Homeຂ່າວພາຍ​ໃນພົບ "ຂຸມປິດສະໜາ " ຂະໜາດໃຫຍ່ ໃນເຂດໄຊບີລີ ຂອງຣັດເຊຍ!

ພົບ “ຂຸມປິດສະໜາ ” ຂະໜາດໃຫຍ່ ໃນເຂດໄຊບີລີ ຂອງຣັດເຊຍ!

Published on

00001

 

ພົບຂຸມຍັກປິດສະໜາຂະໜາດໃຫຍ່ ທີ່ເຂດໄຊບີລີ ປະເທດຣັດເຊຍ ຂະໜາດປາກຂຸມກ້ວາງ 80 ແມັດ ແຕ່ຍັງບໍ່ຮູ້

ເຖິງຄວາມເລິກ ໂດຍນັກວິທະຍາສາດ ກຳລັງເລັ່ງຫາຄຳຕອບວ່າ ເກີດຂຶ້ນໄດ້ແນວໃດ ເຊິ່ງກະແສຂ່າວທາງອອນລາຍ

ບາງແຫ່ງ ກໍບອກວ່າອາດເປັນບ່ອນລົງຈອດຂອງຍານມະນຸດຕ່າງດາວ.

 

00003

 

ຕາມການລາຍງານຈາກສື່ຕ່າງປະເທດ ເມື່ອວັນທີ 15 ກໍລະກົດຜ່ານມາ ລະບຸວ່າ ພົບຂຸມດິນຍຸບຂະໜາດໃຫຍ່ ທີ່ເຂດ

ແຫຼມຢາມານ ທາງຕອນເໜືອຂອງແຫຼມໄຊບີລີ ເຊິ່ງເປັນພື້ນທີ່ທີ່ຖືກຂະໜານນາມວ່າ ເປັນຈຸດສິ້ນ

ສຸດຂອງໂລກ ໂດຍຢູ່ຫ່າງຈາກແຫຼ່ງຂຸດເຈາະອາຍແກັສທຳມະຊາດໂບວາເຄນໂຄໂວ (Bovanenkovo) ແຫຼ່ງແກັສທີ່

ໃຫຍ່ທີ່ສຸດ ແລະ ສຳຄັນທີ່ສຸດຂອງຣັດເຊຍ ປະມານ 30 ກິໂລແມັດ, ໂດຍຈາກຮູບທີ່ເຜີຍແຜ່ໄດ້ບອກວ່າ ຄວາມກວ້າງ

ຂອງຂຸມປະມານ 80 ແມັດ ແຕ່ຍັງບໍ່ທັນຮູ້ເຖິງຄວາມເລິກເທື່ອ ເຊິ່ງໃນຕອນນີ້ທາງການໄດ້ສົ່ງນັກວິທະຍາສາດລົງ

ພື້ນທີ່ໄປສຳຫຼວດແລ້ວ ຄາດວ່າພວກເຂົາເຈົ້າຈະເດີນທາງໄປເຖິງບໍລິເວນຂຸມປິດສະໜາດັ່ງກ່າວ ພາຍໃນວັນທີ 16

ກໍລະກົດນີ້.

 

ສຳລັບສາເຫດຂອງການເກີດຂຶ້ນຂອງຂຸມດັ່ງກ່າວ ຍັງຄົງເປັນປິດສະໜາ ໂດຍມີການຄາດກັນໄປຕ່າງໆນາໆວ່າ

ອາດເກີດຈາກອຸກະບາດຖະຫຼົ່ມໂລກ, ການຖະຫຼົ່ມຂອງຊັ້ນຫີນໃຕ້ເປືອກເລືອກ, ໄປຈົນເຖິງມີບາງສື່ອອນລາຍໃນ

ຕ່າງປະເທດກໍຊີ້ວ່າ ອາດເປັນບ່ອນລົງຈອດຂອງຍານອາວະກາດມະນຸດຕ່າງດາວກໍເປັນໄດ້, ເຖິງຢ່າງໃດກໍຕາມ

ຜູ່້ຊ່ຽວຊານເຊື່ອວ່າ ຈະສາມາດອະທິບາຍເຖິງສາເຫດຂອງການຍຸບລົງຂອງຂຸມດັ່ງກ່າວໃນອີກບໍ່ດົນ ແລະ ພວກ

ເຂົາຄາດວ່າອາດເປັນຜົນທີ່ເກີດມາຈາກສະພາວະໂລກຮ້ອນ.

