ຂປລ. ຜູ້ປະກອບການ ໂຮງສີເຂົ້າ 5 ຕົວເມືອງ ແຂວງຄຳມ່ວນ ຄື: ເມືອງໜອງບົກ, ທ່າແຂກ, ເຊບັ້ງໄຟ, ມະຫາໄຊ ແລະ ໄຊບົວທອງ ໄດ້ປຶກສາຫາລື ຮ່ວມກັບ ພະແນກ ອຸດສາຫະກຳ ແລະ ການຄ້າແຂວງ ເພື່ອສ້າງຕັ້ງ ສະມາຄົມໂຮງສີເຂົ້າ ເມື່ອບໍ່ດົນມານີ້, ແນໃສ່ ສ້າງຄວາມ ເອື້ອອຳນວຍ ການສົ່ງອອກ ປະເພດສິນຄ້າເຂົ້າ ພາຍຫລັງ ສປປ ລາວ ເຂົ້າເປັນ ປະຊາຄົມເ ສດຖະກິດ ອາຊຽນ.
ໃນກອງປະຊຸມ ຜູ້ເຂົ້າຮ່ວມ ໄດ້ຮັບຟັງ ການລາຍງານ ສະພາບການ ກະກຽມດຳເນີນ ການສ້າງຕັ້ງ ສະມາຄົມ ໂຮງສີເຂົ້າ ໄລຍະຜ່ານມາ, ປັດຈຸບັນ ທົ່ວແຂວງຄຳມ່ວນ ມີສະມາຊິກ ໂຮງສີເຂົ້າ ທັງໝົດ 44 ທ່ານ, ມີຄະນະຂົນ ຂວາຍ 7 ທ່ານ.
ຈາກນັ້ນ ກອງປະຊຸມ ກໍໄດ້ພ້ອມກັນ ປຶກສາຫາລື ກ່ຽວກັບ ການກຳນົດ ປະເພດສະຫະກອນ, ຊື່ຈຳນວນ ສະມາຊິກ, ແຜນການ ສ້າງຕັ້ງ, ທຶນຈົດທະບຽນ, ຈຳນວນຮຸ້ນ, ຮ່າງລະບຽບ ຂອງສະຫະກອນ, ການກຳນົດຮຸ້ນ ໃນເບື້ອງຕົ້ນ, ກຳນົດ ການຖອນຮຸ້ນ ທັງນີ້້ ກໍເພື່ອກຽມ ຄວາມພ້ອມ ແລະ ຄວາມເຂົ້າໃຈ ໃນການຊຸກຍູ້ ສົ່ງເສີມ ສະຫະກອນ, ຮັບປະກັນ ໃຫ້ຜູ້ຜະລິດ, ມີແຜນການ ແຜນງານ ການເຄື່ອນໄຫວ ທີ່ຖືກຕ້ອງ ແລະ ສອດຄ່ອງ.
ແຫລ່ງຂ່າວ:
