spot_img
Homeຂ່າວຢາເສບຕິດຢາບ້າກາຍ 5 ເມັດ ຈຶ່ງຖືວ່າເປັນຜູ້ຄອບຄອງຢາເສບຕິດໃຫ້ໂທດທາງກົດໝາຍ

ຢາບ້າກາຍ 5 ເມັດ ຈຶ່ງຖືວ່າເປັນຜູ້ຄອບຄອງຢາເສບຕິດໃຫ້ໂທດທາງກົດໝາຍ

Published on

ເມື່ອບໍ່ດົນມານີ້, ສຳນັກຂ່າວໄທ ລາຍງານ ກ່ຽວກັບການພິຈາລະນາ ຄອບຄອງຢາບ້າ 5 ເມັດ ແມ່ນຈະບໍ່ຖືກຈັບດຳເນີນຄະດີ, ເຊິ່ງຕົວແທນຈາກສຳນັກງານຄະນະກຳມະການປ້ອງກັນ ແລະ ປາບປາມຢາເສບຕິດ (ປປສ) ກະຊວງຍຸຕິທຳ ກະຊວງສາທາລະນະສຸກ ແລະ ເຈົ້າໜ້າທີ່ຕຳຫຼວດໄທ ລວມເຖິງໜ່ວຍງານທີ່ກ່ຽວຂ້ອງໄດ້ປະຊຸມຫາລືກັນເລື່ອງການອອກປະກາດກຳນົດຈຳນວນຄອບຄອງເມັດຢາບ້າ ຄວນມີຈຳນວນຈັກເມັດຈຶ່ງຖືເປັນຜູ້ເສບ ແລະ ເຂົ້າຮັບການຮັກສາ.

ນາຍແພດ ກິດຕິສັກ ອັກສອນວົງ ຮັກສາການແທນຮອງປະລັດກະຊວງສາທາລະນະສຸກ ລະບຸວ່າ: ມະຕິໃນກອງປະຊຸມມີຄວາມຄິດເຫັນກົງກັນກຳນົດໃຫ້ຜູ້ຄອບຄອງຢາບ້າບໍ່ເກີນ 5 ເມັດ ໃຫ້ສັນນິຖານວ່າ ເປັນຜູ້ເສບທີ່ຕ້ອງເຂົ້າຮັບການບຳບັດດ້ວຍຄວາມສະມັກໃຈ ແຕ່ຖ້າເກີນ 5 ເມັດ ຖືວ່າເປັນຜູ້ຄອບຄອງຢາເສບຕິດໃຫ້ໂທດ ເຊິ່ງມີໂທດເທົ່າກັບການຈຳໜ່າຍ, ຜະລິດ ຫຼື ນຳເຂົ້າຢາເສບຕິດໃຫ້ໂທດ ແຕ່ຕ້ອງເບິ່ງພຶດຕິກຳຂອງຜູ້ຄອບຄອງຢາເສບຕິດພ້ອມວ່າເຂົ້າຂ່າຍເປັນຜູ້ຄ້າ ຫຼື ບໍ່?

ຂັ້ນຕອນຈາກນີ້ ຈະນຳມະຕິ​ທີ່ໄດ້ສະເໜີ ລັດຖະມົນຕີວ່າການກະຊວງສາທາລະນະສຸກ ​ແລະ ​ໄດ້​ອອກເປັນຮ່າງປະກາດກົດ​ກະຊວງ​ສາທາລະນະ​ສຸກ ກ່ອນ​ທີ່​ຈະ​ເຂົ້າ​ສູ່​ຂັ້ນ​ຕອນ​ປະຊາພິຈາລະນາ ແລະ​ ນໍາ​ສະ​ເໜີ​ຕໍ່ຄະນະລັດຖະມົນຕີຕໍ່ໄປ ເຊິ່ງຄາດວ່າຈະໃຊ້ເວລາໄລຍະໜຶ່ງ ເນື່ອງຈາກວ່າມີຫຼາຍຂັ້ນຕອນໃນຂະບວນການ.

ທາງດ້ານ ພົນຕຳຫຼວໂທ ສີຮີສັກ ຕັນຕິນວະໄຊ ຜູ້ບັງຄັບບັນຊາຕຳຫຼວດປາບປາມຢາເສບຕິດ (ຜບຊ.ປສ.) ສຳນັກງານຕຳຫຼວດແຫ່ງຊາດກ່າວວ່າ: ຕາມຫຼັກກົດໝາຍຈະແບ່ງຄວາມຜິດເປັນ 2 ປະເພດຄື: 1) ຜິດເລື່ອງຂອງການເສບ ຈະເສບໂດຍຕົງ ຫຼື ຄອບຄອງເພື່ອເສບ, 2) ຄວາມຜິດຮ້າຍແຮງໄດ້ແກ່ການຜະລິດ ນຳເຂົ້າສົ່ງອອກ ຈຳໜ່າຍ ແລະ ຄອບຄອງ ທີ່ໂທດເທົ່າກັນ. ດັງນັ້ນ, ບໍ່ວ່າຈະຄອບຄອງ ຫຼື ຈຳໜ່າຍຖານໂທດເທົ່າກັນ. ເຊິ່ງຜູ້ທີ່ມີບໍ່ເກີນ 5 ເມັດ ຈະສັນນິຖານວ່າ ເປັນຜູ້ເສບ ແຕ່ຖ້າໃນການສືບສວນມີພຶດຕິກຳໃນການລັກລອບຈຳໜ່າຍ ພຽງແຕ່ຄອບຄອງ 1 ເມັດ ກໍຈະຖືກດຳເນີນຄະດີຂໍ້ຫາຈຳໜ່າຍແຕ່ຫຼາຍກວ່າ 6 ເມັດ ຂຶ້ນໄປກໍເປັນຄວາມຜິດຄອບຄອງຢາເສບຕິດ.

