ບຸນທາດຫຼວງປີນີ້ຈັດພຽງ 3 ວັນ ບໍ່ມີຕະຫຼາດນັດເພື່ອຫຼີກເວັນຄົນແອອັດ

ອີງຕາມການລາຍງານຂອງ ວິທະຍຸກະຈາຍສຽງແຫ່ງຊາດລາວ ໃຫ້ຮູ້ວ່າ ງານບຸນນະມັດສະການພະທາດຫຼວງວຽງຈັນປີນີ້ ຈະຈັດພຽງ 3 ວັນ, ບໍ່ໃຫ້ມີຕະຫຼາດນັດຈຳໜ່າຍສິນຄ້າ ເພື່ອຫຼີກເວັນຄົນແອອັດ, ຜູ້ທີ່ມາທ່ຽວໃນງານຕ້ອງມີນໍ້າຢາລ້າງມື ແລະ ຜ້າອັດປາກມາພ້ອມ.

ທ່ານ ນາງ ວິໄລວອນ ຈັນທະລັງສີ ຫົວໜ້າພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ນະ ຄອນຫຼວງວຽງຈັນ ພ້ອມດ້ວຍຄະນະ ໄດ້ຈັດຖະແຫຼງຂ່າວເມື່ອວັນທີ 22 ຕຸລາ 2020 ທີ່ຜ່ານມາວ່າ ເນື່ອງຈາກສະພາບການໃນທົ່ວໂລກມີການລະບາດຂອງໂຄວິດ-19 ຍັງສືບຕໍ່ຂະຫຍາຍຕົວ. ສະນັ້ນ, ພັກ ແລະ ລັດຖະບານຈຶ່ງໄດ້ມີຄວາມເປັນຫ່ວງເປັນໃຍຕໍ່ບັນຫາສຸຈະພາບຂອງປະຊາຊົນຄົນລາວ ແຕ່ເພື່ອຮັກສາຮີດຄອງປະເພນີອັນດີງາມຂອງລາວ ຈຶ່ງໄດ້ອະນຸຍາດໃຫ້ເຈົ້າພາບນະຄອນຫຼວງວຽງຈັນຈັດງານບຸນນະມັດສະການພະທາດຫຼວງ ປະຈຳປີ 2020 ໃຫ້ໃຊ້ເວລາຈັດພຽງ 3 ວັນ ໃຫ້ຈັດແບບຮີດຄອງປະ ເພນີເທົ່ານັ້ນ ບໍ່ໃຫ້ມີຕະຫຼາດນັດຈຳໜ່າຍສິນຄ້າ ເພື່ອຫຼີກເວັນຄົນແອອັດ, ຜູ້ທີ່ມາທ່ຽວໃນງານຕ້ອງມີນໍ້າຢາລ້າງມື ແລະ ຜ້າອັດປາກມາພ້ອມ.

ຮຽບຮຽງຂ່າວ: ພຸດສະດີ

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.