ໜ້າທຳອິດ Tags ໂຮງແຮມ

ໂຄດ​ຄໍາ​ສັ່ງ: ໂຮງແຮມ

ພັກກາຍພັກໃຈທີ່ຣີເວີຣີສອດ ເມືອງຈໍາປາສັກ

ສະຖານທີ່ພັກຜ່ອນອີກແຫ່ງໜຶ່ງທີ່ເຊື່ອງຊ້ອນໃນປ່າໄມ້ຂຽວຊຸ່ມດັ່ງມໍລະດົກອັນລໍ້າຄ່າເຊັ່ນ ຣີເວີຣີສອດທີ່ຕັ້ງຢູ່ເມືອງຈໍາປາສັກ. ຣີສອດດັ່ງກ່າວໃນເມື່ອກ່ອນເປັນສວນດອກກ້ວຍໄມ້ ມີເນື້ອທີ່ດິນຂຽວອຸ່ມທຸ່ມທັງໝົດ 30,000 ຕາຕະລາງແມັດ, ຣີສອດນີ້ເປັນອີກໜຶ່ງສະຖານທີ່ທີ່ເໝາະສົມແກ່ນັກທ່ອງທ່ຽວທີ່ກໍາລັງຊອກຫາສະຖານທີ່ພັກຜ່ອນທີ່ມີກິ່ນອາຍຂອງຄວາມເປັນທໍາມະຊາດພັກຜ່ອນໄດ້ຢ່າງຫຼູຫຼາ ແລະ ຈັດຢູ່ໃນລະດັບລາຄາທີ່ໃຜໆກໍ່ຈັບຕ້ອງໄດ້. ສ່ວນຕົວຂ້າພະເຈົ້າເອງໄດ້ຍິນຊື່ສຽງຂອງຣີເວີ້ຣີສອດມາໄລຍະໜຶ່ງແລ້ວວ່າຣີສອດດັ່ງກ່າວບໍ່ພຽງແຕ່ງາມຕະການຕາແຕ່ຍັງເປັນຣີສອດທີ່ໃຫ້ຄວາມສຳຄັນກັບທຸກໆລາຍລະອຽດ.ເຫັນຫຼາຍໆຄົນກ່າວວ່າສະຖານທີ່ນີ້ຖືເປັນຈຸດເດັ່ນຂອງພາກໃຕ້, ຂ້າພະເຈົ້າຈິ່ງຕ້ອງມາສໍາພັດດ້ວຍຕົວເອງ. ຕົ້ນ ຜູ້ຈັດການທົ່ວໄປຂອງຣີສອດຊາວໄທ ໄດ້ທັກທາຍຂ້າພະເຈົ້າດ້ວຍຮອຍຍິ້ມແຈ່ມໃສ ແລະ ໄດ້ພາຂ້າພະເຈົ້າເລາະຊົມສະຖານທີ່ຈົນຮອດຫ້ອງພັກຂອງຂ້າພະເຈົ້າ. ຣີສອດມີເຮືອນພັກທັງໝົດ 28 ຫ້ອງ, ເຊິ່ງສາມາດເບິ່ງເຫັນທິວທັດແມ່ນໍ້າຂອງ ຫຼື ທິວທັດສວນຈາກຫ້ອງພັກແຕ່ລະຫ້ອງໄດ້. ຣີສອດດັ່ງກ່າວມີສະລອຍນໍ້າແບບອິນຟີນິຕີ້ ສອງສະ ເຊິ່ງທ່ານສາມາດເພີດເພີນໄປກັບວິວແມ່ນໍ້າເວລາໄດ້ໃນຂະນະທີ່ລອຍລ່ອງຕາມແຄມສະ. ຫ້ອງອາຫານຂອງຣີສອດຕັ້ງຢູ່ແຄມນໍ້າຂອງ ເຊິ່ງໃຫ້ບໍລິການອາຫານຫຼາກຫຼາຍສັນຊາດ...

