spot_img
Homeຂ່າວການພັດທະນານ.ວ ລະດົມທຶນຊ່ວຍເຫລືອຜູ້ບຳບັດຢາເສບຕິດ ຢູ່ສູນສົມສະຫງ່າ

ນ.ວ ລະດົມທຶນຊ່ວຍເຫລືອຜູ້ບຳບັດຢາເສບຕິດ ຢູ່ສູນສົມສະຫງ່າ

Published on

20141021135932

 

ເນື່ອງ​ໃນ​ໂອກາດ​ວັນ​ແຫ່ງຊາດ ຕ້ານ​ຢາ​ເສບ​ຕິດ 12 ຕຸລາ ຄົບຮອບ 13 ປີ (12/10/2001-12/10/2014) ອົງການ​ປົກຄອງ

ນະຄອນຫຼວງ​ວຽງ​ຈັນ ຮ່ວມ​ກັບຄະນະ​ກຳມະການ​ແຫ່ງ​ຊາດ ເພື່ອ​ກວດກາ ແລະ ຄວບ​ຄຸມ​ຢາເສບ​ຕິດ ແລະ ສູນ​ປິ່ນປົວ

ແລະ ເຝິກ​ວິຊາ​ຊີບ​ຜູ້​ຕິດ​ຢາ​ເສບ​ຕິດ ນະຄອນ​ຫຼວງ​ວຽງ​ຈັນ ໄດ້​ຮ່ວມ​ກັນຈັດ​ຕັ້ງ​ງານ​ລະດົມ​ທຶນ ເພື່ອ​ຊ່ວຍເຫຼືອ​ຜູ້​ປະສົບ​

ເຄາະ​ຮ້າຍ​ຈາກ​ຢາເສບ​ຕິດ ທີ່​ປິ່ນປົວ ແລະ ເຝີກ​ວິຊາຊີບ​ສົມ​ສະຫງ່າ ເຂົ້າ​ໃນ​ການ​ກໍ່ສ້າງ​ຕຶກ​ຫໍ​ພັກ​ຫຼັງ​ໃໝ່ ຂຸດ​ເຈາະນ້ຳ​ບາ​

ດານ ອ່າງ​ນ້ຳ ສ້າງ​ສະໜາມ​ກີລາ ແລະ ສິ່ງ​ອຳນວຍຄວາມ​ສະດວກ​ອື່ນໆ​ຂຶ້ນ​ວັນ​ທີ 21 ຕຸລາ 2014 ທີ່​ສູນ​ປິ່ນປົວ ແລະ ເຝີກ​

ວິຊາ​ຊີບ​ຜູ້​ຕິດ​ຢາ​ເສບ​ຕິດ (ສົມ​ສະຫງ່າ) ໂດຍ​ເປັນ​ປະທານຂອງ​ທ່ານ ​ດຣ. ສິນ​ລະ​ວົງ ຄຸດ​ໄພທູນ ເຈົ້າ​ຄອງ​ນະຄອນຫຼວງ​

ວຽງຈັນ ບັນດາ​ທ່ານ​ລັດຖະມົນຕີ​ວ່າການ ຊ່ວຍ​ວ່າການ ທ່ານ​ຮອງເຈົ້າ​ຄອງ​ນະຄອນຫຼວງ ທູ​ຕາ​ນຸທູດ ຜູ້ຕາງໜ້າ​ອົງ​ການ

ຈັດຕັ້ງສາກົນປະຈຳ​ລາວ ບັນດາ​ນັກ​ທຸລະ​ກິດ ບໍລິສັດ​ຫ້າງ​ຮ້ານ ຜູ້​ປະກອບ​ການ ທັງ​ພາຍ​ໃນ ແລະ ຕ່າງປະເທດ​ເຂົ້າ​ຮ່ວມ.

