ນິສສັນເຜີຍຢ່າງເປີດອົກເຖິງໂຄງການພັດທະນາຕ້ົນແບບລຸ້ນ IDx NISMO ວ່າເກີດຈາກກຸ່ມຄົນຂອງນິສສັນ ແລະ NISMO ມີຄວາມຫຼົງໄຫຼ ແລະ ເຕີບໂຕມາກັບການຫຼິ້ນເກມລົດແຂ່ງໂດຍນຳຈິນຕະນາການທີ່ເກີດຂຶ້ນໃນຈໍສີ່ຫຼ່ຽມມາດັດແປງສ້າງສັນໃຫ້ເກີດລົດຕ້ົນແບບຊົງສະປອດສຸດລ້ຳຂຶ້ນມາໄດ້
ສຳລັບຕ້ົນແບບຄັນນີ້ຖືກຈັດສະແດງເປັນຄັ້ງທຳອິດໃນງານໂຕກຽວມໍເຕີໂຊ 2013 ເມື່ອທ້າຍເດືອນພະຈິກທີ່ຜ່ານມາ ແລະ ເອີ້ນສຽງຮືນາໄດ້ບໍ່ນ້ອຍໂດຍສະເພາະໃນແງ່ຂອງແນວຄິດການສ້າງສັນທີ່ຊວນໃຫ້ຄິດເຖິງຍຸກຮຸ່ງເຮືອງຂອງລົດສະປອດຂະໜາດກະທັດຮັດແບບຂັບເຄື່ອນລ້ໍຫຼັງໃນຍຸກ 1970-1980 ໂດຍເປັນການນຳຕ້ົນແບບລຸ້ນ IDxFreeflow ມາຕ່ໍຍອດການພັດທະນາ
ທີມພັດທະນາເປີດເຜີຍວ່າ ຕົວລົດໄດ້ຮັບແຮງບັນດານໃຈມາຈາກລົດແຂ່ງໃນຍຸກນັ້ນແລະ ໄດ້ມີການດັດແປງດ້ວຍການນຳແບບ ແລະ ຮູບແບບການແຕ່ງມາໃຊ້ກັບຕ້ົນແບບຄັນນີ້ບໍ່ວ່າຈະເປັນຕົວຖັງຊົງຫຼ່ຽມ
ນອກຈາກນັ້ນເພື່ອໃຫ້ເກີດຄວາມຕ້ານລົມ IDx NISMO ມາພ້ອມກັບຄວາມສູງຂອງຕົວຖັງພຽງເລັກນ້ອຍ1.300 ມິນລິແມັດ,ຍາວ 4.100 ມິນລິແມັດ ແລະ ມີຄວາມກວ້າງຢູ່ໃນລະດັບ 1.800 ມິນລິແມັດເພື່ອການຊົງຕົວ ແລະ ການຢຶດເກາະທີ່ດີ ເສີມຄວາມຫໍ່ຼດ້ວຍລ້ໍແມັກຂະໜາດ 19 ນິ້ວຈັບຄູ່ກັບຢາງ 225/40R19
ເຄື່ອງຈັກທີ່ໃຊ້ໃນການຂັບເຄື່ອນເປັນການພັດທະນາ ແລະ ຕ່ໍຍອດມາຈາກບັອກ 1.600 ຊີຊີ. Di ທີ່ເປັນຂຸມພະລັງແບບ Eco-Friendly ແຕ່ທາງ NISMO ບອກວ່າມີການປັບແຕ່ງເພື່ອຄວາມອາດສາມາດໃນການຂັບເຄື່ອນທີ່ຖືກໃຈຜ່ານທາງເກຍCVT ທີ່ສາມາດເຂ້ົາໂໝດປັບເປັນແບບ 6 ຈັງຫວະ Manual Shift