spot_img
Homeຂ່າວນໍ້າຖ້ວມນໍ້າຖ້ວມຫລາຍບ້ານຂອງເມືອງໝື່ນ

ນໍ້າຖ້ວມຫລາຍບ້ານຂອງເມືອງໝື່ນ

Published on

ຈາກເຫດການຝົນຕົກໜັກຕໍ່ເນື່ອງຫຼາຍຊົ່ວໂມງແຕ່ຕອນແລງວັນທີ 8 ເຖິງເຊົ້າວັນທີ 9 ພະຈິກ 2016 ນີ້ ຢູ່ເມືອງໝື່ນ ແຂວງວຽງຈັນ. ເຮັດໃຫ້ນ້ຳຍາວ, ນ້ຳຮອນ, ນ້ຳຂວາງ ແລະຫ້ວຍນ້ຳສາຂານ້ຳຂອງລົ້ນຝັ່ງໄຫຼເຂົ້າຖ້ວມ ບ້ານເຮືອນ, ສຸກສາລາກຸ່ມບ້ານເມືອງໝື່ນ ແລະເນື້ອທີ່ກະສິກຳຂອງປະຊາຊົນຫຼາຍບ້ານຂອງເມືອງໝື່ນທີ່ຢູ່ລຽບແມ່ນ້ຳສາຍດັ່ງກ່າວແບບກະທັນຫັນ.

     ເຫດການນ້ຳຖ້ວມຄັ້ງນີ້ ເຮັດໃຫ້ເຂົ້າທີ່ເກັບກ່ຽວ, ກອງເຂົ້າຢູ່ຕາມທົ່ງນາຫຼາຍເຮັກຕາຖືກນ້ຳຊຸໄຫຼ, ແລະຖ້ວມຂັງ, ປະຊາຊົນຈຳຕ້ອງໃຊ້ເຮືອ, ແພເພື່ອເກັບກູ້ຜົນຜະລິດໄດ້ຄືນຈຳນວນໜຶ່ງ, ນອກຈາກນີ້ ຍັງເຮັດໃຫ້ມີງົວຕາຍ ແລະສູນຫາຍອີກຢ່າງໜ້ອຍ 16 ໂຕ, ໝູຕາຍ ແລະສູນຫາຍຫຼາຍສິບໂຕສັດປີກຕາຍ ແລະສູນຫາຍຫຼາຍຮ້ອຍໂຕ. ລົດໄຖນາເດີນຕາມ, ລົດຈັກສູນຫາຍ, ລົດກະບະ 1 ຄັນ, ເຄື່ອງຂອງຮັບໃຊ້ພາຍໃນເຮືອນ, ສິນຄ້າຢູ່ຮ້ານຂາຍເຄື່ອງ, ຖືກນ້ຳຖ້ວມ ເສຍຫາຍເປ່ເພຈຳນວນໜຶ່ງ. ຢ່າງໃດກໍຕາມບໍ່ມີຄົນໄດ້ຮັບບາດເຈັບ, ສູນຫາຍຫຼື ເສຍຊີວິດຈາກເຫດການຄັ້ງນີ້.

ຈາກການສຳຫຼວດຜົນເສຍຫາຍຕົວຈິງມາຮອດຂະນະນີ້ຍັງປະເມີນມູນຄ່າເສຍຫາຍບໍ່ທັນໄດ້, ກຳລັງທະຫານເມືອງ, ກອງພັນ 614, ກອງພັນ 423 ແລະກຳລັງ ປກສ ເມືອງໝື່ນໄດ້ນຳກຳລັງລວມ 80 ກວ່າຄົນເຂົ້າຊ່ວຍເຫຼືອປະຊາຊົນ ບ້ານນາຍາວ, ບ້ານໂພນງາມ, ບ້ານນາຕາດ, ບ້ານເມືອງໝື່ນ ຊຶ່ງເປັນຈຸທີ່ໄດ້ຮັບຜົນກະທົບໜັກກວ່າໝູ່ ເພື່ອຂົນ ຍ້າຍວັດຖຸສິ່ງຂອງ ແລະສັດລ້ຽງຂອງປະຊາຊົນໄວ້ໃນທີ່ປອດໄພສຳເລັດ. ຄາດວ່າວັນທີ 10 ພະຈິກ ປະລິມານນ້ຳກໍຈະໄດ້ຫຼຸດລົງເຂົ້າສູ່ພາວະປົກກະຕິແລ້ວ.