ຄາຣາໂອເກະຜີ

  ຫຼັງກິດຈະກຳການບໍລິຈາກເຄື່ອງ ສຳເລັດລົງ ພວກເຮົາກໍ່ເດີນທາງກັບຄືນມາຮອດຕົວເມືອງອຸດົມໄຊ ປະມານ 22:15 ນາທີ. ພວກເຮົາສາມຄົນ ໄດ້ໄປພັກຢູ່ ໂຮງແຮມແຫ່ງໜຶ່ງ ໃກ້ໆສະໜາມບິນອຸດົມໄຊ, ແລະ ໄດ້ເລືອກເອົາຫ້ອງທີ່ສາມາດນອນໄດ້ 3ຄົນ . ເມື່ອເຂົ້າໄປໃນຫ້ອງພັກ ກໍ່ມີກິ່ນສາບ, ຂິວ , ຝາຫ້ອງນອນ ມີຮອຍແຕກ ແລະ ຮອຍເປື້ອນຊຶມ ພື້ນຫ້ອງ ມີຄາບໜຽວໆ ຢູ່ເປັນຈຸດ ຄືກັບບໍ່ໄດ້ທຳຄວາມສະອາດມາດົນ. ແຕ່ດ້ວຍຄວາມອິດເມື່ອຍ ແລະ ຢາກນອນພັກຜ່ອນ ໄວໆ ພວກເຮົາຈຶ່ງບໍ່ເອົາຫົວຊານຳສິ່ງຕ່າງໆອ້ອມຂ້າງ ກວ່າຈະຈັດແຈງກະເປົາ, ອາບນ້ຳປ່ຽນເຄື່ອງ ກໍ່ເລີຍເວລາໄປເກືອບຮອດ 23:40ນາທີ ສາມສາວ.....

10 ​ປະ​ເທດ​ທ່ອງ​ທ່ຽວ​ລາຄາ​ຖືກ​ທີ່​ສຸດ​ໃນ​ໂລກ

​ເວັບ​ໄຊ ອິລິດຣິດ​ເດີ ​ເປີດ​ເຜີຍ 10 ອັນ​ດັບ​ປະ​ເທດ​ໜ້າ​ທ່ອງ​ທ່ຽວ​ທີ່​ມີຄ່າ​ຄອງ​ຊີບ​ຖືກ​ທີ່​ສຸດ​ໃນ​ໂລກ ຊຶ່ງ​ປະ​ເທດ​ນິກາຣາກົວ ຢູ່​ອັນ​ດັບ 1 ຮອງ​ລົງ​ມາ​ແມ່ນ​ຕວັກກີ, ສີ​ລັງກາ ​ແລະ ກຳປູ​ເຈຍ. ປະ​ເທດ​ທີ່​ມີຄ່າ​ຄອງ​ຊີບ​ທີ່​ຖືກ​ທີ່​ສຸດ​ໃນ​ໂລກ​ຄືນິກາຣາກົວກາຍ​ເປັນ​ສະຖານ​ທີ່​ສຳລັບ​ນັກ​ທ່ອງ​ທ່ຽວ​ທີ່​ຕ້ອງການ​ປະຢັດ​ງົບປະມານ ມີ​ບ້ານ​ເມືອງ​ທີ່​ມີ​ສີສັນ, ມີທະ​ເລ​ທີ່​ງົດ​ງາມ ​ແລະ ມີ​ວັດທະນາ​ທຳ​ທີ່​ຕື່ນ​ຕາ​ຕື່ນ​ໃຈ ​ແລະ ​ແນ່ນອນ​ວ່າ​ຄ່າ​ຄອງ​ຊີບ​ທີ່​ລາຄາ​ຖືກ ນັກ​ທ່ອງ​ທ່ຽວ​ສາມາດ​ຈ່າຍ​ຄ່າ​ຫ້ອງ​ພັກ​ຕຽງ​ຄູ່​ໄດ້​ໃນ​ລາຄາ​ພຽງ 6 ​ໂດ​ລາ​ສະຫະລັດ​ຕໍ່​ຄືນ ,ສ່ວນອາ​ຫານ​ສະ​ເລ່ຍພຽງ​ມື້​ລະ 3 ​ໂດ​ລາ,...

