ນັກວິທະຍາສາດໃຊ້ເລເຊີຣ໌ຣັງສີເອກຊ໌ສ້າງ “ຝົນເພັດ” ໃນຫ້ອງທົດລອງໄດ້ສຳເລັດ

0
367

ຕອນນີ້ນັກວິທະຍາສາດທີ່ຫ້ອງປະຕິບັດການເຄື່ອງເລັ່ງອານຸພາບແຫ່ງຊາດ (SLAC National Accelerator Laboratory) ມະຫາວິທະຍາໄລ ສແຕນຟຣອດ ໄດ້ເຮັດໃຫ້ເກີດປະກົດການຝົນເພັດເກີດຂຶ້ນແທ້ໃນໂລກໄດ້ສຳເລັດເປັນຄັ້ງທຳອິດ

ດາວຢູເຣນັສ ແລະ ດາວເນັບຈູນທີ່ເປັນດາວເຄາະນ້ຳແຂງຂະໜາດໃຫຍ່ໃນລະບົບສຸລິຍະຂອງເຮົາທີເຊື່ອກັນວ່າມີສະພາບເງື່ອນໄຂທີ່ເໝາະສົມສຳລັບການເກີດຝົນເພັດ ຮອບແກນກາງມີຊັ້ນນ້ຳແຂງຫຼອມລະລາຍມັນບໍ່ໄດ້ມີພຽງນ້ຳແຂງທີ່ເກີດຈາກນ້ຳເທົ່ານັ້ນ ຍັງມີນ້ຳແຂງແອມໂມເນຍ ແລະ ນ້ຳແຂງມີເທນຮວມຢູ່ນຳ ສະພາບແວດລ້ອມແບບນີ້ກັບຄວາມກົດດັນມະຫາສານຂອງດາວຈະບີບອະນຸພາບໄຮໂດຣເຈນ ແລະ ຄາຣບອນໃຫ້ກາຍເປັນເພັດ ແລ້ວຕົກລົງໄປຄ້າຍກັບຝົນສູ່ແກນກາງຂອງດວງດາວ

ທີມນັກວິໄຈຈະໃຊ້ໂຟມໂພລິສໄຕຣິນ ເຊິ່ງເຮັດຈາກມີເທນທີ່ເປັນອົງປະກອບຫຼັກໃນບັນຍາກາດຂອງນ້ຳແຂງຍັກ ຈາກນັ້ນນັກວິໄຈໄດ້ເຮັດການລະເບີດໂຟມດ້ວຍເລເຊີຣັງສີເອກຊ໌ທີ່ມີພະລັງຫຼາຍທີ່ສຸດໃນໂລກດ້ວຍເຄື່ອງມືທີ່ຮຽກວ່າ Linac Coherent Light Source (LCLS) ເຊິ່ງຈະສົ່ງຄື້ນກະແທກ (Shock Wave) ໄປທີ່ໂຟມແບບຄື້ນຄູ່ ຄື້ນທຳອິດຈະນ້ອຍ ແລະ ຊ້າເຮັດໃຫ້ຄື້ນທີສອງໄລ່ນຳມາທັນ

Dominik Kraus ຫົວໜ້າທີມວິໄຈເລື່ອງນີີ້ກ່າວວ່າ “ຄຸນສົມບັດທາງເຄມີທີ່ເກີດຂຶ້ນພາຍໃນດາວເຄາະສາມາດໃຫ້ຂໍ້ມູນເພີ່ມເຕີມກ່ຽວກັບລັກສະນະຂອງດາວເຄາະໄດ້ ເຮົາບໍ່ສາມາດເຂົ້າໄປໃນດາວເຄາະ ແລະ ເບິ່ງມັນໄດ້ ດັ່ງນັ້ນການທົດລອງໃນຫ້ອງປະຕິບັດການນີ້ຈິ່ງເຕີມເຕັມການສັງເກດການຈາກກ້ອງໂທລະທັດ ” ແລະ ສຳລັບໃນການທົດລອງນີ້ເລເຊີຣ໌ຄວາມເຂັ້ມສູງໄດ້ເຮັດໃຫ້ສາມາດຖ່າຍພາບເອັກສເລ, ວັດຂະໜາດ ແລະ ອົງປະກອບຂອງມັນໄດ້

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.