ກຳປູເຈຍສັ່ງປິດກາສິໂນທົ່ວປະເທດເພື່ອຫຼຸດຄວາມສ່ຽງການລະບາດໂຄວິດ-19

0
623
Lucky_Ruby_Casino_in_Cambodia,_at_day

ສຳນັກຂ່າວຕ່າງປະເທດລາຍງານຈາກນະຄອນຫຼວງພະນົມເປນ ປະເທດ ກຳປູເຈຍ ໃນວັນທີ 30 ມີນາ 2020 ວ່າ ສົມເດັດ ຮຸນເຊນ ນາຍົກລັດຖະມົນຕີກຳປູເຈຍ ອອກຖະແຫຼງການເມື່ອວັນຈັນວ່າ ກາສິໂນທຸກແຫ່ງໃນປະເທດຈະປິດໃຫ້ບໍລິການຢ່າງບໍ່ມີກຳນົດ ຕັ້ງແຕ່ເວລາ 23.59 ນາທີ ຕາມເວລາທ້ອງຖິ່ນຂອງວັນທີ 1 ເມສານີ້ ເຊິ່ງເປັນມາດຕະການຫຼ້າສຸດຂອງລັດຖະບານ ເພື່ອສະກັດກັ້ນການແຜ່ລະບາດຂອງເຊື້ອໂຄວິດ-19 ໃນປະເທດ.

ທັງນີ້, ຄຳສັ່ງດັ່ງກ່າວຂອງ ສົມເດັດ ຮຸນເຊນ ເກີດຂຶ້ນບໍ່ດົນ ຫຼັງກະຊວງສາທາລະນະສຸກຂອງກຳປູເຈຍ ລາຍງານການພົບຜູ້ຕິດເຊື້ອໂຄວິດ-19 ໃນປະເທດເພີ່ມອີກ 4 ຄົນ ເຮັດໃຫ້ປັດຈຸບັນມີຕົວເລກຜູ້ຕິດເຊື້ອສະສົມ 107 ຄົນ ໂດຍຜູ້ປ່ວຍກໍລະນີຫຼ້າສຸດ ແມ່ນຊາຍຊາວຝຣັ່ງໄວອາຍຸ 61 ປີ ທີ່ເດີນທາງມາກຳປູເຈຍເມື່ອວັນທີ 22 ມີນາ ທີ່ຜ່ານມາ ແລະ ຊາຍກຳປູເຈຍອາຍຸ 30 ປີ ເປັນພະນັກງານຂອງກາສິໂນແຫ່ງໜຶ່ງ ທີ່ເມືອງ ປອຍເປດ ເຊິ່ງມີຊາຍແດນຕິດກັບປະເທດໄທ.

 

ຮຽບຮຽງຂ່າວ: ພຸດສະດີ

 

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.