ໂຮງແຮມສະເໜີລາຄາ 2,000 ຫລຽນຕໍ່ຄືນ ສຳລັບປະສົບການຢູ່ໃນສະຖານີອາວະກາດ

ຫາກ​ເຈົ້າ​ເຄີຍ​ຝັນ​ວ່າ​ຈະ​ໄດ້​ໄປ​ຢຽບອາວະ​ກາດ​ໂດຍ​ບໍ່​ຕ້ອງ​ໄປ​ເໜື່ອຍ​ກັບ​ການ​ຝຶກ​ຝົນ​ສຳລັບ​ນັກ​ບິ​ນອາວະ​ກາດ ໃນ​ໄວໆນີ້ ເຈົ້າ​ອາດຈະ​ໄດ້​ມ່ວນຊື່ນໄປ​ກັບ​ບັນ​ຍາ​ກາດ​ມະຫັດສະຈັນ​ຄື​ກັບ​ຢູ່ໃນ​ອາວະ​ກາດ​ໂດຍ​ບໍ່​ຕ້ອງ​ອອກ​ໄປ​ນອກ​ໂລກ ເພາະ​ໂຮງ​ແຮມ​ໃນ​ເມືອງ​ຊູ​ລິກ ປະ​ເທ​ດສະວິດ​ເຊີລ໌​ແລນ​ຫາກໍ່​ເປີດ​ຕົວ​ຫ້ອງ​ພັກ​ຊຸດ​ໃໝ່ ຊຶ່ງ​ມີ​ອຸປະກອນ​ຕ່າງໆ ທີ່​ຈຳ​ເປັນ​ສຳລັບ​ການ​ຂື້ນໄປອາວະ​ກາດ ຈົນ​ເບິ່ງ​ຄືກັບວ່າ​ຢູ່ໃນ​ສະຖານີ​ອາວະ​ກາດ​ຂອງ​ແທ້​ແລ້ວ ເນື່ອງ​ດ້ວຍ​ຮູບເງົາ “Martian” ຂອງ Ridley Scott ທີ່​ກຳ​ລັງ​ສາຍ​ຢູ່ໃນ​ໂຮງໜັງ ​ແລະ​ ເປັນ​ທີ່​ກ່າວເຖິງ​ໃນ​ຂະນະ​ນີ້ ອາດ​ເຮັດໃຫ້​ຜູ້​ຄົນ​ສົນ​ໃຈ​ທີ່​ຈະ​ອອກ​ໄປ​​ອາວະ​ກາດ ດັ່ງ​ນັ້ນ​ຫ້ອງ​ພັກ​ອາວ​ະກາດ​ແຫ່ງ​ໂຮງ​ແຮມ “Grand Kameha” ຈຶ່ງ​ອາດ​ຕອບສະໜອງ​ຄວາມ​ຕ້ອງ​ການ​ຂອງ​ທຸກ​ຄົນ ດ້ວຍ​ການ​ຕິດ​ຕັ້ງ​ຕຽງ​ໄຮ້​ແຮງ​ໂນ້ມ​ຖ່ວງ ເຮັດໃຫ້​ເຈົ້າ​ຮູ້ສຶກ​ຄືກັບລອຍຈາກ​ພື້ນ​ດິນ ແລະ​ ຫ້ອງ​ອົບ​ໄອ​ນ້ຳ​ທີ່​ເຮັດໃຫ້​ຮູ້ສຶກ​ຄືກັບກຳ​ລັງ​ອາບ​ນ້ຳ​ຢູ່ໃນ​ຍາ​ນອາວະ​ກາດ​ຂອງ​ແທ້ ສິນ​ລະປິນ​ຜູ້​ສ້າງສັນ​ອານາເຂດ​ແຫ່​ງອາວ​ະກາດ ຫ້ອງ​ພັກ​ຊຸດ​ນີ້​ຖືກ​ອອກ​ແບບ​ຂຶ້ນ​ໂດຍ​ສິນ​ລະປິນ​ຊາວ​ເຍຣະ​ມັນ​ຊື່...

