ອົງກອນບໍລິຫານການບິນ ແລະ ອະວາກາດແຫ່ງຊາດສະຫະລັດ ຫລື ນາຊ່າ (NASA) ປະກາດການຄົ້ນພົບລ່າສຸດຂອງເຄື່ອງບິນອະວາກາດຄິວຣິອໍຊິຕີ້ ຊື່ງໄດ້ຮັບພາລະກິດຖືກນຳສົ່ງໃຫ້ອອກໄປສຳຫລວດດາວອັງຄານຕັ້ງແຕ່ປີ 2011 ແລະ ລົງຈອດບໍລິເວນປ່ອງພູເຂົາໄຟ ຫລື ອ່າງຂະໜາດກ້ວາງ 154 ກິໂລແມັດ, ເກລເຄເຕີ້ເທີງດາວອັງຄານ ພົບຮ່ອງຮອຍສີ່ງມີຊີວິດວັດຖຸບູຮານ ແລະ ກ໊າສເມຕານປິດສະຫນາ (ກ໊າສເມຕານເປັນສານໄຮໂດກາກໂບນິກອີ່ມຕົວປະເພດ alkane ຫລື paraffins ທີ່ໄດ້ຈາກຂະບວນການຍ່ອຍສະຫລາຍຂອງວັດຖຸ, ສີ່ງທີ່ມີຊີວິດຂອງຈຸລະຊີບແບບບໍ່ນໍາໃຊ້ອົກຊີແຊນ) ທີີ່ມີປະລິມານຄວາມໜາແໜ້ນເພີ່ມຂື້ນ ແລະ ລົດລົງຕາມລະດູການ ກໍຄືພົບເຫັນປະລິມານກ໊າສຫນາແຫນ້ນຊ່ວງຫນ້າຮ້ອນ ແລະ ຫລຸດລົງຊ່ວງສະພາວະອາກາດໜາວເຢັນ.
ການຄົ້ນພົບພາຍຫລັງຕໍ່ຈາກນີ້ແມ່ນຊ່ວຍເສີມໂອກາດການຄົ້ນພົບແຫລ່ງກຳເນີດຂອງກ໊າສເມຕານໄດ້ຫລາຍຂື້ນ ສ່ວນໂມເລກຸນຂອງສີ່ງທີ່ມີຊີວິດວັດຖຸປິດສະຫນາທີ່ຄົ້ນພົບໃຫມ່ກໍມີຂະຫນາດໃຫຍ່ກວ່າທີ່ເຄີຍພົບເທີງຫນ້າດິນຂອງດາວອັງຄານກວ່າ 100 ເທົ່າ
ການຄົ້ນພົບລ່າສຸດຂອງເຄື່ອງບິນອະວາກາດຄິວຣິອໍຊິຕີ້ເປັນທີ່ນ່າສົນໃຈຍີ່ງ ແລະ ຊ່ວຍເພີ່ມການຢືນຢັນຫລັກຖານການເຄີຍມີຢູ່ຂອງນໍ້າ ເຊີ່ງຫມາຍເຖີງທະເລສາບພາຍໃນອ່າງເກຣເຄເຕີຣ໌ ທີ່ຄັ້ງຫນື່ງອາດເຄີຍມີສີ່ງທີ່ມີຊີວິດອາໄສຢູ່ ຂະນະນີ້ຍັງບໍ່ມີຫລັກຖານຢືນຢັນແນ່ຊັດ ຕ້ອງອາໄສການສຶກສາ ແລະ ກວດສອບອີກຫລາຍຢ່າງ. ເຈົ້ົາຫນ້າທີ່ອົງການນາຊາຄົນຫນື່ງເຜີຍວ່າ ການຄົ້ນພົບສີ່ງໃຫມ່ໆເທີງດາວອັງຄານຖືວ່າເປັນການໃຫ້ທຸກຝ່າຍເດີນຫນ້າຄົ້ນຫາຫລັກຖານຂອງສີ່ງທີ່ມີຊິວິດເທີງດາວອັງຄານຕໍ່ໄປ ແລະ ໝັ້ນໃຈວ່າພາລະກິດທີ່ກຳລັງເຮັດຢູ່ນັ້ນ ທີ່ວາງແຜນໄວ້ຈະປົດລັອກການຄົ້ນພົບຄັ້ງສຳຄັນເທີງດາວອັງຄານນີ້ຫລາຍຂື້ນ.
ຮູບພາບອ້າງອີງຈາກ: Twitter @MarsCuriosity ແລະ @NASA
ແຫລ່ງຂ່າວຕ່າງປະເທດ: TNA