 

ດ້ານອຳນາດການປົກຄອງທ້ອງຖິ່ນຢາມານ ເປີດເຜີຍວ່າ ຂຸມດັ່ງກ່າວໜ້າຈະປະກົດຂຶ້ນມາໄດ້ປະມານ 2 ປີທີ່

ແລ້ວ ເຊິ່ງໃນຕອນນີ້ກຳລັງທີ່ຈະຮັບຮູ້ສາເຫດຂອງການເກີດຂຶ້ນຂອງມັນ ຈາກຜົນຂອງການວິໄຈຕົວຢ່າງດິນ, ນ້ຳ

ແລະ ອາກາດ ຈາກທີມງານຜູ້ຊ່ຽວຊານຈາກສູນທະວີບອາກຕິກສຶກສາສະຖາບັນໄຄຼໂອສະເຟຍ ຈາກສະມາຄົມວິ

ທະຍາສາດຣັດເຊຍ ທີ່ລົງພື້ນທີ່ເດີນທາງໄປຍັງຈຸດເກີດເຫດພ້ອມໆກັບເຈົ້າໜ້າທີ່ທ້ອງຖິ່ນ ແລະ ກະຊວງສະຖານະ

ການສຸກເສີນຂອງຣັດເຊຍແລ້ວ.

 

ດ້ານນັກວິທະຍາສາດກຸ່ມໜຶ່ງ ຈາກສູນວິໄຈທະວີບອາກຕິກຍ່ອຍ ສັນນິຖານເຖິງສາເຫດທີ່ໜ້າຈະໃກ້ຄຽງກັບ

ຄວາມຈິງຫຼາຍທີ່ສຸດວ່າ ໜ້າຈະເກີດຈາກການລະເບີດຂອງການລວມຕົວກັນລະຫວ່າງ ແກັສ, ນ້ຳ ແລະ ເກືອ

ເນື່ອງຈາກໃນອະດີດ ແຫຼມຢາມານເຄີຍເປັນທະເລ ກ່ອນທີ່ຈະໜາວເຢັນກາຍເປັນນ້ຳກ້ອນ ແລະ ນ້ຳກ້ອນ

ກໍມາລະລາຍ ເພາະສະພາວະໂລກຮ້ອນ, ເຊິ່ງການລະລາຍດັ່ງກ່າວຂອງນ້ຳກ້ອນໃນພື້ນທີ່ນີ້ ເຮັດໃຫ້ເກີດເປັນອາຍ

ແກັສຂຶ້ນ ແລະ ເມື່ອສະສົມເປັນຈຳນວນມະຫາສານ ກໍເກີດມີການລະເບີດຂຶ້ນມາ.

 

ເຖິງຢ່່າງໃດກໍຕາມ ຍັງບໍ່ທັນມີຜົນການລາຍງານຢ່າງເປັນທາງການ ເຖິງສາເຫດທີ່ແທ້ຈິງມາຈາກທີມນັກວິທະ

ຍາສາດ ຫຼື ທາງການຂອງຣັດເຊຍເທື່ອໃນເວລານີ້.

 

 

ບົດຄວາມຫຼ້າສຸດ

ນາຍົກລັດຖະມົນຕີລາວ ພົບປະກັບ ປະທານສະພາແຫ່ງຊາດຫວຽດນາມ ໃນໂອກາດເດີນທາງຢ້ຽມຢາມ ສສ ຫວຽດນາມ ແລະ ເຂົ້າຮ່ວມກອງປະຊຸມເວທີອະນາຄົດອາຊຽນ ຄັ້ງທີ 3

ໃນຕອນບ່າຍວັນທີ 8 ມິຖຸນາ 2026, ທີ່ ນະຄອນຫຼວງຮ່າໂນ້ຍ ສສ ຫວຽດນາມ, ສະຫາຍ ສອນໄຊ ສີພັນດອນ ກໍາມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ...

ແຈ້ງການມອດໄຟຟ້າຊົ່ວຄາວ ລັດວິສາຫະກິດໄຟຟ້າລາວ ນວ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ ເລີ່ມແຕ່ວັນທີ 9-14 ມິຖຸນາ 2026

​ລັດວິສາຫະກິດໄຟຟ້າລາວ (EDL) ຝ່າຍຄຸ້ມຄອງລະບົບໄຟຟ້າພາກກາງ ສາຂານະຄອນຫຼວງວຽງຈັນ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ (ມອດໄຟ) ເພື່ອປັບປຸງ, ສ້ອມແປງລະບົບຕາໜ່າງໄຟຟ້າ ແລະ ຕິດຕັ້ງເສົາໄຟຟ້າໃໝ່ ໃຫ້ມີຄວາມປອດໄພ ແລະ ກຽມພ້ອມຮອງຮັບການຊົມໃຊ້ທີ່ດີຂຶ້ນ....

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...