spot_img
Homeຂ່າວຕ່າງປະເທດນັກໂທດ ລອດຈາກໂທດປະຫານໂດຍການສັກຢາພິດເຂົ້າຮ່າງກາຍ 18 ເທື່ອ ສຸດທ້າຍເສຍຊີວິດຍ້ອນໂຄວິດ-19

ນັກໂທດ ລອດຈາກໂທດປະຫານໂດຍການສັກຢາພິດເຂົ້າຮ່າງກາຍ 18 ເທື່ອ ສຸດທ້າຍເສຍຊີວິດຍ້ອນໂຄວິດ-19

Published on

ທ້າວ ໂລເມວ ບຣູມ (Romell Broom) ເຊິ່ງຖືກໂທດປະຫານຊີວິດຈາກຄະດີລັກພາຕົວ ຂົ້ມຂື່ນ ແລະ ຂ້າເດັກນ້ອຍ ໃນປີ 1984. ເຮັດໃຫ້ ທ້າວ ໂລເມວ ຕ້ອງຢູ່ໃນຄ້າຍຄຸມຂັງ ໃນລັດໂອໄຮໂອ ສະຫະລັດອາເມຣິກາ ດົນເຖິງ 24 ປີ ແລະ ມີກຳນົດຖືກປະຫານຊີວິດ ເມື່ອ ວັນທີ 15 ກັນຍາ ປີ 2009.

ເມື່ອຮອດມື້ປະຫານ ເຈົ້າໜ້າທີ່ໄດ້ຊອກຫາເສັ້ນເລືອດທີ່ຈະສັກຢາພິດເຂົ້າ ແຕ່ບໍ່ເຫັນ ເຖິງວ່າ ທ້າວ ໂລເມວ ຈະໃຫ້ຄວາມຮ່ວມມື ບໍ່ວ່າຈະຍົກແຂນ ເໜັງມື, ແຕ່ກໍຍັງບໍ່ເຫັນເສັ້ນເລືອດ ທີ່ເໝາະກັບການສັກຢາພິດ ເພື່ອໃຫ້ເຂົ້າທົ່ວຮ່າງກາຍ.

ຕໍ່ມາຄັ້ງທີ່ 2 ໃນວັນທີ 22 ກັນຍາ ປີ 2009, ແຕ່ເຈົ້າໜ້າທີ່ກໍ່ຍັງບໍ່ສາມາດເຮັດໃຫ້ລາວເສຍຊີວິດ ແບບບໍ່ທໍລະມານໄດ້ ເຊິ່ງທ້າວ ໂລເມວ ຖືກເຂັມແທງ ລວມ 18 ເທື່ອ ເຮັດໃຫ້ແຂນ ແລະ ຂາ ເຕັມໄປດ້ວຍຮອຍເຂັມ ແຕ່ກໍ່ຍັງບໍ່ເສຍຊີວິດ.

ຈົນມາຮອດ ວັນທີ 17 ມີນາ ປີ 2020 ເຊິ່ງໄດ້ກຳນົດມື້ປະຫານຊີວິດ ໂດຍການສັກຢາໃຫ້ທ້າວ ໂລເມວ ອີກຄັ້ງ, ແຕ່ກໍ່ຕ້ອງໄດ້ເລື່ອນໄປກ່ອນ ເພາະປີນັ້ນຂາດແຄນຢາ ທີ່ຈຳເປັນຕ້ອງໃຊ້ ເລີຍເຮັດໃຫ້ ທ້າວ ໂລເມວ ລອດຊີວິດ ຈາກການປະຫານໄປອີກຄັ້ງໜຶ່ງ ແລະ ເລື່ອນເວລາໄປເປັນປີ 2022 ແທນ.

ຫຼັງຈາກທີ່ໂຄວິດ-19 ໄດ້ແຜ່ລະບາດທົ່ວໂລກ ແລະ ມີລາຍງານວ່າ ທ້າວ ໂລເມວ ໄດ້ເສຍຊີວິດ ເມື່ອ ວັນທີ 28 ທັນວາ ປີ 2020 ທີ່ຜ່ານມາ, ໂດຍມີອາຍຸ 64 ປີ ໂດຍທາງຄ້າຍຄຸມຂັງໄດ້ລົງຊື່ໃນບັນຊີນັກໂທດ ທີ່ຄາດວ່າ ເສຍຊີວິດຈາກການຕິດເຊື້ອໂຄວິດ-19.

ບົດຄວາມຫຼ້າສຸດ

ຕັ້ງໃຈ ຫຼື ອຸບັດຕິເຫດ! ເປີດເຜີຍສາເຫດເຮືອບິນ ແອອິນເດຍ ປະສົບອຸບັດຕິເຫດຕົກ

ເປີດເຜີຍສາເຫດເຮືອບິນ ແອອິນເດຍ ປະສົບອຸບັດຕິເຫດຕົກ ເຮັດໃຫ້ມີຜູ້ເສຍຊີວິດເປັນຈຳນວນຫຼາຍ. ສຳນັກຂ່າວຕ່າງປະເທດລາຍງານໃນວັນທີ 12 ກໍລະກົດ 2025, ໜ່ວຍງານສອບສວນອຸບັດຕິເຫດທາງອາກາດອິນເດຍ (AAIB) ໄດ້ເຜີຍແຜ່ລາຍງານເບື້ອງຕົ້ນກ່ຽວກັບສາເຫດທີ່ເຮັດໃຫ້ເຮືອບິນສາຍການບິນແອອິນເດຍ (Air India) ຖ້ຽວບິນທີ AI171...

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...