spot_img
Homeຂ່າວນໍ້າຖ້ວມນາຍົກລັດຖະມົນຕີເນັ້ນ! ຕ້ອງຊ່ວຍເຫຼືອຜູ້ໄດ້ຮັບຜົນກະທົບຈາກໄພນໍ້າຖ້ວມຢ່າງຮີບດ່ວນ.

ນາຍົກລັດຖະມົນຕີເນັ້ນ! ຕ້ອງຊ່ວຍເຫຼືອຜູ້ໄດ້ຮັບຜົນກະທົບຈາກໄພນໍ້າຖ້ວມຢ່າງຮີບດ່ວນ.

Published on

ໃນຕອນແລງຂອງວັນທີ 20 ສິງຫາ 2018 ທ່ານ ທອງລຸນ ສີສຸລິດ ນາຍົກລັດຖະມົນຕີ ພ້ອມດ້ວຍຄະນະ ໄດ້ລົງເຄື່ອນໄຫວຕິດຕາມສະພາບນໍ້າຖ້ວມ ເຊິ່ງເລີ່ມຈາກ ສວນເຈົ້າອະນຸວົງ ເຂດເມືອງຈັນທະບູລີ ຫາ ບ້ານໜອງດາ ເມືອງສີໂຄດຕະບອງ ນະຄອນຫຼວງວຽງຈັນ ໂດຍມີທ່ານເຈົ້າຄອງນະຄອນຫຼວງວຽງຈັນ, ນາຍບ້ານ ບ້ານໜອງດາ, ເຈົ້າໜ້າທີ່ທີ່ກ່ຽວຂ້ອງ ລົງຕິດຕາມສະພາບນໍ້າຖ້ວມເຂດເມືອງດັ່ງກ່າວ.

ຕາມການລາຍງານຂອງເຈົ້າເມືອງ ເມືອງສີໂຄດຕະບອງໃຫ້ຮູ້ວ່າ ປະຈຸບັນສະພາບນໍ້າຂອງໄດ້ໄຫຼ ຖ້ວມ 6 ບ້ານ, ມີ 480 ຄອບຄົວ ເປັນຈໍານວນ 2.384 ຄົນຄື: ບ້ານໜອງດາ, ບ້ານໂນນຂີ້ເຫຼັກ, ບ້ານຕາດທອງ, ບ້ານດ່ານຄໍາ, ບ້ານອ່າງຄໍາ, ບ້ານດອນຊີງຊູ້. ໃນນັ້ນ, ບ້ານທີ່ໄດ້ຮັບຜົນກະທົບໜັກມີບ້ານໜອງດາ, ບ້ານໂນນຂີ້ເຫຼັກ, ບ້ານຕາດທອງ. ປະຈຸບັນ ປະຊາຊົນບ້ານດັ່ງກ່າວໄດ້ຖືກຍົກຍ້າຍມາຢູ່ໂຮງຮຽນປະຖົມໜອງດາ, ວັດຕາດທອງ, ຫ້ອງການບ້ານໂນນຂີ້ເຫຼັກເປັນທີ່ຮຽບຮ້ອຍແລ້ວ. ​ສ່ວນປະຊາຊົນຢູ່ບ້ານດ່ານຄໍາແມ່ນໄດ້ຍົກຍ້າຍໄປອາໄສຢູ່ກັບຍາດພີ່ນ້ອງເປັນທີ່ຮຽບຮ້ອຍ.

ທ່ານນາຍົກລັດຖະມົນຕີກໍໄດ້ລົງຢ້ຽມຢາມປະຊາຊົນ ທີ່ພັກອາໄສຢູ່ໂຮງຮຽນປະຖົມບ້ານໜອງດາ ແລະ ສູນອື່ນໆ, ແລະ ໄດ້ຊີ້ນໍາວຽກງານຕ່າງໆ ໃຫ້ພາກສ່ວນກ່ຽວຂ້ອງເອົາໃຈໃສ່ໃຫ້ການຊ່ວຍເຫຼືອພໍ່ແມ່ປະຊາຊົນທີ່ໄດ້ຮັບຜົນກະທົບຈາກໄພນໍ້າຖ້ວມຢ່າງຮີບດ່ວນ.

ແຫລ່ງຂ່າວ: ສຳນັກຂ່າວສານປະເທດລາວ

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...