ນ້ຳຖ້ວມອຸດົມໄຊເຮັດໃຫ້ມີຜູ່ເສຍຊີວິດ 1 ຄົນ ແລະ ເສັ້ນທາງເປັນອຳມະພາດກວ່າ 20 ຈຸດ

ເມື່ອວັນທີ 6 ສິງຫາ 2017 ທ່ານ ເພັດສາຄອນ ຫຼວງອາໄພ ເຈົ້າແຂວງອດົມໄຊພ້ອມດ້ວຍຄະນະໄດ້ລົງເຄື່ອນໄຫວຕິດຕາມກວດກາ ແລະ ຢ້ຽມຢາມເບີ່ງຄວາມສຸກທຸກຂອງປະຊາຊົນທີ່ໄດ້ຮັບຜົນກະທົບ ເພື່ອປະເມີນຕິດຕາມຜົນເສຍຫາຍ ແລະ ໃຫ້ກຳລັງໄຈແກ່ປະຊາຊົນທີ່ໄດ້ຮັບເຄາະຮ້າຍ ພາຍຫລັງເກີດເຫດນໍ້າຖ້ວມກະທັນຫັນໃນວັນທີ 5/8/2017 ນີ້ ຂະນະທີ່ ຈາກການລາຍງານຂໍ້ມູນເບື້ອງຕົ້ນມີຜູ້ເສຍຊີວິດ 1 ຄົນ ແລະ ມີເຮືອນຂອງປະຊາຊົນຖືກພັດໄຫຼຫຼາຍຫຼັງ ເສົາໄຟ້າຫັກລົ້ມຈຳນວນຫຼາຍຕົ້ນ ສ່ວນເສັ້ນທາງເລກ 2 ຕາເວັນຕົກ(ເມືອງໄຊ – ເມືອງແບງ,ເມືອງຮຸນ ແລະ ປາກ ແບງ) ແມ່ນເປັນອຳມະພາດ ຂົວຖືກຕັດຂາດ ດິນເຊາະເຈື່ອນຖົມທາງເກືອບ 20 ຈຸດ. ກ່ງວກັບເຫດການທີ່ເກີດຂຶ້ນທາງກຳລັງທະຫານ ຕຳຫຼວດກໍໄດ້ລົງຊ່ວຍເຫຼືອປະຊາຊົນ ມ້ຽນມັດຊາດສະລັກຫັກພັງ,ໄຟຟ້າ, ໂຍທາ,ໂທລະຄົມມະນາຄົມກໍແຕ່ລະພາກສ່ວນກໍພວມສຸມໃສ່ເກັບກຳຂໍ້ມູນ ແລະ ລົງມືແກ້ໄຂ.

 

ແຫລ່ງຂ່າວ: ສຳນັກຂ່າວສານປະເທດລາວ

 

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.