spot_img
Homeຂ່າວພາຍ​ໃນປກສ ແຂວງບໍ່ແກ້ວ ມ້າງຄະດີຢາເສບຕິດພ້ອມຢຶດຂອງກາງ 100 ກວ່າກິໂລ

ປກສ ແຂວງບໍ່ແກ້ວ ມ້າງຄະດີຢາເສບຕິດພ້ອມຢຶດຂອງກາງ 100 ກວ່າກິໂລ

Published on

ກອງບັນຊາການ ປກສ ແຂວງບໍ່ແກ້ວ ສົມທົບກັບກອງບັນຊາການ ປກສ ເມືອງຕົ້ນເຜິ້ງ ເຂົ້າມ້າງເປົ້າໝາຍຄ້າຂາຍຢາເສບຕິດ ຢູ່ບ້ານມອມ ແລະ ບ້ານສີດອນມີ ເມືອງຕົ້ນເຜິ້ງ, ແຂວງບໍ່ແກ້ວ ກັກຕົວເປົ້າໝາຍໄດ້ 2 ຄົນ ພ້ອມຂອງກາງຢາບ້າ ແລະ ຢາໄອສລວມ 113.5 ກິໂລກຼາມ.

ວັນທີ 21 ກໍລະກົດ ເຈົ້າໜ້າທີ່ແຂວງບໍ່ແກ້ວໄດ້ກັກຕົວ ທ້າວ ສົມຈິດ ແກ້ວໃຈ, ປະຊາຊົນບ້ານມອມ, ເມືອງຕົ້ນເຜິ້ງ ແລະ ກວດຄົ້ນເຮືອນຜູ້ຕ້ອງຫາ ພົບເຫັນຢາໄອສຈໍານວນ 2 ເປົາເທົ່າກັບ 40 ຫໍ່, ໜັກ 40 ກິໂລກຼາມ ພ້ອມໂທລະສັບ 01 ໜ່ວຍ ຂະນະທີ່ຜູ້ກ່ຽວໄດ້ຊັດທອດຫາຜູ້ເຂົ້າຮ່ວມຂະບວນການ 2 ຄົນຄື ທ້າວ ໄມ່ແອ່ນ ປະຊາຊົນບ້ານດຽວກັນ ແລະ ທ້າວ ຍອດແສງ ແສງສະຫວັນ, ປະຊາຊົນບ້ານສີດອນມີ, ເມືອງຕົ້ນເຜິ້ງ.

ທາງເຈົ້າໜ້າທີ່ໄດ້ຕິດຕາມຈັບທ້າວ ຍອດແສງ ແສງສະຫວັນ, ຢູ່ບ້ານສີດອນມີ ພ້ອມກວດຄົ້ນເຮືອນຂອງຜູ້ກ່ຽວ ພົບເຫັນຂອງກາງຢາບ້າຈໍານວນ 367 ມັດ ຫຼື 735.547 ເມັດ, ມີນໍ້າໜັກ 73.5 ກິໂລກຼາມ ພ້ອມປືນ 01 ກະບອກ, ເຮືອກາບ 01 ລໍາ, ແລະ ໂທລະສັບ 02 ໜ່ວຍ, ສ່ວນທ້າວ ໄມ່ແອ່ນ ແມ່ນເອົາຕົວຫຼົບໜີ ແລະ ທາງເຈົ້າໜ້າທີ່ກໍບໍ່ພົບສິ່ງຜິດກົດໝາຍໃດໆພາຍຫຼັງກວດຄົ້ນເຮືອນຂອງຜູ້ກ່ຽວ.

ປະຈຸບັນທາງເຈົ້າໜ້າທີ່ກຳລັງດຳເນີນການສືບສວນ-ສອບສວນຂະຫຍາຍຜົນ ເພື່ອຊອກຫາກຸ່ມແກ້ງຜູ້ຮ່ວມຂະບວນການມາດໍາເນີນຄະດີຕາມລະບຽບຂອງກົດໝາຍ.

ຂໍ້ມູນຈາກ: ໜັງສືພິມບໍ່ແກ້ວ

ບົດຄວາມຫຼ້າສຸດ

ຕັ້ງໃຈ ຫຼື ອຸບັດຕິເຫດ! ເປີດເຜີຍສາເຫດເຮືອບິນ ແອອິນເດຍ ປະສົບອຸບັດຕິເຫດຕົກ

ເປີດເຜີຍສາເຫດເຮືອບິນ ແອອິນເດຍ ປະສົບອຸບັດຕິເຫດຕົກ ເຮັດໃຫ້ມີຜູ້ເສຍຊີວິດເປັນຈຳນວນຫຼາຍ. ສຳນັກຂ່າວຕ່າງປະເທດລາຍງານໃນວັນທີ 12 ກໍລະກົດ 2025, ໜ່ວຍງານສອບສວນອຸບັດຕິເຫດທາງອາກາດອິນເດຍ (AAIB) ໄດ້ເຜີຍແຜ່ລາຍງານເບື້ອງຕົ້ນກ່ຽວກັບສາເຫດທີ່ເຮັດໃຫ້ເຮືອບິນສາຍການບິນແອອິນເດຍ (Air India) ຖ້ຽວບິນທີ AI171...

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...