spot_img
Homeຂ່າວພາຍ​ໃນຈັບຜູ້ຕ້ອງຫາຂົນກັນຊາ 102 ກິໂລກຼາມ ໄປດຳເນີນຄະດີ

ຈັບຜູ້ຕ້ອງຫາຂົນກັນຊາ 102 ກິໂລກຼາມ ໄປດຳເນີນຄະດີ

Published on

ໃນວັນທີ 9 ກັນຍາ 2022, ເຈົ້າຫນ້າທີ່ກອງບັນຊາການ ປກສ ເມືອງຫີນບູນ ແຂວງຄໍາມ່ວນ ແລະ ກອງກໍ່ສ້າງຮາກຖານ 917 ໄດ້ຕິດຕາມເປົ້າຫມາຍຄ້າຂາຍຢາເສບຕິດຂອບເຂດບ້ານໂພນຄໍ້ ສາມາດກັກຕົວ ຜູ້ຖືກຫາໄດ້ 1 ຄົນ ພ້ອມທັງນໍາຕົວເຂົ້າກວດຄົ້ນເຄຫະສະຖານພົບເຫັນຢາເສບຕິດ ປະເພດກັນຊາອັດແທ່ງ 4 ຖົງ ນໍ້າຫນັກ 102 ກິໂລກຼາມ ທີ່ປະໄວ້ຢູ່ໃນເຮືອຈັກຢູ່ແຄມນໍ້າ ເພື່ອລໍຖ້າໃຫ້ຜູ້ຮ່ວມຂະບວນການຢູ່ ປະເທດເພື່ອນບ້ານມາຮັບ.

ຜ່ານການສອບສວນເບື້ອງຕົ້ນຂອງເຈົ້າຫນ້າທີ່ຕໍາຫຼວດ ຈິ່ງຮູ້ວ່າ:

ຜູ້ຖືກຫາຊື່ ທ້າວ ສົມຫມາຍ ອາຍຸ 29 ປີ ຢູ່ບ້ານໂພນຄໍ້ ເຊິ່ງຜູ້ກ່ຽວຮັບສາລະພາບວ່າ ຂອງກາງປະເພດ ກັນຊາຈໍານວນດັ່ງກ່າວ ແມ່ນຂອງຜູ້ກ່ຽວແທ້ ແລະ ກ່ອນທີ່ຈະຖືກກັກຕົວແມ່ນໄດ້ລັກລອບເຮັດມາແລ້ວ 2 ຄັ້ງຄື:

ຄັ້ງທີ 1. ໃນວັນທີ 5 ກັນຍາ 2022 ຈໍານວນ 100 ກິໂລກຼາມ ນໍາຜູ້ຮ່ວມຂະບວນການບໍ່ຮູ້ຊື່ເປັນຄົນຢູ່ ທາງແບ່ງຫຼັກ 20 ແລະ ຜູ້ກ່ຽວແມ່ນໄດ້ຂີ່ລົດຟໍຈູນເນີ ອໍນິວ ສີຂາວ ບໍ່ຕິດປ້າຍທະບຽນ ມາສົ່ງກັນຊາຢູ່ໃນ ຈຸດທີ່ໄດ້ນັດຫມາຍກັນໄວ້ ຢູ່ທ່າແຄມຂອງເຫນືອ ບ້ານໂພນຄໍ້ ໂດຍຖິ້ມປະໄວ້.

ຈາກນັ້ນ, ຕົນເອງກໍໄປຂົນເອົາກັນຊາຈໍານວນ 4 ຖົງ ລົງໃສ່ເຮືອຈັກຫາງຍາວຂ້າມໄປປະໄວ້ຢູ່ດອນ ແລ້ວກໍມີເຮືອຄົນໄທຂີ່ມາຮັບເອົງ ໂດຍໄດ້ຮັບຄ່າຈ້າງຈໍານວນ 7.000 ບາດ.

ສ່ວນຄັ້ງທີ 2. ແມ່ນໃນວັນທີ 8 ກັນ 2022 ເວລາປະມານ 8:00 ໂມງ ໄດ້ໄປຮັບເອົາກັນຊານໍາຜູ້ ເກົ່າອີກ ໂດຍໄດ້ຄ່າຈ້າງຈໍານວນ 4.000 ບາດ.

