spot_img
Homeຂ່າວຕ່າງປະເທດຂ່າວລື! ນາຍົກລັດຖະມົນຕີຍີ່ປຸ່ນກຽມລາຕຳແໜ່ງເນື່ອງຈາກບັນຫາສຸຂະພາບ

ຂ່າວລື! ນາຍົກລັດຖະມົນຕີຍີ່ປຸ່ນກຽມລາຕຳແໜ່ງເນື່ອງຈາກບັນຫາສຸຂະພາບ

Published on

ເວັບໄຊ sanook ລາຍງານໂດຍອ້າງແຫຼ່ງຂ່າວຈາກພັກເສລີປະຊາທິປະໄຕ ໃນວັນທີ 28 ສິງຫານີ້ວ່າ ທ່ານ ຊິນໂຊ ອາເບະ ນາຍົກລັດຖະມົນຕີຍີ່ປຸ່ນ ກຽມຈະອຳລາຕຳແໜ່ງເນື່ອງຈາກເຫດຜົນດ້ານສຸຂະພາບ.

ທ່ານ ອາເບະ ໄດ້ປະຕິບັດໜ້າທີ່ນາຍົກລັດຖະມົນຕີຍີ່ປຸ່ນຕັ້ງແຕ່ເດືອນ ທັນວາ 2013 ຫຼັງຈາກທີ່ເຄີຍຢຸດປະຕິບັດໜ້າທີ່ຊົ່ວຄາວເປັນເວລາ 1 ປີ ໃນລະຫວ່າງປີ 2007-2008.

ທ່ານ ອາເບະ ໄດ້ຮັບການຍໍ້ຍອງເມື່ອບໍ່ດົນມານີ້ວ່າເປັນຜູ້ນຳສູງສຸດທີ່ດຳລົງຕຳແໜ່ງນາຍົກລັດຖະ ມົນຕີຍາວນານທີ່ສຸດໃນປະຫວັດສາດຂອງຍີ່ປຸ່ນ.

ທັງນີ້, ທ່ານ ອາເບະ ໄວອາຍຸ 65ປີ ໄດ້ເຂົ້າຮັກສາຕົວທີ່ໂຮງໝໍຫຼາຍຄັ້ງໃນເດືອນ ສິງຫາ ໂດຍທີມຜູ້ຊ່ວຍໄດ້ກ່າວວ່າ ເປັນການກວດສຸຂະພາບຕາມປົກກະຕິ ແລະ ເປັນການຕິດຕາມຜົນກວດສຸຂະພາບຫຼັງ ຈາກທີ່ເພິ່ນໄດ້ຮາກອອກເປັນເລືອດທີ່ທຳນຽບນາຍົກລັດຖະມົນຕີເມື່ອຕົ້ນເດືອນກໍລະກົດທີ່ຜ່ານມາ.

ແນວໃດກໍ່ຕາມ, ປະເດັນສຸຂະພາບຂອງທ່ານ ອາເບະ ຖືເປັນເລື່ອງທີ່ຊາວຍີ່ປຸ່ນໃຫ້ຄວາມສົນໃຈມາໂດຍຕະຫຼອດ ຫຼັງຈາກທີ່ເພິ່ນເຄີຍປະກາດລາອອກຈາກຕຳແໜ່ງຢ່າງກະທັນຫັນໃນປີ 2008 ຂະນະທີ່ດຳລົງຕຳແໜ່ງໄດ້ພຽງ 1 ປີ ໂດຍຄັ້ງນັ້ນທ່ານ ອາເບະ ອ້າງເຖິງອາການປ່ວຍຈາກໂຣກລຳໄສ້.

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ຕັ້ງໃຈ ຫຼື ອຸບັດຕິເຫດ! ເປີດເຜີຍສາເຫດເຮືອບິນ ແອອິນເດຍ ປະສົບອຸບັດຕິເຫດຕົກ

ເປີດເຜີຍສາເຫດເຮືອບິນ ແອອິນເດຍ ປະສົບອຸບັດຕິເຫດຕົກ ເຮັດໃຫ້ມີຜູ້ເສຍຊີວິດເປັນຈຳນວນຫຼາຍ. ສຳນັກຂ່າວຕ່າງປະເທດລາຍງານໃນວັນທີ 12 ກໍລະກົດ 2025, ໜ່ວຍງານສອບສວນອຸບັດຕິເຫດທາງອາກາດອິນເດຍ (AAIB) ໄດ້ເຜີຍແຜ່ລາຍງານເບື້ອງຕົ້ນກ່ຽວກັບສາເຫດທີ່ເຮັດໃຫ້ເຮືອບິນສາຍການບິນແອອິນເດຍ (Air India) ຖ້ຽວບິນທີ AI171...

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...