າງ​ເຂື່ອນໄຟ­ຟ້າ​ນ້ຳ​ຄານ 2 ທີ່ມີ​ກຳ­ລັງ​ຕິດ​ຕັ້ງ 130 MW ເລີ່ມ​ກໍ່­ສ້າງ​ມາ​ຕັ້ງ­ແຕ່​ເດືອນ​ມີ­ນາ ປີ 2011 ມາ​ຮອດ​ປັດ­ຈຸ­ບັນກໍ່​ໄດ້​ເລີ່ມກັກ​ເກັບ​ນ້ຳ​ມາ​ແລ້ວ​ຕັ້ງ­ແຕ່​ວັນ​ທີ 18 ເມ­ສາ 2015 ເປັນ­ຕົ້ນ​ມາ ແລະ ຄາດ​ວ່າ​ເດືອນ​ກັນ­ຍາ 2015 ນີ້ ຈະ​ເລີ່ມ​ທົດ​ລອງ​ແລ່ນເຄື່ອງ ເພື່ອຜະ­ລິດ​ອອກ​ຈຳ­ໜ່າຍ ສຳ­ລັບ​ເຂື່ອນ​ນ້ຳ​ຄານ 3 ທີ່​ມີ​ກຳລັງ​ຕິດ​ຕັ້ງ 60 MW ແມ່ນ​ເລີ່ມກໍ່­ສ້າງ​ມາ​ຕັ້ງ­ແຕ່​ທ້າຍ​ປີ 2012 ມາ​ຮອດ​ປັດ­ຈຸ­ບັນ​ແມ່ນ​ມີ​ຄວາມຄືບ​ໜ້າ​ຫຼາຍ​ກວ່າ 80% ແລະ ຄາດ​ວ່າ​ຫຼັງ​ຈາກ​ເຂື່ອນ​ໄຟ­ຟ້າ​ນ້ຳຄານ 2 ເລີ່ມ​ປ່ອຍ​ນ້ຳ​ລົງ​ມາ​ກໍ່ຈະ​ເກັບ​ກັກ​ນ້ຳ ແລະ ພ້ອມ​ຈະໄດ້​ຜະ­ລິດ​ໄຟ­ຟ້າ​ໃນ​ກາງ​ປີ 2016.

ສ່ວນ​ເລື່ອງ​ການ​ຍົກ­ຍ້າຍ​ຈັດສັນ ຫຼື ການ​ແກ້​ໄຂ​ຊີ­ວິດ​ການເປັນ​ຢູ່​ຂອງ​ປະ­ຊາ­ຊົນ ຂ້າ­ພະ­ເຈົ້າ ບໍ່​ຢາກ​ເວົ້າ​ວ່າ​ຜູ້​ທີ່​ໄດ້​ຮັບ​ຜົນ​ກະທົບ​ຈາກ​ໂຄງ­ການ ຂ້າ­ພະ­ເຈົ້າຢາກ​ເວົ້າ​ວ່າ: ແມ່ນ​ຜູ້ທີ່​ໄດ້​ຮັບການ​ພັດ­ທະ­ນາ​ຈາກ​ການ​ພັດ​ທະນາ​ເຂື່ອນ ເຊິ່ງ​ເປັນ​ຫຍັງ​ຈຶ່ງ​ເວົ້າຄື​ແນວ​ນີ້ ເພາະ­ວ່າ​ປະ­ຊາ­ຊົນ​ໃນເມື່ອ​ກ່ອນ ເຂົາ­ເຈົ້າ​ຢູ່​ບ້ານ​ເດີມ ເຂົ້າ​ເຈົ້າ​ແມ່ນ​ບໍ່​ມີ​ໂອ­ກາດ​ໄດ້​ຮັບການ​ພັດ­ທະ­ນາ (ຢູ່​ຕາມ​ທຳ​ມະຊາດ) ສະ­ນັ້ນ ເວ­ລາ​ທີ່​ມີ​ໂຄງການ​ເຂົ້າ​ມາ ມີ​ທຶນ​ເຂົ້າ​ມາ ກໍ່ເປັນ​ການ​ພັດ­ທະ­ນາ​ຊີ­ວິດ​ການເປັນ​ຢູ່ ຫຼື ເປັນ​ການ​ພັດ­ທະ­ນາຮອບ­ດ້ານ ໂດຍ​ສະ­ເພາະການສ້າງ​ພື້ນ­ຖານ​ໂຄງ​ລ່າງ ຖະ­ໜົນ ໂຮງ­ຮຽນ ສ້າງ​ເຮືອນໃໝ່​ໃຫ້​ແກ່​ປະ­ຊາ­ຊົນ ແລະ ອື່ນໆ ເຊິ່ງ​ຈະ​ເຮັດ​ໃຫ້​ຊີ­ວິດ​ການ​ເປັນ​ຢູ່ຂອງ​ປະ­ຊາ­ຊົນ​ໄດ້​ຮັບ​ການ​ພັດທະ​ນາ​ ໃຫ້​ດີ​ຂຶ້ນ​ເປັນກ້າວໆ.

