ນໍ້າຊຳລົ້ນຕາຝັ່ງໄຫຼເຂົ້າຖ້ວມເຮືອນປະຊາຊົນໃນເຂດເທສະບານຕົວເມືອງຊຳເໜືອ

0
260

ເວັບໄຊຂ່າວໜັງສືພິມເສດຖະກິດ-ການຄ້າ ລາຍງານເມື່ອວັນທີ 31 ສິງຫາ 2018 ວ່າ ຊຳເໜືອພົບວິກິດນໍ້າຖ້ວມໜັກໃນຮອບຫຼາຍທົດສະວັດ ອີງຕາມການລາຍງານຈາກປະຊາຊົນໃນທ້ອງຖິ່ນໃຫ້ຮູ້ວ່າ ໃນຕອນບ່າຍຂອງວັນທີ 30 ສິງຫາ 2018 ລະດັບນໍ້າຊຳໄດ້ເພີ່ມຂຶ້ນລົ້ນຕາຝັ່ງ ບວກກັບຝົນຕົກຕິດຕໍ່ກັນຫຼາຍວັນ ເຮັດໃຫ້ມວນນໍ້າດັ່ງກ່າວໄຫຼເຂົ້າຖ້ວມເຮືອນປະຊາຊົນ, ຖະໜົນຫົນທາງ ແລະ ເນື້ອທີ່ທຳການຜະລິດ ໃນເຂດເທດສະບານເມືອງຊຳເໜືອບາງຈຸດທີ່ຢູ່ຕໍ່າກໍ່ຖືກນໍ້າຖ້ວມ ເປັນຕົ້ນແມ່ນ ບ້ານ ນາແທ່ນ ເມືອງ ວຽງໄຊ ແມ່ນໄດ້ຮັບຜົນກະທົບຢ່າງໜັກພໍສົມຄວນຈາກໄພພິບັດໃນຄັ້ງນີ້.

ໃນຂະນະທີ່ທາງກົມອຸຕຸນິຍົມ ແລະ ອຸທົກກະສາດ ຍັງອອກມາແຈ້ງເຕືອນໄພນໍ້າຖ້ວມ ແລະ ດິນເຈື່ອນ ເນື່ອງຈາກຮ່ອງຄວາມກົດດັນອາກາດຕໍ່າ ຍັງສືບຕໍ່ພາດຜ່ານຢູ່ພາກເໜືອ ຫາ ພາກກາງ ຂອງປະເທດລາວດ້ວຍກໍາລັງປານກາງ, ສົມທົບກັບລົມມໍລະສຸມຕາເວັນຕົກສ່ຽງໃຕ້ພັດປົກຄຸມເປັນສ່ວນໃຫ່ຍ, ເຊິ່ງລັກສະນະເຊັ່ນນີ້ ຍັງຈະເຮັດໃຫ້ມີຝົນຕົກໃນລະດັບຄ່ອຍ ຫາ ປານກາງ ເປັນບໍລິເວນກວ້າງ ຢູ່ແຕ່ລະພາກ ແລະ ຕົກໜັກ ຢູ່ບາງທ້ອງຖິ່ນ ແຕ່ວັນທີ 27 ສິງ​ຫາ 02 ກັນ​ຍາ 2018.

 

 

 

 

 

ແຫລ່ງຂ່າວ: ໜັງສືພິມເສດຖະກິດ-ການຄ້າ,​ ກົມອຸຕຸນິຍົມ ແລະ ອຸທົກກະສາດ

 

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.