spot_img
Homeຂ່າວຕ່າງປະເທດຊາຍໜຸ່ມຝຣັ່ງສຸດເຮັງ ພົບເຫັນຄຳມູນຄ່າ 3.5 ລ້ານຢູໂຣ ໃນເຮືອນຫຼັງເກົ່າ

ຊາຍໜຸ່ມຝຣັ່ງສຸດເຮັງ ພົບເຫັນຄຳມູນຄ່າ 3.5 ລ້ານຢູໂຣ ໃນເຮືອນຫຼັງເກົ່າ

Published on

ຊາຍໜຸ່ມຝຣັ່ງຄົນໜຶ່ງ ໄດ້ຮັບມໍລະດົກເປັນບ້ານ 1​ ຫຼັງຈາກພີ່ນ້ອງຂອງລາວ ທີ່ຫາກໍ່ເສຍຊີວິດໄປບໍ່ດົນມານີ້ ແຕ່ໂຊກດີກວ່າການໄດ້ເປັນເຈົ້າຂອງເຮືອນນັ້ນຄື ລາວໄດ້ພົບເຫັນຄຳຈຳນວນຫຼາຍ, ມີທັງຄຳເປັນຫຼຽນ ແລະຄຳເປັນແທ່ງ

ເຮືອນຫຼັງດັ່ງກ່າວ ຕັ້ງຢູ່ໃນແຄວ້ນນໍມັງດີ ປະເທດຝຣັ່ງ, ຊາຍຄົນດັ່ງກ່າວໃຫ້ສຳພາດກັບນັກຂ່າວ AFP ວ່າຊັບສົມບັດ ທີ່ລາວຄົ້ນພົບນັ້ນປະກອບດ້ວຍ ຫຼຽນຄຳ 5,000 ຫຼຽນ, ຄຳແທ່ງໜັກ 12 ກິໂລ ຈຳນວນ 2 ແທ່ງ ແລະຄຳແທ່ງນໍ້າໜັກ 1 ກິໂລ ອີກ 37 ແທ່ງ ລວມເປັນນໍ້າໜັກທັງໝົດ 100 ກິໂລ. ຄຳດັ່ງກ່າວນັ້ນ ຖືກເຊື່ອງໄວ້ຕາມເຟີນິເຈີຕ່າງໆ, ກ້ອງຜ້າເສື່ອ, ຫ້ອງນໍ້າ ເວົ້າໄດ້ວ່າ ຄຳໄດ້ກະແຈກກະຈາຍ ເຊື່ອງຢູ່ທຸກບ່ອນໃນບ້ານເລີຍ, ລວມມູນຄ່າຂອງຄຳ ທີ່ຖືກຄົ້ນພົບປະມານ 3.5 ລ້ານຢູໂຣ

ຄຳທັງໝົດ ຖືກຊື້ມາໃນຊ່ວງປີ 1950-1960 ເຊິ່ງຖືວ່າ ເປັນຄວາມໂຊກດີຂອງຊາຍໜຸ່ມຝຣັ່ງດັ່ງກ່າວ, ທີ່ໄດ້ພົບເຫັນໃນລະຫວ່າງມ້ຽນເຮືອນ, ນອກຈາກນັ້ນ ຍັງພົບເຫັນເອກະສານຢືນຢັນວ່າ ຄຳເຫຼົ່ານີ້ ເປັນຊັບສົມບັດຂອງພີນ້ອງຜູ້ທີ່ເສຍຊີວິດໄປແລ້ວນັ້ນ

ຂະນະນີ້ ຄຳດັ່ງກ່າວຖືກຂາຍໃຫ້ແກ່ຜູ້ຊື້ຕ່າງໆທັງໃນຝຣັ່ງ ແລະຕ່າງປະເທດ, ແຕ່ເບິ່ງແລ້ວ ຜູ້ທີ່ໂຊກດີແທ້ໆຂອງເລື່ອງນີ້ ໜ້າຈະແມ່ນລັດຖະບານຝຣັ່ງຫຼາຍກວ່າ ເພາະນອກຈາກຊາຍໜຸ່ມຄົນດັ່ງກ່າວ ຈະຕ້ອງຈ່າຍພາສີ ມູນມໍລະດົກມູນຄ່າເປັນ 45% ທີ່ລາວໄດ້ຮັບແລ້ວ, ລາວຍັງຕ້ອງໄດ້ຈ່າຍພາສີຄືນຫຼັງ 3 ປີ ໃຫ້ແກ່ລັດຖະບານອີກ, ເພາະວ່າພີ່ນ້ອງຜູ້ທີ່ເສຍຊີວິດໄປແລ້ວນັ້ນ ບໍ່ໄດ້ເຮັດພິໄນກຳໄວ້ວ່າ ຈະຍົກຄຳດັ່ງກ່າວນັ້ນໃຫ້ໃຜ

ບົດຄວາມຫຼ້າສຸດ

ຕັ້ງໃຈ ຫຼື ອຸບັດຕິເຫດ! ເປີດເຜີຍສາເຫດເຮືອບິນ ແອອິນເດຍ ປະສົບອຸບັດຕິເຫດຕົກ

ເປີດເຜີຍສາເຫດເຮືອບິນ ແອອິນເດຍ ປະສົບອຸບັດຕິເຫດຕົກ ເຮັດໃຫ້ມີຜູ້ເສຍຊີວິດເປັນຈຳນວນຫຼາຍ. ສຳນັກຂ່າວຕ່າງປະເທດລາຍງານໃນວັນທີ 12 ກໍລະກົດ 2025, ໜ່ວຍງານສອບສວນອຸບັດຕິເຫດທາງອາກາດອິນເດຍ (AAIB) ໄດ້ເຜີຍແຜ່ລາຍງານເບື້ອງຕົ້ນກ່ຽວກັບສາເຫດທີ່ເຮັດໃຫ້ເຮືອບິນສາຍການບິນແອອິນເດຍ (Air India) ຖ້ຽວບິນທີ AI171...

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...