spot_img
Homeຂ່າວການພັດທະນາກອງປະຊຸມໂຕະມົນ 2014 ເນັ້ນບັນລຸເປົ້າໝາຍ ພັດທະນາເສດຖະກິດ-ສັງຄົມ

ກອງປະຊຸມໂຕະມົນ 2014 ເນັ້ນບັນລຸເປົ້າໝາຍ ພັດທະນາເສດຖະກິດ-ສັງຄົມ

Published on

tomon3

ກອງປະຊຸມໂຕະມົນປະຈຳປີ 2014 ພາຍໃຕ້ຫົວຂໍ້ “ຕັ້ງໜ້າບັນລຸເປົ້າໝາຍການພັດທະນາ ເສດຖະກິດ-ສັງຄົມ

ແຫ່ງຊາດ 5 ປີ ຄັ້ງທີ VII, ລວມທັງເປົ້າໝາຍສະຫັດສະວັດດ້ານການພັດທະນາ ແລະ ນຳພາປະເທດຊາດຫລຸດ

ພົ້ນອອກຈາກສະຖານະພາບດ້ອຍພັດທະນາ ໃນປີ 2020”. ເຊິ່ງ ຈັດຂຶ້ນໃນວັນທີ 14 ເດືອນພະຈິກ ປີ 2014 ທີ່

ນະຄອນຫລວງວຽງຈັນ ໂດຍທີ່ປະຊຸມໄດ້ທົບທວນຄືນຄວາມຄືບໜ້າ ແລະ ສິ່ງທ້າທາຍ ໃນການຈັດ ຕັ້ງປະຕິບັດ

ແຜນພັດທະນາເສດຖະກິດ-ສັງຄົມແຫ່ງຊາດ ສົກປີ 2013-2014 ແລະ ທິດທາງ 2014-2015, ຜົນສຳເລັດການ

ຜັນຂະຫຍາຍຜົນກອງປະຊຸມໂຕະມົນລະດັບສູງຄັ້ງທີ 11 ປີຜ່ານມາ ແລະ ຄວາມໜ້າໃນການກະກຽມ ແຜນພັດ

ທະນາເສດຖະກິດ-ສັງຄົມ ແຫ່ງຊາດ 5 ປີ ຄັ້ງທີ VIII.

ທ່ານ ທອງລຸນ ສີສຸລິດ ຮອງນາຍົກລັດຖະມົນຕີ ລັດຖະມົນຕີວ່າການກະຊວງການຕ່າງປະເທດ ເປັນກຽດເຂົ້າ

ຮ່ວມ ແລະ ກ່າວເປີດກອງປະຊຸມ ໂດຍ ຍົກໃຫ້ເຫັນການມີສະຖຽນລະພາບທາງດ້ານເມືອງ, ສັງຄົມມີຄວາມສະ

ຫງົບ ແລະ ມີຄວາມເປັນລະບຽບຮຽບຮ້ອຍ ເຮັດໃຫ້ການພັດທະນາເສດຖະກິດ – ສັງຄົມ ແຫ່ງສົກປີຜ່ານມາໄດ້

ຮັບຜົນສຳເລັດເປັນຢ່າງດີ, ເສດຖະກິດມີການເຕີບໂຕຢ່າງຕໍ່ເນື່ອງ ແລະ ໝັ້ນທ່ຽງ, ລວມຍອດຜະລິດຕະພັນ

ພາຍໃນ ຂະຫຍາຍ ຕົວສະເລ່ຍ 7,6%, ລາຍໄດ້ຕໍ່ຫົວຄົນເພີ່ມຂຶ້ນຈາກ 1.534 ໂດລາສະຫະລັດ ໃນສົກປີ 2012-

2013 ມາເປັນ 1.692 ໂດລາສະຫະລັດ ໃນສົກປີ 2013-2014. ຜົນສຳເລັດດັ່ງກ່າວ ກໍຍ້ອນມີການປະກອບສ່ວນ

ຢ່າງຕັ້ງໜ້າຈາກທຸກພາກສ່ວນ, ລວມທັງພາກເອກກະຊົນ, ບັນດາປະເທດ ເພື່ອນມິດ, ອົງການຈັດຕັ້ງສາກົນ

ແລະ ບັນດາປະເທດຄູ່ຮ່ວມພັດທະນາ ທີ່ໄດ້ໃຫ້ການຊ່ວຍເຫລືອດ້ານທຶນຮອນ ກໍຄືດ້ານເຕັກນິກວິຊາການຢ່າງ

ຕໍ່ເນື່ອງຕະຫລອດມາ.