 

ແຫລ່ງ​ຂ່າວ: ວຽງ​ຈັນ​ໃໝ່

 

ບົດຄວາມຫຼ້າສຸດ

ຄວາມຫວັງໃໝ່ຂອງເນປານ ແຕ່ງຕັ້ງລັດຖະມົນຕີຄົນໃໝ່ ໂດຍຈະປະຕິບັດໜ້າຮັກສາການ 6 ເດືອນ

ພາຍຫຼັງຄວາມວຸ່ນວາຍຂອງເຫດການປະທ້ວງໃນປະເທດເນປານ ເຮັດໃຫ້ອະດີດນາຍຍົກລັດຖະມົນຕີໄດ້ລາອອກ ພ້ອມທັງເດີນທາງອອກນອກປະເທດ ນຳພາໃຫ້ເນປານບໍ່ມີຄົນດຳລົງຕໍາເເໜ່ງນາຍົກລັດຖະມົນຕີໃນໄລຍະໜຶ່ງ. ເຊິ່ງໃນວັນທີ 12 ກັນຍາ 2025 ທີ່ຜ່ານມາ, ໄດ້ມີການປະກາດແຕ່ງຕັ້ງ ທ່ານ ນາງ  ສຸຊີລາ ກາກີ ຂຶ້ນຮັບຕໍາແໜ່ງຮັກສາການນາຍົກລັດຖະມົນຕີ...

ສະຫຼົດ! ຊາຍອາຍຸ 26 ປີ (ເສຍຊີວິດ) ຍ້ອນຂັບລົດຕຳງົວ ທີ່ບ້ານວຽງແກ້ວ ເມືອງຈັນທະບູລີ ນະຄອນຫຼວງວຽງຈັນ

ບັນຫາການປ່ອຍສັດຊະຊາຍ ສ່ຽງເຮັດໃຫ້ຄົນອື່ນເກີດອຸບັດຕິເຫດ ເຖິງຂັ້ນເສຍຊີວິດໄດ້. ບັນຫາການປ່ອຍສັດລ້ຽງ (ງົວ, ຄວາຍ, ແບ້, ມ້າ...) ຍັງຄົງຖືກພົບເຫັນເລື້ອຍໆຢູ່ຫຼາຍໆຂົງເຂດ ຕັ້ງແຕ່ເຂດຊານເມືອງຈົນໄປເຖິງໃນເມືອງ. ຈົນກາຍເປັນຄວາມເຄີຍຊິນໄປແລ້ວສຳລັບຜູ້ສັນຈອນໄປມາທີ່ຕ້ອງລະວັງເອງ ແຕ່ບາງຄັ້ງກໍມີອຸບປະຕິເຫດຕາມມາ ເຊັ່ນ: ລົດໃຫຍ່ຕຳງົວ, ລົດຈັກຕຳງົວ,...

ລາວ-ສ.ເກົາຫຼີ ລົງນາມຮ່ວມມື ເພື່ອດໍາເນີນໂຄງການສ້າງສູນພັດທະນາບຸກຄະລາກອນທາງດ້ານດິຈິຕອນ ມູນຄ່າ 9.9 ລ້ານໂດລາ

ລາວ-ສ.ເກົາຫຼີ ລົງນາມບົດບັນທຶກການຮ່ວມມື (Record of Discussion-ROD) ເພື່ອດໍາເນີນໂຄງການສ້າງສູນພັດທະນາບຸກຄະລາກອນທາງດ້ານດິຈິຕອນ ກະຊວງເຕັກໂນໂລຊີ ແລະ ການສື່ສານ (ກຕສ) ຮ່ວມກັບ ອົງການຮ່ວມມືສາກົນ ສ.ເກົາຫຼີ (KOICA) ໄດ້ຈັດພິທີລົງນາມບົດບັນທຶກການຮ່ວມມື...

ສົ່ງເສີມການທ່ອງທ່ຽວທາງທຳມະຊາດໃນລາວ ໂອກາດການທ່ອງທ່ຽວໃນເຂດປ່າໄມ້ຂອງລາວແບບເປີດກວ້າງ ພ້ອມກັບສ້າງວຽກເຮັດງານທຳໃຫ້ກັບແມ່ຍິງເຖິງ 75,000 ຄົນ

ກະຊວງ ກະສິກໍາ ແລະ ສິ່ງແວດລ້ອມ ໄດ້ອອກຂໍ້ຕົກລົງ ສະບັບ ເລກທີ 1926/ກປ,ລົງວັນທີ 03 ມິຖຸນາ 2025. ຊຶ່ງຂໍ້ຕົກສະບັບດັ່ງກ່າວນີ້ໄດ້ເປັນປັດໃຈພື້ນຖານໃນການຊຸກຍູ້ ແລະ ສົ່ງເສີມການທ່ອງທ່ຽວທຳມະຊາດ...