ນິໂຄລ ຄິດແມນ ປະທະບົດບາດກັບ ໂຄລິນ ຟາຣເຣລ ໃນຮູບເງົາລະທຶກຂວັນ The Beguiled

0
55

Focus Features ສົ່ງຕົວຢ່າງຮູບເງົາເລື່ອງ The Beguiled ຮູບເງົາແນວລະທຶກຂວັນເລື່ອງໃໝ່ ຈາກຜົນງານການກຳກັບຂອງ ໂຊເຟຍ ຄອບປາໂລ (Sofia Coppola) ຈາກ Lost in Translation The Bling Ring ເຊິ່ງຈະເປັນການປະທະກັນລະຫວ່າງ ນິໂຄລ ຄິດແມນ ເຈົ້າຂອງລາງວັນ ອອສກ່າຣ ແລະ ໂຄລິນ ຟາຣເຣລ ເຈົ້າຂອງລາງວັນລູກໂລກທອງຄຳ ຮ່ວມດ້ວຍນາງເອກລະດັບແຖວໜ້າຂອງຮໍລີວູດຢ່າງ ເຄິຣສເຕນ ດັນສ໌

ຮູບເງົາເລື່ອງ The Beguiled ເປັນນະວະນິຍາຍທີ່ດັດແປງມາຈາກຜົນງານປາຍປາກາຂອງ Thomas Cullinan ເຊິ່ງເຄີຍຖືກນຳມາສ້າງເປັນຮູບເງົາແລ້ວເມື່ອປີ 1971

The Beguiled ເປັນເລື່ອງລາວຂອງໂຮງຮຽນປະຈຳຍິງລ້ວນໃນລັດວໍຈີເນຍເມື່ອປີ 1864 ທີ່ໃນເວລານັ້ນເກີດສົງຄາມກາງເມືອງຂຶ້ນ ວັນໜຶ່ງໄດ້ມີທະຫານຂ້າເສິກໄດ້ຮັບບາດເຈັບມາຫຼົບຢູ່ໃກ້ກັບໂຮງຮຽນ ພວກນາງຈິ່ງພາເຂົາເຂົ້າມາຮັກສາຕົວ ເຊິ່ງມັນໄດ້ນຳມາສູ່ເລື່ອງລາວເຫດການລະທຶກຂວັນຈົນຄາດບໍ່ເຖິງ ໂດຍຮູບເງົາ The Beguiled ຈະເຂົ້າສາຍໃນອາເມລິກາເມື່ອວັນທີ 30 ມິຖຸນາ 2017 ສຳລັບແຟນຮູບເງົາຊາວລາວທີ່ນິຍົມເບິ່ງຮູບເງົາແນວນີ້ຕ້ອງລໍລຸ້ນກັນວ່າຈະເຂົ້າມາສາຍທີ່ລາວ ຫຼື ບໍ່

 

ວິດີໂອຈາກ: Focus Features

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.