spot_img
Homeຂ່າວນໍ້າຖ້ວມເມືອງບົວລະພາ ແຂວງ ຄຳມ່ວນ ນ້ຳຖ້ວມໜັກ 20 ກວ່າບ້ານໄດ້ຮັບຄວາມເດືອດຮ້ອນ

ເມືອງບົວລະພາ ແຂວງ ຄຳມ່ວນ ນ້ຳຖ້ວມໜັກ 20 ກວ່າບ້ານໄດ້ຮັບຄວາມເດືອດຮ້ອນ

Published on

ານ ວິໄລສັກ ຫົວໜ້າຫ້ອງການຊັບພະຍາກອນທຳມະຊາດ ແລະ ສິ່ງແວດລ້ອມ ເມືອງບົວລະພາ ແຂວງຄຳມ່ວນ ເປີດເຜີຍວ່າ: ມາຮອດປັດຈຸບັນ ລະດັບນ້ຳໃນເຊບັ້ງໄຟຫຼຸດລົງປະມານ 60-70 ເປີເຊັນແລ້ວ ພາຍຫຼັງທີ່ຝົນຕົກໜັກນັບແຕ່ວັນທີ 21 ກໍລະກົດ 2018 ເປັນຕົນມາ ແລະ ຕົກແຮງທີ່ສຸດໃນວັນທີ 22 ຈຶ່ງເຮັດໃຫ້ນ້ຳເຊບັ້ງໄຟຍຶ່ງຂຶ້ນຢ່າງກະທັນຫັນ ສົ່ງຜົນກະທົບໃຫ້ນ້ຳຖ້ວມບ້ານເຮືອນຂອງປະຊາ ຊົນທັງໝົດ ຈຳນວນ 20 ກວ່າບ້ານ ເປັນຕົ້ນແມ່ນ: ບ້ານໜອງປີງ, ຂວັນຂະໂຍມ, ພະຫວາຍ, ປາກພະນັງ, ສະອາງ, ຂະຍູ້, ບ້ານໂສຍ, ບ້ານແກ້ງ, ບ້ານກາງ, ນາແປ, ແກ້ງບົກ, ບ້ານຊອກ, ນາຕັ້ງໃຈ, ປາກຊໍ, ນາກະຈາມນ້ອຍ, ນາກະຈາມໃຫຍ່, ແສນພັນ, ບ້ານພະນົບ, ໜອງແສງ, ນາປາງ, ສົບເປ, ທ່າກະຈັນ, ນາສົມບູນ, ທ່າແຮ່, ນາພະນັກ ແລະ ບ້ານໂຄກ.

ສຳລັບບ້ານທີ່ຖຶກຜົນກະທົບນັ້ນ ແມ່ນບ້ານທີ່ອາໃສຢູ່ໃກ້ກັບແຄມເຊບັ້ງໄຟເປັນສ່ວນໃຫຍ່. ໃນນີ້, ຈຳນວນ 20 ກວ່າບ້ານມີພຽງແຕ່ 5-6 ບ້ານທີ່ນໍ້າຖ້ວມໜ້ກ ເຊິ່ງທາງການນໍາຂັ້ນແຂວງ, ເມືອງ, ໜ່ວຍກູ້ໄພ ແລະ ພາກສ່ວນກ່ຽວຂ້ອງແມ່ນເລັ່ງອົບພະຍົບປະຊາຊົນອອກຈາກພື້ນທີ່ສ່ຽງ ເຊິ່ງເຫັນວ່າເຮືອນຊານ , ລວມທັງສັດລ້ຽງ ແລະ ເນື້ອທີ່ການຜະລິດປະເພດຕ່າງໆເສຍຫາຍສົມຄວນ; ແຕ່ໂຊກດີບໍ່ມີຜູ້ໄດ້ຮັບບາດ ເຈັບ ຫຼື ເສຍຊີວິດແຕ່ຢ່າງໃດ ເນື່ອງຈາກຄະນະຮັບຜິດຊອບໄດ້ເອົາໃຈໃສ່ຕິດຕາມ ແລະ ແຈ້ງເຕືອນປະຊາຊົນຢ່າງໃກ້ຊິດ ຈຶ່ງເຮັດໃຫ້ການກຽມຄວາມພ້ອມດ້ານຕ່າງໆເປັນລະບົບຄັກແນ່.

ຂະນະທີ່, ຈຸດຮອງຮັບຜູ້ອົບພະຍົມແບ່ງອອກເປັນ 2 ຈຸດໃຫຍ່ ເຊິ່ງໄລຍະຜ່ານມາໄດ້ມີພາກສ່ວນບໍລິສັດ, ຫ້າງຮ້ານ ແລະ ປະຊາຊົນທົ່ວແຂວງໄດ້ບໍລິຈາກເຄື່ອງຊ່ວຍເຫຼືອປະເພດອາຫານ, ເຄື່ອງນຸ່ງຫົ່ມ, ຢາປົວພະຍາດ ແລະ ເງິນຈຳນວນໜຶ່ງ ເພື່ອຊ່ວຍເຫຼືອບັນເທົາທຸກໃຫ້ກັບຜູ້ໄດ້ຮັບຜົນກະທົບໃນຄັ້ງນີ້.

ທ່ານ ວິໄລສັກ ກ່າວຕື່ມວ່າ: ເຖິງຢ່າງໃດກໍຕາມ, ພວກເຮົາກໍມີແຜນຮັບມືກັບໄພນ້ຳຖ້ວມຄັ້ງນີ້ຢ່າງເຄັ່ງຄັດ ແລະ ຄາດວ່າຈາກການເກັບກຳຂໍ້ມູນຕົວຈິງຂອງຄະນະຮັບຜິດຊອບ ຈະສາມາດສະຫຼຸບຜົນເສຍຫາຍໄດ້ຢ່າງຊັດເຈນອີກຄັ້ງ.

ແຫລ່ງຂ່າວ: ເສດຖະກິດ-ການຄ້າ

ບົດຄວາມຫຼ້າສຸດ

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ ຢ່າງເປັນທາງການ

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ. ພິທີເຊັນບົດບັກທຶກ ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ຈາກກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ມາຂຶ້ນກັບຄະນະໂຄສະນາອົບຮົມສູນກາງພັກ ຈັດຂຶ້ນໃນວັນທີ 8 ກໍລະກົດ 2025,...