 

ໂອກາດ​ນີ້ ທ່ານ​ເຈົ້າ​ຄອງ​ນະຄອນ​ຫຼວງ​ວຽງ​ຈັນ ໄດ້​ກ່າວ​ວ່າ: ອີງໃສ່​ຕົວ​ເລກ​ຂໍ້​ມູນ​ລາຍ​ງານໃນປັດຈຸບັນ ​ມີ​ຜູ້​ບຳບັດ​ຢູ່​ສູນ

​ສົມ​ສະຫງ່າ ມີ​ຈຳນວນ​ເຖິງ 1.711 ຄົນ ຍິງ 90 ຄົນ ເຂົາເຈົ້າ​ເຫຼົ່ານັ້ນ ຕາມ​ທຳ​ມະ​ດາແມ່ນ​ກຳລັງ​ເປັນນັກຮຽນ-ນັກ​ສຶກ​ສາ

ເປັນ​ກຳລັງແຮງ​ໃຫ້​ແກ່​ຄອບຄົວ ແລະ ສັງຄົມ ແຕ່​ພັດ​ມາ​ປະສົບ​ເຄາະ​ຮ້າຍ ຕົກ​ເປັນ​ເຫຍື່ອ​ຂອງ​ຢາ​ເສບ​ຕິດ ອີງໃສ່​ສະ

ພາບ​ຕົວ​ຈິງ​ຂອງ​ສະຖານ​ທີ່​ພັກ​ເຊົາ​ຂອງ​ສູນ ແມ່ນ​ມີຄວາມ​ຄັບແຄບ ແອ​ອັດ​ຫຼາຍ ບໍ່ພຽງພໍ​ທີ່​ຈະ​ຮອງ​ຮັບ​ກັບ​ຈຳນວນ​ຜູ້

​ທີ່​ເຂົ້າ​ມາ​ບຳບັດ ເພື່ອ​ເປັນ​ພື້ນຖານ​ຊ່ວຍ​ໃຫ້​ເຂົາເຈົ້າ​ເຫຼົ່ານັ້ນ​ຫຼຸດພົ້ນ​ອອກ​ຈາກ ການ​ເປັນ​ທາດຂອງ​ຢາ​ເສບ​ຕິດ ຈຳ​ຕ້ອງ

​ມີ​ພື້ນຖານ​ໂຄງ​ລ່າງ​ຮອງ​ຮັບ​ພຽງພໍໃນການ​ບຳບັດ ປິ່ນປົວ ຖື​ໂອກາດ​ນີ້ ຕາງໜ້າ​ໃຫ້​ອົງການ​ປົກຄອງ​ນະຄອນ​ຫຼວງ ສະ

ແດງ​ຄວາມ​ຍ້ອງຍໍ​ຊົມເຊີຍ ທຸກ​ພາກສ່ວນ​ທີ່​ກ່ຽວຂ້ອງ ທັງ​ສູນ​ກາງ ແລະ ທ້ອງຖິ່ນ ປະຊາຊົນ​ທຸກ​ຊັ້ນ​ຄົນໃນ​ທົ່ວ​ປະເທດ

ທີ່​ໄດ້​ປະກອບສ່ວນ​ເຂົ້າ​ໃນການ​ແກ້​ໄຂ​ບັນຫາ​ຢາ​ເສບ​ຕິດ​ຢູ່ປະເທດ​ເຮົາ ແລະ ຮູ້​ບຸນຄຸນ​ມາຍັງ​ບັນດາ​ປະເທດ​ເພື່ອນ​ມິດ

ອົງການຈັດຕັ້ງ​ສາກົນ ສະ​ຖາ​ບັນການ​ເງິນ ອົງ​ການຈັດຕັ້ງ​ທີ່​ບໍ່​ສັງກັດ​ລັດຖະບານ ຜູ້​ປະກອບ​ການ ທັງ​ພາກ​ລັດ ແລະ

ເອກະ​ຊົນ ທັງພາຍ​ໃນ ແລະ ຕ່າງປະເທດ ໄດ້ໃຫ້ການ​ສະໜັບສະໜູນ ອູ້ມຊູຊ່ວຍເຫຼືອ ໃນ​ການ​ແກ້​ໄຂ​ບັນຫາຢາ​ເສບ​ຕິດ​

ຢ່າງ​ດີ​ຕະຫຼອດ​ມາ.

