ກອງທັບອາກາດສະຫະລັດຯ ກຽມສົ່ງເຮືອບິນຖິ້ມລະເບີດ ເບ-52 ໂຈມຕີໄອເອັສ ຢູ່ອີຣັກ ແລະ ຊີຣີ!

ສຳນັກຂ່າວຕ່າງປະເທດ ລາຍງານໃນວັນທີ 9 ມີນາຜ່ານມານີ້ວ່າ ກອງທັບສະຫະລັດອາເມຣິກາ ຢືນຢັນກຽມພ້ອມ ສົ່ງເຮືອບິນຖິ້ມລະເບີດ ເບ-52 (B-52) ຊຶ່ງເປັນເຮືອບິນຍຸດທະສາດຂອງຕົນ ໄປປະຕິບັດການໂຈມຕີທາງອາກາດ ຖະຫລົ່ມກຸ່ມລັດອິດສະລາມ ຫລື ໄອເອັສ ໃນປະເທດຊີຣີ ແລະ ອີຣັກ, ຕາມການເປີດເຜີຍຂອງ ພົນເອກ ຮັອກ ຄາລິສລີ ຜູ້ບັນຊາການກອງທັບອາກາດສະຫະລັດອາເມຣິກາ ໄດ້ລະບຸວ່າ ເຮືອບິນຖິ້ມລະເບີດ ເບ-52 ຈຳນວນຫລາຍລຳ ຈະຖືກສົ່ງໄປປະຕິບັດການຢູ່ອີຣັກ ແລະ ຊີຣີ ໃນເດືອນເມສານີ້.

ທັງນີ້ ປັດຈຸບັນ ກອງທັບອາກາດສະຫະລັດອາເມຮິກາ ມີເຮືອບິນຍຸດທະສາດ ເບ-52 ປະຈຳການຢູ່ຈຳນວນ 58 ລຳ ແລະ ສຳຮອງອີກ 18 ລຳ ຊຶ່ງສັກກະຍະພາບຂອງເຮືອບິນລຸ້ນນີ້ ແມ່ນເປັນເຮືອບິນໄອພົ່ນ 8 ເຄື່ອງຈັກ ບິນໄດ້ໄກເຖິງ 8,800 ໄມ ແລະ ເປັນເຮືອບິນທີ່ສາມາດບັນທຸກຂີປະນາວຸດຕ່າງໆ ລວມນ້ຳໜັກໄດ້ເຖິງ 3,181 ກິໂລກຣາມ.

NjpUs24nCQKx5e1D8c71idihdZOfJwlZVRColNj7Zm8