ເປີດສະຖານບັນເທິງໃນຖ້ຳ ແຫ່ງທຳອິດທີ່ເມືອງວຽງໄຊ

ເມືອງວຽງໄຊເປັນເມືອງເຂດທີຫມັ້ນປະຫວັດສາດ, ເປັນບ້ານເກີດຂອງ ສປປ ລາວ. ເມືອງວຽງໄຊມີຖ້ຳຢູ່ປະ 400 ກວ່າຖ້ຳ ໃນສະໄໝສົງຄາມຝ່າຍປະເທດລາວ ເຄີຍເອົາເມືອງວຽງໄຊແຫ່ງນີ້ເປັນເຂດທີ່ໝັ້ນ ໃນການປະຕິວັດປົດປ່ອຍຊາດໂດຍຍືດຖືບັນດາຖ້ຳ ເປັນບ່ອນລົບຊ່ອນ ແລະ ປະຕິບັດວາງແຜນການ ຕໍ່ສູ້ຈົນເຮັດໃຫ້ປະເທດລາວ ໄດ້ຮັບການປົດປ່ອຍນັບແຕ່ປີ 1975 ເປັນຕົ້ນມາ. ໃນປີ 2000 ເມືອງວຽງໄຊໄດ້ເປີດໃຫ້ເປັນ ເມືອງທ່ອງທ່ຽວປະຫວັດສາດແລະທຳມະຊາດ ຂອງແຂວງຫົວພັນ ກໍຄືຂອງປະເທດລາວ. ແຫຼ່ງຂ່າວທ້ອງຖິ່ນແຈ້ງວ່າ ມື້ວານນີ້...

ຈະປຸກໂຮງແຮມ 3 ດາວ ຢູ່ຖິ່ນກຳເນີດການປະຕິວັດ

   ​ແນ​ໃສ່ຕອບ​ສະໜອງຄວາມ​ຮຽກ​ຮ້ອງຕ້ອງການ​ຂອງ​ຂະ​ແໜງ​ບໍລິການ​ໃຫ້ມີ​ສິ່ງ​ຮອງຮັບ​ການ​ມາ​ພັກ​ເຊົາຂອງ​ບັນດາ​ແຂກ​ຄົນທີ່ຈະ​ເດີນທາງ​ມາແຂວງຫົວພັນ​ໃຫ້ມີ​ຈຳນວນ​ຫຼາຍຂຶ້ນ ສົມກັບທ່າ​ແຮງ​ດ້ານ​ການທ່ອງ​ທ່ຽວ ທາງການ​ ແຂວງ​ໄດ້ອະນຸມັດ​ໃຫ້ນັກທຸລະກິດຫວຽດນາມ​ເຂົ້າ​ມາ​ສຳ​ປະທານ ​ເພື່ອ​ປຸກ​ໂຮງ​ແຮມ 3 ດາວ​ຢູ່ເມືອງ​ວຽງ​ໄຊ ຖິ່ນ​ກຳ​ເນີ​ດຂອງ​ການ​ປະຕິວັດ.    ພິທີ​ລົງ​ນາມສ​ຳປະທາ​ນທີ່ດິນ​ໄດ້ຈັດ​ຂຶ້ນ​ໃນ​ແລງ​ວັນ​ທີ 6 ຕຸລາ 2014 ນີ້ທີ່ພະ​ແນ​ກ​ແຜນການ ​ແລະ ການ​ລົງທຶນ​ແຂວງ​ຫົວພັນ ​ເຊັນ​ຕາງໜ້າ​ໃຫ້ອຳນາດ​ການ​ປົກຄອງ​ແຂວງ​ໂດຍ​ທ່ານ ພອນ​ໄຊ ອິນ​ທະ​ວົງ ຫົວໜ້າ​ພະ​ແນ​ກ​ແຜນການ ​ແລະ ການ​ລົງທຶນ, ທ່ານ ​ເຂັມ​ພອນ...

