ບ້ານນໍ້າໂມ້ ເມືອງອະນຸວົງ ແຂວງໄຊສົມບູນ ໄດ້ຮັບເສັ້ນທາງເບຕົງຈາກ ບໍລິສັດ ພູເບ້ຍ ມາຍນິ້ງ.

0
560

ພາຍໃຕ້ໂຄງການຊ່ວຍເຫຼືອຂອງ ບໍລິສັດ ພູເບ້ຍ ມາຍນິ້ງ ເຊິ່ງເສັ້ນທາງນີ້ໄດ້ຊ່ວຍໃຫ້ປະຊາຊົນເດີນທາງໄປ-ມາໄດ້ສະດວກສະບາຍກວ່າເມື່ອກ່ອນ ທັງອໍານວຍຄວາມສະດວກແກ່ການພັດທະນາເສດຖະກິດ-ສັງຄົມຂອງບ້ານ ກໍຄື ການສ້າງເສດຖະກິດຂອງປະຊາຊົນໃຫ້ດີຂຶ້ນເລື້ອຍໆ ມີສ່ວນເຮັດໃຫ້ຄອບຄົວທຸກຍາກພາຍໃນບ້ານຫຼຸດລົງເຫຼືອພຽງ 6 ຄອບຄົວ ໃນປັດຈຸບັນ.

ພິທີມອບ-ຮັບເສັ້ນທາງເບຕົງດັ່ງກ່າວ ໄດ້ຈັດຂຶ້ນໃນທ້າຍເດືອນຜ່ານມາ ທີ່ໂຮງຮຽນມັດທະຍົມສົມບູນ ບ້ານນໍ້າໂມ້ ໂດຍມີ ທ່ານ ພອຍຄຳ ຮຸ່ງບຸນຍວງ ເຈົ້າແຂວງໄຊສົມບູນ ກ່າວຮັບ ແລະ ກ່າວເປີດການນຳໃຊ້, ມີ ທ່ານ ເຫວິນ ຟູຫວາງ ອຳນວຍການ ບໍລິສັດ ພູເບ້ຍ ມາຍນິ້ງ ເປັນຜູ້ກ່າວມອບ ເຊິ່ງມີ ທ່ານ ຈັນເພັງ ບຸນນະຜົນ ປະທານ ບໍລິສັດ ພູເບ້ຍ ມາຍນິ້ງ, ທ່ານຮອງລັດຖະມົນຕີ ປະຈໍາ ຫ້ອງວ່າການ ສຳນັກງານນາຍົກລັດຖະມົນຕີ, ບັນດາທ່ານຮອງລັດຖະມົນຕີ ຈາກກະຊວງທີ່ກ່ຽວຂ້ອງ, ອຳນາດການປົກຄອງແຂວງ-ເມືອງ-ບ້ານ ແລະ ປະຊາຊົນອ້ອມຂ້າງ ເຂົ້າຮ່ວມ.
ແຫຼ່ງຂ່າວ: ຄວາມສະຫງົບ