ທ່ານ ຮອງນາຍົກລັດຖະມົນຕີ ຍັງ​ໄດ້​ຍົກ​ໃຫ້​ເຫັນ​ສະພາບ​ຂໍ້​ຫຍຸ້ງຍາກ ​ແລະ ສິ່ງ​ທ້າ​ທາຍ​ຕ່າງໆ ທີ່​ລັດ​ຖະບານ​ໄດ້​

ປະເຊີນເຊັ່ນ: ຜົນ​ກະທົບ​ຈາກ​ໄພພິບັດ​ທາງ​ທຳ​ມະ​ຊາດ ​ແລະ ພາກ​ການ​ຄຸ້ມ​ຄອງ ​ໂດຍ​ສະ​ເພາະ​ແມ່ນ​ການ​ປະຕິ

ບັດ​ວິ​ໄນ​ແຜນການ ແລະ ການ​ເງິນ, ລວມເຖິງບັນຫາການເກັບ ລາຍຮັບເຂົ້າ ງົບປະມານ ເຊິ່ງເຫັນວ່າມີຄວາມ

ຫຍຸ້ງຍາກ. ເພື່ອ​ຮັບ​ມື​ກັບ​ສິ່ງ​ທ້າ​ທາຍ​ດັ່ງກ່າວ,​ ທ່ານ ໄດ້​ໃຫ້​ທິດ​ຊີ້​ນຳໃຫ້​ກອງ​ປະຊຸມສຸມ​ໃສ່​ສົນທະນາ ​ແລະ ​ແລກ

ປ່ຽນ ຄວາມ​ຄິດ​ເຫັນ​ນຳ​ກັນ​ຢ່າງ​ສ້າງສັນ, ກົງ​ໄປ​ກົງມາ ​ແລະ ມີ​ຄວາມ​ຮັບຜິດຊອບ​ສູງ ພ້ອມ​ທັງ​ຢືນຢັນ​ຄວາມ

ໝັ້ນໝາຍຮ່ວມ​ກັນ ເພື່ອເຮັດໃຫ້ເສດຖະກິດ​ແຫ່ງ​ຊາດ ​ມີ​ຄວາມ​ເຂັ້ມ​ແຂງ ​ແລະ ໝັ້ນທ່ຽງຍິ່ງ​ຂຶ້ນ,​ ພ້ອມ​ກັນ​

ສືບ​ຕໍ່​ອອກ​ແຮງ​ຂຸດ​ຄົ້ນ​ຊອກ​ຫາ​ທ່າ​ແຮງ​ບົ່ມ​ຊ້ອນ​ພາຍ​ໃນ​ຢ່າງ​ ເອົາ​ໃຈ​ໃສ່​ເປັນ​ຕົ້ນ​ແມ່ນ​ ການ​ເພີ່ມແຫ​ລ່ງລາຍ

​ຮັບ, ການ​ສ້າງ​ຂີດ​ຄວາມ​ສາມາດ​ທາງ​ດ້ານ​ວິຊາ​ການ​ຫລາຍ​ຂຶ້ນ ​ເພື່ອ​ຕອບ​ສະໜອງຄວາມ​ຮຽກຮ້ອງ​ຕ້ອງການ

​ພັດທະນາ​​ໃນ​ໄລຍະ​ໃໝ່ ແລະ ສາມາດ​ເຊື່ອມ​ໂຍງ​ດ້ານ​ເສດຖະກິດ​ເຂົ້າ​ກັບ​ພາກ​ພຶ້ນ ແລະ ສາກົນ​ ແນ​ໃສ່ບັນ