ໄປນອນເອົາຄວາມຄິດ ຢູ່ຄຸກເກົ່າ

    ຖ້າໃຫ້ຊື້ປີ້ຍົນໄປນອນໂຮງແຮມຫຼູຫລາຄິດວ່າຄົນລາວຫຼາຍຄົນຄືຈະບໍ່ມັກເຮັດແຕ່ຂ້າພະເຈົ້າລອງເຮັດມາແລ້ວ ແລະຮູ້ສຶກວ່າມັນກຸ້ມຄ່າ ເພາະມັນໄດ້ຄວາມຄິດທີ່ລໍ້າເລີດໃຫ້ກັບຕົນເອງ. ຂ້າພະເຈົ້າຊື້ປີ້ຍົນແລ້ວເດີນທາງໄປນອນທີ່ໂຮງແຮມຫຼູຫຼາພຽງຄືນດຽວທີ່ຫຼວງພະບາງ ແລ້ວບິນກັບວຽງຈັນ. ຂ້າພະເຈົ້າ ເລືອກນອນໂຮງແຮມDe La Paixຊຶ່ງເປັນຫນຶ່ງໂຮງແຮມລະດັບຫຼູ ໃນຫຼວງພະບາງ.ທີ່ຕັດສິນໃຈນອນໂຮງແຮມນີ້ກໍ່ເພາະຮູ້ມາວ່າມັນຖືກດັດແປງມາຈາກຄຸກ. ສິ່ງທີ່ຂ້າພະເຈົ້າຢາກບອກວ່າ“ກຸ້ມຄ່າ”ກໍ່ເພາະວ່າຕົນເອງຮູ້ສຶກວ່າໄດ້ຮັບຄວາມຄິດໃຫມ່ຫຼາຍໆຢ່າງຈາກໂຮງແຮມຫຼັງນີ້ໂດຍສະເພາະແມ່ນຄວາມຄິດເຮັດໃຫ້ທຸກຢ່າງຫຼູຫຼາໃນຂະນະທີ່ຍັງຮັກສາຮູບແບບເດີມທຸກຢ່າງຂອງຄຸກໄວ້ໄດ້. ຂ້າພະເຈົ້າບໍ່ຢາກເຊື່ອເລີຍວ່າຄຸກເກົ່າໆຈະມີຄົນນຳມາເຮັດໃຫ້ເປັນໂຮງແຮມຫຼູຫຼາໄດ້ ໂດຍທີ່ບໍ່ມີການມ້າງເພໂຄງສ້າງເດີມຂອງມັນເລີຍ. ອາຄານທຸກຫຼັງຍັງຮັກສາຮູບໂສມເດີມຂອງມັນ, ຫນອງປາທີ່ນັກໂທດເຄີຍໃຊ້ເປັນບ່ອນລ້ຽງປາກໍ່ກາຍເປັນໜອງປາຂອງໂຮງແຮມ, ຊ່ອງລົມທີ່ເປັນຮູນ້ອຍໆຢູ່ຝາຫ້ອງຂັງກໍ່ກາຍເປັນປ່ອງແກ້ວຮັບແສງສະຫວ່າງຈາກພາຍນອກຂອງໂຮງແຮມ, ດ້ານຫຼັງຂອງອາຄານທີ່ເຄີຍເປັນຄອກເປັດຄອກໄກ່ກໍ່ກາຍເປັນສວນຫຍ້າແລະສະນຳ້ຂອງຫ້ອງນອນແຕ່ລະຫ້ອງ. ຫ້ອງອາຫານຖືກປະດັບເອ້ດ້ວຍປຶ້ມຫຼາກຫຼາຍຮູບແບບ ໂດຍທີ່ຝາ 3 ດ້ານຂອງຫ້ອງອາຫານ ແມ່ນອ້ອມຮອບດ້ວຍຕູ້ປຶ້ມ. ຂ້າພະເຈົ້າໃຊ້ເວລາດົນໃນການສັງເກດເບິ່ງລາຍລະອຽດຂອງຫ້ອງນອນ...
Message Us
Loading...
error: Content is protected !!