 

ສະເພາະ​ການ​ລະດົມ​ທຶນ​ໃນຄັ້ງ​ນີ້ ​ມີ​ຫຼາຍ​ພາກສ່ວນ ທັງ​ພາກລັດ ແລະ ເອກະ​ຊົນ ບຸກຄົນ ບັນດາ​ບໍລິສັດ​ຫ້າງ​ຮ້ານ​ໃຫ້

ການ​ປະກອບ​ສ່ວນ​ເປັນ​ເງິນສົດ ທັງ​ໝົດ 54 ລ້ານ​ກວ່າ​ກີບ ໃນ​ນັ້ນ ມີ​ບໍລິ​ສັດ ເພັດ​ບັນດິດ​ກໍ່ສ້າງ ບໍລິສັດ ກຣິດ​ຕະ​ພົງ

​ກຣຸບ ແລະ ບໍລິສັດ ຈິດ​ຈະເລີນ​ກໍ່ສ້າງ ພາກສ່ວນ​ລະ 10 ລ້ານ​ກີບ ແລະ ຍັງ​ມີ​ພາກສ່ວນ​ທີ່​ໄດ້​ແຈ້ງ​ເຈດ​ຈຳນົງປະກອບ​

ສ່ວນ​ຕື່ມ​ອີກ 64 ລ້ານ​ກວ່າກີບ ແຕ່​ເມື່ອ​ທຽບໃສ່​ຄວາມ​ຕ້ອງການ​ກໍ່​ເຫັນ​ວ່າ​ຍັງ​ບໍ່​ທັນ​ພຽງພໍ ດັ່ງນັ້ນ ບຸກຄົນ ຫຼື ພາກ

ສ່ວນ​ໃດ ມີ​ປະສົງ​ໃຫ້ການ​ປະກອບສ່ວນ ກໍ່ສາມາດ​ຕິດຕໍ່​ພົວພັນ​ກັບ​ທາງ​ຄະນະ​ຮັບຜິດຊອບ ​ທີ່​ຫ້ອງການ​ຄະນະ​ກຳມະ

ການ​ກວດກາ ແລະ ຄວບຄຸມ​ຢາ​ເສບ​ຕິດ ນະຄອນຫຼວງວຽງ​ຈັນ ຕຶກ​ຫ້ອງ​ວ່າການ​ປົກຄອງ​ນະຄອນຫຼວງ​ວຽງ​ຈັນ ຊັ້ນ

3 ຫຼື ໂທລະສັບ ຫ້ອງການ 021 260265 ຫຼື 020 22441899 ແລະ 020 56662807 ໄດ້​ຕາມເວລາ​ວັນ​ລັດ​ຖະ​ການ.

 

ແຫລ່ງຂ່າວ: ວຽງຈັນໃໝ່

ບົດຄວາມຫຼ້າສຸດ

ມະຕິກອງປະຊຸມສະພາແຫ່ງຊາດກ່ຽວກັບການຮັບຮອງເອົາກົດໝາຍວ່າດ້ວຍການປົກຄອງທ້ອງຖິ່ນ (ສະບັບປັບປຸງ)

ມະຕິກອງປະຊຸມສະພາແຫ່ງຊາດກ່ຽວກັບການຮັບຮອງເອົາກົດໝາຍວ່າດ້ວຍການປົກຄອງທ້ອງຖິ່ນ (ສະບັບປັບປຸງ) ມີລາຍລະອຽດດັ່ງນີ້:

ຕັ້ງໃຈ ຫຼື ອຸບັດຕິເຫດ! ເປີດເຜີຍສາເຫດເຮືອບິນ ແອອິນເດຍ ປະສົບອຸບັດຕິເຫດຕົກ

ເປີດເຜີຍສາເຫດເຮືອບິນ ແອອິນເດຍ ປະສົບອຸບັດຕິເຫດຕົກ ເຮັດໃຫ້ມີຜູ້ເສຍຊີວິດເປັນຈຳນວນຫຼາຍ. ສຳນັກຂ່າວຕ່າງປະເທດລາຍງານໃນວັນທີ 12 ກໍລະກົດ 2025, ໜ່ວຍງານສອບສວນອຸບັດຕິເຫດທາງອາກາດອິນເດຍ (AAIB) ໄດ້ເຜີຍແຜ່ລາຍງານເບື້ອງຕົ້ນກ່ຽວກັບສາເຫດທີ່ເຮັດໃຫ້ເຮືອບິນສາຍການບິນແອອິນເດຍ (Air India) ຖ້ຽວບິນທີ AI171...

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...