spot_img
Homeຂ່າວຕ່າງປະເທດເກົາຫຼີເໜືອລະເບີດສຳນັກງານປະສານງານລະຫວ່າງເກົາຫຼີເໜືອ ແລະ ເກົາຫຼີໃຕ້ຖິ້ມ

ເກົາຫຼີເໜືອລະເບີດສຳນັກງານປະສານງານລະຫວ່າງເກົາຫຼີເໜືອ ແລະ ເກົາຫຼີໃຕ້ຖິ້ມ

Published on

ເວັບໄຊ້ news.thaipbs.or.th ລາຍງານວ່າ ເກົາຫຼີເໜືອໄດ້ລະເບີດສຳນັກງານປະສານງານລະຫວ່າງເກົາຫຼີເໜືອ-ເກົາຫຼີໃຕ້ ທ່າມກາງຄວາມຕຶງຄຽດໃນແຫຼມເກົາຫຼີ ຫຼັງຈາກທີ່ເກົາຫຼີເໜືອສະແດງຄວາມບໍ່ພໍໃຈທີ່ລັດຖະບານເກົາຫຼີໃຕ້ປ່ອຍໃຫ້ກຸ່ມເກົາຫຼີເໜືອແປພັກ ສົ່ງຕໍ່ໃບປິວຕໍ່ຕ້ານລັດຖະບານເກົາຫຼີເໜືອໃຫ້ລອຍໄປກັບປຸ໋ມເປົ້າ.

ສຳນັກຂ່າວຍອນຮັນຂອງເກົາຫຼີໃຕ້ ໄດ້ລາຍງານເມື່ອວັນທີ 16 ມິຖຸນາວ່າ ລັດຖະມົນຕີກະຊວງລວມຊາດຂອງເກົາຫຼີໃຕ້ ເປີດເຜີຍວ່າທາງເກົາຫຼີເໜືອເປີດສາກລະເບີດສຳນັກງານປະສານງານລະຫວ່າງເກົາຫຼີເໜືອ-ໃຕ້ ບໍລິເວນຊາຍແດນແກຊອງ ທ່າມກາງຄວາມເຄັ່ງຕຶງໃນແຫຼມເກົາຫຼີທີ່ທະວີຄວາມຮຸນແຮງຂຶ້ນ.

ຂະນະດຽວກັນ, ທາງນາຍພົນເກົາຫຼີເໜືອຍັງໄດ້ຂູ່ວ່າ ກຳລັງສຶກສາແຜນປະຕິບັດການເພື່ອກັບເຂົ້າໄປໃນເຂດປອດທະຫານ ທີ່ຢູ່ພາຍໃຕ້ຂໍ້ຕົກລົງຂອງເກົາຫຼີທັງສອງຝ່າຍ ແລະ ປ່ຽນເສັ້ນແນວໜ້າໃຫ້ກາຍເປັນປ້ອມປະການ.

ເວັບໄຊ້ newtv ລາຍງານເພີ່ມເຕີມວ່າ ປະທານາທິບໍດີ ມຸນ ແຈ ອິນ ຜູ້ນຳເກົາຫຼີໃຕ້ ສະເໜີໃນວັນຈັນທີ່ຜ່ານມາວ່າ ຈະສົ່ງທ່ານ ຊຸງ ອຸຍ ຍັງ ທີ່ປຶກສາດ້ານຄວາມໝັ້ນຄົງແຫ່ງຊາດ ແລະ ທ່ານ ຊູ ຮຸນ ຜູ້ອຳນວຍການໜ່ວຍຂ່າວກອງເກົາຫຼີໃຕ້ ໃນຖານະທູດພິເສດ ໄດ້ເຈລະຈາແກ້ໄຂບັນຫາຄວາມຂັດແຍ້ງ ແຕ່ທ່ານ ນາງ ຄິມ ໂຍຈອງ ນ້ອງສາວທ່ານ ຄິມ ຈອງ ອຶນ ຜູ້ນຳສູງສຸດຂອງເກົາຫຼີເໜືອ ແລະ ເຈົ້າໜ້າທີ່ລະດັບອາວຸໂສຂອງພັກຄົນໜຶ່ງໄດ້ປະຕິເສດຕໍ່ຂໍ້ສະເໜີນີ້ຂອງເກົາຫຼີໃຕ້.

 

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ ຢ່າງເປັນທາງການ

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ. ພິທີເຊັນບົດບັກທຶກ ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ຈາກກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ມາຂຶ້ນກັບຄະນະໂຄສະນາອົບຮົມສູນກາງພັກ ຈັດຂຶ້ນໃນວັນທີ 8 ກໍລະກົດ 2025,...