ກອງທັບລັດເຊຍຈະໃຫ້ທຶນການສຶກສາແກ່ກອງທັບລາວຫຼາຍຂຶ້ນ

0
1243
ທ່ານລັດຖະມົນຕີກະຊວງປ້ອງກັນປະເທດເຮົາໄດ້ພົບປະສອງຝ່າຍກັບ ທ່ານ ພົນເອກ ເຊີເກ ໂຊຍກູ ລັດຖະມົນຕີກະຊວງປ້ອງກັນປະເທດແຫ່ງສະຫະພັນຣັດເຊຍ

ທ່ານ ພົນໂທ ຈັນສະໝອນ ຈັນຍາລາດ ລັດຖະມົນຕີກະຊວງປ້ອງກັນປະເທດແຫ່ງສາທາລະນະລັດ ປະຊາທິປະໄຕ ປະຊາຊົນລາວ ພ້ອມຄະນະໄດ້ສຳເລັດການເຂົ້າຮ່ວມກອງປະຊຸມມົດສະກູວ່າດ້ວຍຄວາມໝັ້ນຄົງສາກົນຄັ້ງທີ 6 ທີ່ກະຊວງປ້ອງກັນປະເທດແຫ່ງ ສະຫະພັນ ຣັດເຊຍເປັນເຈົ້າພາບຈັດຂຶ້ນໃນລະຫວ່າງວັນທີ 26-27 ເມສາ 2017 ທີ່ຜ່ານນີ້, ຕາມຄຳເຊີນຂອງ ທ່ານ ພົນເອກ ເຊເກີ ໂຊຍກູ ລັດຖະມົນຕີກະຊວງປ້ອງກັນປະເທດ ສະຫະພັນຣັດເຊຍ ຢູ່ນະຄອນຫຼວງ ມົດສະກູ ແຫ່ງສະຫະພັນຣັດເຊຍ.
ໂອກາດເຂົ້າຮ່ວມກອງປະຊຸມມົດສະກູວ່າດ້ວຍຄວາມໝັ້ນຄົງຄັ້ງທີ 6 ໃນຄັ້ງນີ້, ທ່ານລັດຖະມົນຕີກະຊວງປ້ອງກັນປະເທດເຮົາຍັງໄດ້ພົບປະສອງຝ່າຍກັບ ທ່ານ ພົນເອກ ເຊີເກ ໂຊຍກູ ລັດຖະມົນຕີກະຊວງປ້ອງກັນປະເທດແຫ່ງສະຫະພັນຣັດເຊຍ, ທັງສອງຝ່າຍໄດ້ປຶກສາຫາລືກ່ຽວກັບທິດທາງການຮ່ວມມືທາງດ້ານວຽກງານປ້ອງກັນຊາດ ເພື່ອເສີມຂະຫຍາຍສາຍພົວພັນມິດຕະພາບລະຫວ່າງສອງກອງທັບລາວ-ຣັດເຊຍ ຣັດເຊຍ-ລາວ ໃນນີ້ຝ່າຍຣັດເຊຍຢືນຢັນຈະໃຫ້ການຊ່ວຍເຫຼືອແກ່ລາວໃນການເກັບກູ້ລະເບີດທີ່ບໍ່ທັນແຕກ ແລະການພັດທະນາຊັບພະຍາກອນມະນຸດ ໂດຍເພີ່ມທຶນການສຶກສາໃຫ້ແກ່ກອງທັບລາວ.

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.