ຊາຍອິນເດຍ ຜູ້ທີ່ມີເມຍຫຼາຍທີ່ສຸດໃນໂລກ ໄດ້ເສຍຊີວິດແລ້ວ

0
1036
ພາບຖ່າຍ ທ້າວ ໄຊອໍນາ ຊານາ

ວັນທີ 14 ເດືອນມິຖຸນາ 2021 ສຳນັກຂ່າວ BBC ລາຍງານວ່າ ທ້າວ ໄຊອໍນາ ຊານາ (Ziona Chana) ຜູ້ທີ່ມີເມຍຫຼາຍທີ່ສຸດໃນໂລກ ໄດ້ເສຍຊີວິດແລ້ວດ້ວຍໄວ 76 ປີ ຫຼັງຈາກຕໍ່ສູ້ກັບໂລກເບົາຫວານ ແລະ ຄວາມດັນໂລຫິດສູງ.

ພາບຖ່າຍລວມ ຄອບຄົວ ທ້າວ ໄຊອໍນາ ຊານາ

ເລື່ອງລາວຂອງທ້າວ ໄຊອໍນາ ເປັນທີ່ສົນໃຈຂອງສື່ໃນຊ່ວງຫຼາຍປີທີ່ຜ່ານມາ ໂດຍຄອບຄົວໃຫຍ່ຂອງລາວໃຊ້ຊີວິດຢູ່ນຳກັນໃນອາຄານ 4 ຊັ້ນ ຂະໜາດ 100 ຫ້ອງ ໂດຍທີ່ບັນດາເມຍໄດ້ພັກຢູ່ຮ່ວມກັນ ເຊິ່ງໄດ້ຕິດກັບຫ້ອງນອນສ່ວນຕົວຂອງ ທ້າວ ໄຊອໍນາ ເຮັດໃຫ້ສະຖານທີ່ແຫ່ງນີ້ກາຍເປັນແຫຼ່ງທ່ອງທ່ຽວອັນສຳຄັນຂອງລັດ Mizoram ໃນອິນເດຍ ມີທ່ອງທ່ຽວຈຳນວນຫຼາຍທີ່ຕ້ອງການຂໍມາເບິ່ງວິຖີການໃຊ້ຊີວິດຂອງຄອບຄົວນີ້.

ພາບບ້ານ ທ້າວ ໄຊອໍນາ ຊານາ

ພໍ່ຕູ້ຂອງ ທ້າວ ໄຊອໍນາ ເປັນຜູ້ກໍ່ຕັ້ງ ລັດຊານາ ພອລ ເຊິ່ງໃຫ້ຜູ້ຊາຍສາມາດມີເມຍໄດ້ຫຼາຍຄົນ ກໍ່ຕັ້ງຂຶ້ນໃນປີ 1942 ຈົນປັດຈຸບັນລັດຖິນີ້ມີສະມາຊິກປະມານ 2,000 ຄົນ ແລະ ທັງໝົດອາໄສຢູ່ໃນໝູ່ບ້ານ ທີ່ໃກ້ກັບບ້ານຂອງ ທ້າວ ໄຊອໍນາ.