ລຸ​ເປົ້າໝາຍສະຫັດ​ສະວັດດ້ານ​ການ​ພັດທະນາ​ໃນ​ປີ 2015 ແລະ ການ​ຫລຸດ​ພົ້ນ​ອອກ​ຈາກ​ດ້ອຍ​ຄວາມ​ພັດທະນາ

​ໃນ​ປີ 2020. ຢ່າງໃດກໍຕາມ ໃນສົກປີ 2014-2015 ລັດຖະບານ ຈະສຸມໃສ່ແກ້ໄຂຄວາມທຸກຍາກ ຂອງປະຊາຊົນ

ສູ້ຊົນເຮັດໃຫ້ຄອບຄົວທຸກຍາກຫລຸດລົງຕ່ຳກວ່າ 10%, ຊຸກຍູ້ສົ່ງເສີມພາກທຸລະກິດ ໃຫ້ກຽມຄວາມພ້ອມໃນ

ການເຂົ້າເປັນປະຊາຄົມ ເສດຖະກິດ ອາຊຽນ, ສິ່ງສຳຄັນ ຈະໄດ້ສຸມໃສ່ວຽກງານເກັບກູ້ລະເບີດບໍ່ແຕກ ຊ່ວຍ

ເຫລືອຜູ້ໄດ້ຮັບບາດເຈັບ ແລະ ເລັ່ງເກັບກູ້ເນື້ອທີ່ເພື່ອການພັດທະນາ ແລະ ເນື້ອທີ່ການຜະລິດໃຫ້ໄດ້ຫລາຍ

ກວ່າເກົ່າ.

ທ່ານ ນາງ ຄາຣິນາ ອີ​ມ​ໂມ​ເນັນ,​ ຜູ້​ປະສານ​ງານ​ອົງການ ສປຊ ທັງ​ເປັນ​ຜູ້​ປະສານ​ງານ​ອົງການ ສປຊ ​ເພື່ອ​ພັດ

ທະນາປະຈຳລາວ ​ກ່າວ​ວ່າ: ການ ​ມີ​ສ່ວນ​ຮ່ວມ​ຢ່າງ​ຕັ້ງໜ້າ ຂອງ​ລັດຖະບານ ແລະ ຄູ່​ຮ່ວມ​ພັດທະນາ ລາວ​ມທັງ​

ອຳນາດ​ການ​ປົກຄອງ​ທ້ອງ​ຖິ່ນ,​ ພາກ​ເອກະ​ຊົນ ແລະ ອົງການ​ຈັດ​ຕັ້ງ​ ທາງ​ສັງຄົມ ​ໃນ​ວຽກງານ​ຂະ​ບວນການ​

ໂຕະມົນ ສະ​ແດງ​​ໃຫ້​ເຫັນ​ຄວາມ​ເອົາ​ໃຈ​ໃສ່​ຮ່ວມ​ມື​ກັນ​ຢ່າງ​ຕັ້ງໜ້າ ຕໍ່​ກັບ​ການ​ພັດທະນາ ຂອງ ສປປ ລາວ.

ທ່ານ ນາງ ອິມ​ໂມ​ເນັນ ຍັງ​ໄດ້​ຢືນຢັນຈະ​ສືບ​ຕໍ່​ສະໜັບສະໜູນຄວາມ​ພະຍາຍາມ​ຂອງ​ລັດຖະບານ ເພື່ອ​ເລັ່ງລັດ​

ໃຫ້ບັນລຸ​ເປົ້າໝາຍສະ​ຫັດ​ສະວັດ​ດ້ານ​ການ​ພັດທະນາ ທີ່​ຍັງ​ປະຕິບັດ​ບໍ່​ທັນ​ໄດ້​ຕາມ​ຄາດໝາຍ ​ແລະ ການ​ກະ

ກຽມຂອບ​ການ​ພັດທະນາ ພາຍຫລັງປີ 2015 ລວມທັງການ​ນຳພາ​ປະ​ເທດ​ຫລຸດ​ພົ້ນ​ຈາກ​ສະ ຖານະ​ພາບ​ປະ​ເທດ

​ດ້ອຍ​ພັດທະນາ.