ປັດຈຸບັນຄະດີດັ່ງກ່າວ, ເຈົ້າຫນ້າທີ່ ປກສ ເມືອງຫີນບູນ ແລະ ກອງກໍ່ສ້າງຮາກຖານ 917 ໄດ້ມອບໃຫ້ ກອງບັນຊາການ ປກສ ແຂວງຄໍາມ່ວນ ດໍາເນີນຄະດີ ເມື່ອສອບສວນຫາຜູ້ຮ່ວມຂະບວນການມາດໍາເນີນ ຄະດີຕາມກົດຫມາຍ.

ບົດຄວາມຫຼ້າສຸດ

ຍີ່ປຸ່ນໃຫ້ທຶນຊ່ວຍເຫຼືອ 88,546 ໂດລາ ໃນໂຄງການກໍ່ສ້າງໂຮງຮຽນປະຖົມສົມບູນ ບ້ານຫາດສະ ເມືອງປາກທາ ແຂວງບໍ່ແກ້ວ ເພື່ອຍົກລະດັບສະພາບແວດລ້ອມການສຶກສາຮ່ຳຮຽນ

ໃນວັນທີ 15 ຕຸລາ 2025 ທີ່ຜ່ານມາ, ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອເປັນມູນຄ່າປະມານ 88,546 ໂດລາສະຫະລັດ ໃນ ໂຄງການກໍ່ສ້າງໂຮງຮຽນປະຖົມສົມບູນບ້ານຫາດສະ ເຊິ່ງແມ່ນໂຄງການທີ່ຢູ່ພາຍໃຕ້ກອບຮ່ວມມືທີ່ມີຊື່ວ່າ ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP). ໂຄງການດັ່ງກ່າວແມ່ນການສະໜັບສະໜູນທຶນຮອນເພື່ອກໍ່ສ້າງອາຄານຮຽນໃໝ່, ຫ້ອງນໍ້າ...

ຕ້ອນຮັບຢ່າງອົບອຸ່ນ! ປະທານປະເທດ ຕ້ອນຮັບນາຍົກລັດຖະມົນຕີ ແຫ່ງ ຣາຊະອານາຈັກໄທ

ປະທານປະເທດ ຕ້ອນຮັບນາຍົກລັດຖະມົນຕີ ແຫ່ງ ຣາຊະອານາຈັກໄທ ໃນວັນທີ 16 ຕຸລາ 2025 ນີ້, ທີ່ທໍານຽບປະທານປະເທດ, ທ່ານ ທອງລຸນ ສີສຸລິດ ປະທານປະເທດ ແຫ່ງ...

ຍທຂ ຈະສຸມໃສ່ວຽກງານເຄຫາ-ຜັງເມືອງ ນໍ້າປະປາຕາມແຜນພັດທະນາແບບຍືນຍົງ

ວຽກງານເຄຫາ ແລະ ຜັງເມືອງ, ວຽກງານນໍ້າປະປາ ກໍເປັນວຽກງານສໍາຄັນທີ່ພັກ-ລັດ ກໍຄືກະຊວງໂຍທາທິການ ແລະ ຂົນສົ່ງ (ຍທຂ) ໃຫ້ຄວາມສໍາຄັນ ແລະ ຈະສືບຕໍ່ສຸມໃສ່ແກ້ໄຂ ເພື່ອເຮັດໃຫ້ວຽກງານດັ່ງກ່າວບັນລຸຄາດໝາຍຕາມແຜນພັດທະນາແບບຍືນຍົງ. ສະຫາຍ ເຫຼັກໄຫຼ...

ຮຽນວາງຢາພິດໂດຍຖາມ ChatGPT ສາວອາເມລິກາໃຊ້ເວລາສຶກສາກວ່າ 3 ເດືອນ ເພື່ອວາງຢາຜົວ ສຸດທ້າຍຖືກເຈົ້າໜ້າທີ່ກັກໂຕ

ມີລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາທີ່ລັດໂຄໂລໄລນາ, ສະຫະລັດອາເມລິກາ ເຈົ້າໜ້າທີ່ໄດ້ເຂົ້າກັກໂຕຍິງ ອາຍຸ 43 ປີ ໃນຂໍ້ຫາພະຍາຍາມຈົບຊີວິດຜົວຂອງຕົນເອງ ໂດຍການໃຊ້ສານປົນເປື້ອນໃນອາຫານ ແລະ ເຄື່ອງດື່ມ. ຈາກການສືບສວນຂອງເຈົ້າໜ້າທີ່ໄດ້ຮູ້ວ່າ ໃນລະຫວ່າງ...