ຂ່າວຈາກ: 

ຕິດຕາມຂ່າວເສດຖະກິດລາວ ກົດໄລຄ໌ເລີຍ!

ບົດຄວາມຫຼ້າສຸດ

ສານຂອງ ທ່ານນາຍົກລັດຖະມົນຕີ ເນື່ອງໃນໂອກາດວັນສາກົນຕ້ານຢາເສບຕິດ ຄົບຮອບ 38 ປີ

ສານຂອງ ທ່ານນາຍົກລັດຖະມົນຕີ ເນື່ອງໃນໂອກາດວັນສາກົນຕ້ານຢາເສບຕິດ ຄົບຮອບ 38 ປີ ເນື່ອງໃນໂອກາດ ວັນສາກົນຕ້ານຢາເສບຕິດ ຄົບຮອບ 38 ປີ (26 ມິຖຸນາ 1987 -...

ສານຫວຽດນາມ ດຳເນີນຄະດີຜູ້ຕ້ອງສົງໃສພະນັກງານລັດ 41 ຄົນ ໃນຂໍ້ຫາສໍ້ລາດບັງຫຼວງ ສ້າງຄວາມເສຍຫາຍ 45 ລ້ານໂດລາ

ສານຫວຽດນາມໄດ້ເປີດການພິຈາລະນາຄະດີສໍ້ລາດບັງຫຼວງ ແລະ ຮັບສິນບົນ ມູນຄ່າ ເກືອບ 1,500 ລ້ານບາດ ຫຼື ປະມານ 45 ລ້ານໂດລາ. ສຳນັກຂ່າວຕ່າງປະເທດລາຍງານໃນວັນທີ 24 ມິຖຸນາ 2025,...

ນໍ້າຖ້ວມຮຸນແຮງຢູ່ແຂວງກຸຍໂຈ ຂອງ ສປ ຈີນ

ຝົນຕົກໜັກຕໍ່ເນື່ອງເຮັດໃຫ້ນໍ້າຖ້ວມໜັກໜ່ວງຢູ່ແຂວງກຸຍໂຈ (Guizhou) ຂອງ ສປ ຈີນ, ປະຊາຊົນ 80,000 ກວ່າຄົນ ຕ້ອງໄດ້ອົບພະຍົບຢ່າງເລັ່ງດ່ວນ. ລັດຖະບານຈີນໄດ້ປະກາດຍົກລະດັບມາດຕະການສຸກເສີນເພື່ອຮັບມືກັບໄພນໍ້າຖ້ວມກະທັນ, ເນື່ອງຈາກຝົນຕົກໜັກຕໍ່ເນື່ອງເປັນເວລາຫຼາຍມື້ໃນແຂວງກຸຍໂຈ ເຊິ່ງຕັ້ງຢູ່ທາງຕາເວັນຕົກສ່ຽງໃຕ້ຂອງ ສປ ຈີນ, ໂດຍລະດັບນໍ້າ...

ໄປບໍ່ລອດ! ເຈົ້າໜ້າທີ່ອຸທະຍານ ແຫ່ງປະເທດໄທ ຈັບກຸມຄົນລາວ 2 ຄົນ ລັກລອບຂາຍຊາກສັດປ່າ

ເຈົ້າໜ້າທີ່ໄທ ຈັບກຸມ 2 ຊາວລາວ ກຽມລັກລອບຄ້າຂາຍຊາກສັດປ່າຫຼາຍກວ່າ 101 ກິໂລກຼາມ ສຳນັກຂ່າວຕ່າງປະເທດລາຍງານໃນວັນທີ 25 ມິຖຸນາ 2025 ຜ່ານມາ, ເຈົ້າໜ້າທີ່ກົມອຸທະຍານແຫ່ງຊາດ ສັດປ່າ ແລະ...