ນິວຊີແລນວິໄຈປູກເທິງນໍ້າທະເລສຳເລັດ!

0
522
credit: Forbes.com

ບໍລິສັດ Agrisea ບໍລິສັດທາງດ້ານການກະເສດ ຂອງປະເທດນິວຊີແລນ ປະສົບຄວາມສຳເລັດກັບການທົດລອງແກ້ໄຂ ຍີນ (Gene) ໃນເຂົ້າ ເຮັດໃຫ້ສາມາດປູກໃນມະຫາສະໝຸດໄດ້ ທັງທົນຕໍ່ຄວາມເຄັມ, ບໍ່ຕ້ອງເພິ່ງພາປຸ໋ຍ, ນໍ້າຈືດ ແລະ ດິນ.

ໃນຂະນະນີ້,​ ນັກວິໄຈສາມາດເພາະລ້ຽງເນື້ອເຍື່ອໃນຫ້ອງປະຕິບັດການພັນພືດໄດ້ແລ້ວ. ນັກວິໄຈຂອງ Agrisea ໃຊ້ຍີນໃນເຂົ້າ ເຊິ່ງເຮັດໜ້າທີ່ຄວບຄຸມ ຂັບໄລ່ເກືອ, ການຫຸ້ມເຊວ, ແລະ ການປ້ອງກັນສານພັນທຸກໍາ ແລະ ເພີ່ມການສະແດງອອກຂອງຍີນເຫຼົ່ານີ້. ເມື່ອຍີນເຫຼົ່ານີ້ມາລວມກັນຈະເຮັດໜ້າທີ່ໃນລັກສະນະເຄື່ອຂ່າຍທຳມະຊາດ, ຊ່ວຍໃຫ້ເຂົ້າ ຈະເລີນເຕີບໂຕໄດ້ຄືເຂົ້າປົກກະຕິ ຂະນະທີ່ໄຮ່ເຂົ້າກາງທະເລ ຈະເຮັດໜ້າທີ່ເປັນໂຕກອງ ດູດຊັບສິ່ງຕ່າງໆໃຫ້ກັບທະເລ.

ບໍລິສັດ ວາງແຜນທີ່ຈະເຮັດໄຮ່ທົດລອງຂະໜາດນ້ອຍແຫ່ງທຳອິດໃນທະເລ ພາຍໃນທ້າຍປີນີ້ ແລະ ຈະເຮັດຟາມທົດລອງຂະໜາດໃຫຍ່ຫຼາຍໆແຫ່ງໃນມະຫາສະໝຸດ ທ້າຍປີ 2021; ຂະນະນີ້ ແມ່ນຢູ່ໃນລະຫວ່າງການເຈລະຈາກັບປະເທດຜູ້ຜະລິດເຂົ້າ ແລະ ຜູ້ບໍລິໂພກລາຍໃຫຍ່ເຊັ່ນ ໄນຈີເຣຍ, ຈີນ, ຫວຽດນາມ, ບັງກະລາເທດ, ນິວຊີແລນ, ສະຫະລັດອາເມລິກາ, ຍີ່ປຸ່ນ ແລະ ຊີລີ ເພື່ອສ້າງຟາມມະຫາສະໝຸດ.

 

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.