ກະຊວງສາທາລະນະສຸກກຳປູເຈຍລາຍງານຍອດຜູ້ຕິດເຊື້ອໂຄວິດ-19 ກໍລະນີໃໝ່ສູງສຸດເຖິງ 730 ຄົນພາຍໃນມື້ດຽວ.
ກຳປູເຈຍເປັນປະເທດໜຶ່ງໃນໂລກທີ່ມີຈຳນວນຜູ້ຕິດເຊື້ອໂຄວິດ-19 ແຕ່ການລະບາດນັບຕັ້ງແຕ່ທ້າຍເດືອນກຸມພາ ເຮັດໃຫ້ມີຍອດຜູ້ຕິດເຊື້ອເພີ່ມຂຶ້ນບໍ່ຢຸດ ເຊິ່ງວັນນີ້ມີລາຍງານຜູ້ຕິດເຊື້ອເພີ່ມ 730 ຄົນ ເຊິ່ງເປັນຍອດຜູ້ທີ່ຕິດເຊື້ອປະຈຳວັນຫຼາຍທີ່ສຸດເທົ່າທີ່ເຄີຍມີ ສົ່ງຜົນໃຫ້ມີຍອດສະສົມທົ່ວປະເທດຢູ່ທີ່ 14,520 ຄົນ ເສຍຊີວິດ 103ຄົນ.
ກະຊວງຄວບຄຸມໂຣກຕິດຕໍ່ກຳປູເຈຍເຜີຍແຜ່ຖະແຫຼງການຜ່ານເຟສບຸ໊ກລະບຸວ່າ ໂຄວິດ-19 ຍັງເປັນອັນຕະລາຍຕໍ່ເຮົາຢ່າງຕໍ່ເນື່ອງ ກະລຸນາເຝົ້າລະວັງຕໍ່ໄປດ້ວຍການຮັກສາສຸຂະອານາໄມ ເວັ້ນໄລຍະຫ່າງ ແລະ ຢ່າອອກຈາກບ້ານ ເນື່ອງຈາກໂຄວິດກຳລັງລະບາດລຸກລາມຢ່າງໄວວາໄປທົ່ວປະເທດ ໃນປະເທດເພື່ອບ້ານ ແລະ ທົ່ວໂລກ.
ນະຄອນຫຼວງພະນົມເປນມີຜູ້ຕິດເຊື້ອຫຼາຍທີສຸດໃນປະເທດ ໃນຂະນະທີ່ຢູ່ລະຫວ່າງລັອກດາວໄປຈົນເຖິງວັນທີ 5 ພຶດສະພານີ້ ແລະ ໄດ້ມີການປະກາດບາງພື້ນທີ່ເປັນພື້ນທີ່ສີແດງ ຫ້າມປະຊາຊົນອອກຈາກເຮືອນຍົກເວັ້ນອອກໄປປິ່ນປົວສຸຂະພາບ.
ຮຽບຮຽງຂ່າວ: ພຸດສະດີ