ແຫລ່ງຂ່າວ: ສຳນັກຂ່າວສານປະເທດລາວ

ບົດຄວາມຫຼ້າສຸດ

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...

ໄທເລີ່ມປະຕິບັດແລ້ວ ທະນາຄານເລີ່ມປາບປາມຂະບວນການບັນຊີມ້າ ຖ້າກວດພົບຄວາມສົງໄສ ຈະອາຍັດບັນຊີທັນທີ

ບັນຊີມ້າແມ່ນບັນຊີທະນາຄານທີ່ຖືກນໍາໃຊ້ໂດຍອາດຊະຍາກອນ ເພື່ອເກັບເງິນ ຫຼື ຟອກເງິນທີ່ໄດ້ມາແບບຜິດກົດໝາຍ ແມ່ນບັນຊີທີ່ຖືກຈ້າງໃຫ້ເປີດ ຫຼື ຖືກລັກຂໍ້ມູນໄປໃຊ້ ເພື່ອເປັນທາງຜ່ານຂອງເງິນທີ່ໄດ້ມາຈາກການກະທຳຜິດກົດໝາຍ ລວມທັງການພະນັນ. ໃນຊ່ວງໜຶ່ງອາທິດທີ່ຜ່ານມາ ທາງທະນາຄານເເຫ່ງປະເທດໄທ ເລີ່ມກວດສອບ ແລະ ລົງມືປະຕິບັດຢ່າງເຂັ້ມງວດ ໃນການອາຍັດບັນຊີມ້າ...

ຄວາມຫວັງໃໝ່ຂອງເນປານ ແຕ່ງຕັ້ງລັດຖະມົນຕີຄົນໃໝ່ ໂດຍຈະປະຕິບັດໜ້າຮັກສາການ 6 ເດືອນ

ພາຍຫຼັງຄວາມວຸ່ນວາຍຂອງເຫດການປະທ້ວງໃນປະເທດເນປານ ເຮັດໃຫ້ອະດີດນາຍຍົກລັດຖະມົນຕີໄດ້ລາອອກ ພ້ອມທັງເດີນທາງອອກນອກປະເທດ ນຳພາໃຫ້ເນປານບໍ່ມີຄົນດຳລົງຕໍາເເໜ່ງນາຍົກລັດຖະມົນຕີໃນໄລຍະໜຶ່ງ. ເຊິ່ງໃນວັນທີ 12 ກັນຍາ 2025 ທີ່ຜ່ານມາ, ໄດ້ມີການປະກາດແຕ່ງຕັ້ງ ທ່ານ ນາງ  ສຸຊີລາ ກາກີ ຂຶ້ນຮັບຕໍາແໜ່ງຮັກສາການນາຍົກລັດຖະມົນຕີ...

ສະຫຼົດ! ຊາຍອາຍຸ 26 ປີ (ເສຍຊີວິດ) ຍ້ອນຂັບລົດຕຳງົວ ທີ່ບ້ານວຽງແກ້ວ ເມືອງຈັນທະບູລີ ນະຄອນຫຼວງວຽງຈັນ

ບັນຫາການປ່ອຍສັດຊະຊາຍ ສ່ຽງເຮັດໃຫ້ຄົນອື່ນເກີດອຸບັດຕິເຫດ ເຖິງຂັ້ນເສຍຊີວິດໄດ້. ບັນຫາການປ່ອຍສັດລ້ຽງ (ງົວ, ຄວາຍ, ແບ້, ມ້າ...) ຍັງຄົງຖືກພົບເຫັນເລື້ອຍໆຢູ່ຫຼາຍໆຂົງເຂດ ຕັ້ງແຕ່ເຂດຊານເມືອງຈົນໄປເຖິງໃນເມືອງ. ຈົນກາຍເປັນຄວາມເຄີຍຊິນໄປແລ້ວສຳລັບຜູ້ສັນຈອນໄປມາທີ່ຕ້ອງລະວັງເອງ ແຕ່ບາງຄັ້ງກໍມີອຸບປະຕິເຫດຕາມມາ ເຊັ່ນ: ລົດໃຫຍ່ຕຳງົວ, ລົດຈັກຕຳງົວ,...