spot_img
Homeຂ່າວທ້ອງຖິ່ນພົບຢາດອງສົບໃນອາຫານສົດ 279 ກິໂລທີ່ຈຳປາສັກ

ພົບຢາດອງສົບໃນອາຫານສົດ 279 ກິໂລທີ່ຈຳປາສັກ

Published on

12006182_1625914000991860_1809745565338073482_n

ແຂວງຈຳປາສັກໄດ້ທຳລາຍຊິ້ນສ່ວນສັດນຳເຂົ້າ ຈາກຕ່າງປະເທດປົນສານກັນບູດ ທີ່ຂະແໜງການ ພາກລັດ ຢຶດໄດ້ຈາກແມ່ຄ້າ ນຳມາວາງຈຳໜ່າຍໃນທ້ອງຕະຫຼາດ, ຂະນະທີ່ຂະແໜງອາຫານ ແລະ ຢາ(ອຢ) ເຕືອນປະຊາຊົນໃຫ້ມີສະຕິໃນການບໍລິໂພກ ເພາະມັນຈະສົ່ງຜົນຮ້າຍຕໍ່ສຸຂະພາບ ອາດກໍ່ໃຫ້ເກີດພະຍາດມະເຮັງ. ເຊິ່ງພິທີທຳລາຍມີຂຶ້ນໃນວັນທີ 2 ກັນຍາ 2015 ນີ້ທີ່ປ່າຊ້າຫຼັກ 9 ເມືອງບາຈຽງຈະເລີນສຸກ, ໂດຍມີໜ່ວຍງານທີ່ກ່ຽວຂ້ອງຈາກເຈົ້າໜ້າທີ່ ຕຳຫຼວດສິ່ງແວດລ້ອມ, ຂະແໜງອາຫານ ແລະ ຢາ ແຂວງຈຳປາສັກ ແລະ ສັດຕະວະເພດເມືອງປາກເຊເຂົ້າຮ່ວມ.
ທ່ານ ພັນຕີ ພູຂົງ ວົງເຮືອງສີ ຫົວໜ້າພະແນກຕຳຫຼວດສິ່ງແວດລ້ອມ ປກສ ແຂວງຈຳປາສັກໃຫ້ສຳພາດວ່າ: ເຈົ້າໜ້າທ່ີຕຳຫຼວດ ໄດ້ສົມທົບກັບຂະແໜງອາຫານ ແລະ ຢາແຂວງ ແລະ ຫ້ອງການສັດຕະວະແພດເມືອງປາກເຊ ລົງກວດກາການຊື້-ຂາຍ ຜະລິດຕະພັນສັດທີ່ຕະຫຼາດໃໝ່ ເມືອງປາກເຊ(ຕະຫຼາດດາວເຮືອງ) ຈິ່ງກວດພົບປະເພດຊິ້ນສ່ວນສັດ ມີສານເຄມີ ທີ່ເອີ້ນວ່າສານກັນບູດກັນເນົ່າ(ສານຟອກໂມນ) ປົນຢູ່ໃນປາແຫ້ງ, ກຸ້ງ, ເຫັດຫອມ, ເຄື່ອງໃນໄກ່, ຕີນໄກ່ ແລະ ປະເພດເຄື່ອງໄນງົວ, ຄວາຍ ແລະ ໝູ ທີ່ນຳເຂົ້າມາຈາກປະເທດໄທ, ຈີນ ແລະ ຫວຽດນາມ ເຊິ່ງຜິດຕໍ່ລະບຽບກົດໝາຍ ຈຳນວນ 11 ຮ້ານ ລວມນ້ຳໜັກ 269 ກິໂລ ມູນຄ່າ 7 ລ້ານກວ່າກີບ. ຈາກນັ້ນທາງເຈົ້າໜ້າທີ່ກໍ່ໄດ້ກັກຢຶດ ເພື່ອນຳໄປທຳລາຍຖິ້ມ ພ້ອມທັງສ້າງບົດບັນທຶກ ສຶກສາອົບຮົມກ່າວເຕືອນ ຖ້າກະທຳຄວາມຜິດອີກແມ່ນ ຈະດຳເນີນຕາມລະບຽບກົດໝາຍ.
ຕໍ່ກັບບັນຫາດັ່ງກ່າວທາງຂະແໜງອາຫານ ແລະ ຢາ ກໍ່ຍັງໄດ້ອອກມາກ່າວເຕືອນປະຊາຊົນ ໃຫ້ມີສະຕິໃນການບໍລິໂພກ ປະເພດສິນຄ້າດັ່ງກ່າວ ເພາະສານເຄມີທີ່ປົນເປື້ອນ ມັນສົ່ງຜົນຮ້າຍຕໍ່ສຸຂະພາບ ສາມາດກໍ່ໃຫ້ເກີດພະຍາດມະເຮັງໄດ້, ພ້ອມນັ້ນທາງເຈົ້າໜ້າທີ່ຕຳຫຼວດ ກໍ່ຍັງໄດ້ມີແຜນສະກັດກັ້ນ ແລະ ປ້ອງກັນບໍ່ໃຫ້ມີການນຳເຂົ້າສິນຄ້າ ຜິດລະບຽບ ດ້ວຍການອອກແຈ້ງການກ່ຽວກັບ ລະບຽບການນຳເຂົ້າສິນຄ້າໄປເຖິງຂະແໜງການ ທີ່ກ່ຽວຂ້ອງ ແລະ ພາກສ່ວນຜູ້ປະກອບການ, ພ້ອມທັງຕັ້ງດ່ານກວດກາ ແລະ ສົ່ງພະນັກງານລົງໄປເກັບກຳສະພາບການ ຊື້-ຂາຍ ສິນຄ້າໃນທ້ອງຕະຫຼາດເປັນແຕ່ລະໄລຍະ.

ຂ່າວ-ພາບ: ຄຳຫຼ້າ ສຳນັກຂ່າວ ຈຳປາໃໝ່ ແຂວງຈຳປາສັກ

ບົດຄວາມຫຼ້າສຸດ

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...

ຈັບສາຍປາຕີ້ຄໍລະເຈັ້້ນ 9 ຄົນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ.

ປກສ ແຂວງບໍ່ແກ້ວ ມ້າງຄະດີແກ້ງມົ້ວສຸ່ມຢາເສບຕິດ ຈຳນວນ 9 ຄົນ ຈັດປາຕີ້ຄໍລະເຈັ້ນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ. ໃນຄັ້ງວັນທີ 26 ມີນາ 2025 ຜ່່ານມາ,...

ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ໃນການອຳນວຍຄວາມສະດວກ ໃນໄລຍະປີໃໝ່ລາວ 2025

ເພື່ອສະກັດກັ້ນອຸບັດເຫດ ກົມຕຳຫຼວດຈະລາຈອນ ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ຕັ້ງຈຸດກວດກາ 143 ຈຸດ ຕາມແຕ່ລະເສັ້ນທາງ ໄລຍະປີໃໝ່ລາວ. ທ່ານ ພັອ ຄໍາສອນ ສີດາວົງ ຫົວໜ້າກົມຕຳຫລວດຈະລາຈອນ,...