spot_img
Homeຂ່າວພາຍ​ໃນລັດ​ວິ​ສາ​ຫະ​ກິດ​ສະ​ບຽງ​ອາ​ຫານ ໝັ້ນ​ໃຈ​ສະ​ໜອງ​ຊີ້ນ​ໃຫ້​ຕະ​ຫລາດ ນ. ວ​ ພຽງ​ພໍ ໃນ​ບຸນ​ປີ​ໃໝ່​ລາວ

ລັດ​ວິ​ສາ​ຫະ​ກິດ​ສະ​ບຽງ​ອາ​ຫານ ໝັ້ນ​ໃຈ​ສະ​ໜອງ​ຊີ້ນ​ໃຫ້​ຕະ​ຫລາດ ນ. ວ​ ພຽງ​ພໍ ໃນ​ບຸນ​ປີ​ໃໝ່​ລາວ

Published on

Butcher-at-Market

ດັ່ງ​ທີ່​ພວກ​ເຮົາ​ຮູ້​ນຳ​ກັນດີ ຢູ່​ຕະຫລາດ​ຂອງ​ປະ​ເທດ​ເຮົາ ຊຶ່ງ​​ໃກ້​ຈະ​ເຖິງ​ບຸນ​ສຳຄັນ​ຂອງ​ຊາດ​ກໍ​ຄື​ວັນ​ບຸນ​ປະ​ເພນີ​ຕ່າງໆ ຊາວຄ້າຂາຍມັກ​ສວຍ​ໂອກາດ​ຂຶ້ນ​ລາຄາ​ສິນຄ້າ​ຕາມ​ລຳພັງ​ໃຈ, ​ໂດຍ​​ເອົາ​ເຫດຜົນ​ຕ່າງໆ​ມາ​ເປັນ​ສາກ​ບັງ​ໜ້າ ​ເພື່ອ​ຊອກ​ຫາ​ວິທີ​ການ​ຂຶ້ນ​ລາຄາ​ສິນຄ້າ​ຂອງ​ຕົນ, ​ເຊັ່ນ​ດຽວ​ກັບ​ໃນ​ປັດຈຸບັນ​ສິນຄ້າ​ປະ​ເພດຊີ້ນ, ປາ ​ແລະ ​ພືດ​ຜັກ​ອື່ນໆ ​ເລີ່​ມມີ​ທ່າ​ອ່ຽງ​ເໜັງ​ຕີງ ​ເພື່ອ​ສວຍ​ໂອກາດ​ຈຳໜ່າຍ​​ໃນ​ລະຫວ່າງ​ບຸນປີ​ໃໝ່​ລາວ​ ທີ່​ຈະ​ມາ​ເຖິງ​ໃນ​ໄວໆ​ນີ້, ດັ່ງ​ນັ້ນ ພວກ​ສ່ວນ​ກ່ຽວຂ້ອງຄວນ​ຈະ​​ຮ່ວມ​ມື​ກັບໜ່ວຍ​ງາ​ນຈັດ​ສັນ​ຕະຫລາດ​ທຸກ​ແຫ່ງ​ດຳ​ເນີນ​ມາດ​ຕະການ ໃນ​ການ​ຄຸ້ມ​ຄອງ​ລາຄາສິນຄ້າ​ແຕ່ລະ​ປະ​ເພດໃຫ້​ເຂັ້ມ​ງວດ ​ແລະ ທັນ​ການເພື່ອ​ສະກັດ​ກັ້ນການ​ສວຍ​ໂອກາດ​ດັ່ງກ່າວ.

ດັ່ງ​ນັ້ນ ບຸນປີ​ໃໝ່​ປີ​ນີ້ ນັບ​ວ່າ​ເປັນ​ໂອກາດ​ດີທີ່ມີ​ບາງ​ຫົວໜ່ວຍ​ທຸລະ​ກິດລັດ​ວິ​ສາ​ຫະກິດສະບຽງ​ອາຫານ,​ ​ໄດ້​ສະໝັບສະ​ໜູນຍືນ​ມື​ເຂົ້າ​ມາ​ມີ​ສ່ວນ​ຮ່ວມສະໜອງ​ຊີ້ນ, ປາ, ອາຫານ ​​ໃຫ້​ທ້ອງ​ຕະຫລາດ​ໃນ​ນະຄອນຫລວງ ​​ໃຫ້​ພຽງ​ພໍກັບ​ຄວາມ​ຕ້ອງການ​ຂອງ​ຜູ້​ບໍລິ​ໂພ​ກ, ​ໂດຍຢືນ​ຢັນ​ວ່າ: ​ໃນ​ໄລຍະ​ບຸນປີ​ໃໝ່​ລາວ​ນີ້, ທາງ​ບໍລິສັດ​ຂອງ​ຕົນ ພ້ອມ​ຈະ​ສະໜອງ​ສະບຽງອາຫາ​ນໃຫ້​ພຽງພໍ​ຄວາມ​ຕ້ອງການ​ຂອງ​ຜູ້​ບໍ​ລິ​ໂພ​ກ ກໍ​ຄື​ຊາວນະຄອນຫລວງ​ວຽງ​ຈັນ, ​​ໃນ​ລາຄາ​ຍຸຕິ​ທຳ, ສະອາດ​ ​ແລະ ປອດ​ໄພ, ​ເຊິ່ງ​ເບື້ອງ​ຕົ້ນ​ທາງ​ບໍລິສັດ ຈະ​ນຳ​ຊີ້ນ​ອອກ​ຈຳ​ໜ່າຍ​ຢູ່​ໃນ 4 ​ຈຸດຄື ຂ້າງ​ປ້ຳ​ນ້ຳມັນ​ສີ​ຫອມ, ຕະຫລາດລາວ​ອົດ​ຊີ, ຕະຫລາດ​ທາດຫລວງ, ຕະຫລາດຂົວ​ດິນ, ​ໂດຍ​ທາງ​ບໍລິສັດ ຈະ​ເລີ່​ມຈຳໜ່າຍ​ຊີ້ນ​ດັ່ງກ່າວ​ນັບ​ແຕ່ ວັນ​ທີ 8 ​ເມສາ​ເປັນ​ຕົ້ນ​ໄປ, ​ແຕ່​ບໍ່​ຮູ້​ວ່າຊີ້ນ​ແຕ່ລະ​ປະ​ເພດ​ຕົກ​ເປັນກິ​ໂລ​ລະ​ເທົ່າ​​ໃດ ຖ້າຕ່ຳ​ກວ່າ​ທ້ອງ​ຕະຫລາ​ດທົ່ວ​ໄປຈະ​​ເປັນ​ການ​ແຊກ​ຄຸມ​ລາຄາໃນ​ທ້ອງ​ຕະຫລາດ​ໃຫ້​ໝັ້ນ​ທ່ຽງ​ອີກ​ດ້ວຍ.

 

ແຫລ່ງ​ຂ່າວ: ລາວ​ພັດ​ທະ​ນາ

ບົດຄວາມຫຼ້າສຸດ

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ ຢ່າງເປັນທາງການ

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ. ພິທີເຊັນບົດບັກທຶກ ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ຈາກກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ມາຂຶ້ນກັບຄະນະໂຄສະນາອົບຮົມສູນກາງພັກ ຈັດຂຶ້ນໃນວັນທີ 8 ກໍລະກົດ 2025,...