ສ່ວນກໍລະນີຄອບຄອງບໍ່ເກີນ 5 ເມັດ ເປັນຜູ້ເສບຈະຕ້ອງເຂົ້າບຳບັດຮັກສາທັນທີ ຫຼື ຕາມສະໝັກໃຈ ແຕ່ຖ້າບໍ່ສະມັກໃຈ ກໍສາມາດນຳໄປດຳເນີນຄະດີໄດ້ໃນຂໍ້ຫາຄອບຄອງເພື່ອເສບ ຄືການເສບມີໂທດຕິດຄຸກບໍ່ເກີນ 1 ປີ ຫຼື ສານຈະຕັດສິນລົງໂທ ຫຼື ບໍ່ກໍໄດ້ບໍ່ເກີນ 1 ປີ.

ບົດຄວາມຫຼ້າສຸດ

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ ຢ່າງເປັນທາງການ

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ. ພິທີເຊັນບົດບັກທຶກ ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ຈາກກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ມາຂຶ້ນກັບຄະນະໂຄສະນາອົບຮົມສູນກາງພັກ ຈັດຂຶ້ນໃນວັນທີ 8 ກໍລະກົດ 2025,...

ນໍ້າຖ້ວມຂັງໃນຕົວເມືອງ ນວ ໃນ ໄລຍະລະດູຝົນ ເກີດຈາກຫຼາຍປັດໄຈ

ບັນຫານ້ຳຖ້ວມຂັງໃນຕົວເມືອງ-ຖ້ວມຖະໜົນຫົນທາງ ໃນນະຄອນຫຼວງວຽງຈັນ(ນວ) ໃນລະດູຝົນ ແມ່ນບັນຫາໜຶ່ງທີ່ເກີດຂຶ້ນເປັນປະຈຳທຸກໆປີ, ສ້າງຄວາມຫຍຸ້ງຍາກໃຫ້ແກ່ການດໍາລົງຊີວິດ ແລະ ຊັບສິນຂອງປະຊາຊົນ ເຮັດໃຫ້ການສັນຈອນເດີນທາງໄປມາ ມີຄວາມຫຍຸ້ງຍາກ ແລະ ສ້າງພາບພົດທີ່ບໍ່ດີ ໃຫ້ແກ່ການຈັດຕັ້ງລັດ ແລະ ອື່ນໆ. ທ່ານ...

ຍອດຜູ້ເສຍຊີວິດພຸ່ງຂຶ້ນ 109 ຄົນ ຈາກເຫດການນ້ຳຖ້ວມຮຸນແຮງໃນລັດເທັກຊັດ ສ.ອາເມລິກາ

ຍອດຜູ້ເສຍຊີວິດຈາກເຫດການນ້ຳຖ້ວມກະທັນຫັນໃນລັດເທັກຊັດ ເພີ່ມຂຶ້ນຢ່າງນ້ອຍ 109 ຄົນ ແລະ ເຈົ້າໜ້າທີ່ກຳລັງເລັ່ງດຳເນີນການຄົ້ນຫາຜູ້ສູນຫາຍອີກ 160 ຄົນ. ສຳນັກຂ່າວຕ່າງປະເທດລາຍງານ: ຍອດຜູ້ເສຍຊີວິດຈາກເຫດການນ້ຳຖ້ວມໃນລັດເທັກຊັດ ສ.ອາເມລິກາ ຕັ້ງແຕ່ວັນທີ 4 ກໍລະກົດ 2025...

ຜູ້ນຳສະຫະລັດ ບັນລຸຂໍ້ຕົກລົງກັບຫວຽດນາມ ຈະເກັບພາສີສິນຄ້ານຳເຂົ້າຈາກຫວຽດນາມ 20%

ໂດນັລ ທຣຳ ຜູ້ນຳສະຫະລັດເປີດເຜີຍວ່າ ໄດ້ບັນລຸຂໍ້ຕົກລົງກັບຫວຽດນາມແລ້ວ ໂດຍສະຫະລັດຈະເກັບພາສີສິນຄ້ານຳເຂົ້າຈາກຫວຽດນາມ 20% ຂະນະທີ່ສິນຄ້າຈາກປະເທດທີ 3 ສົ່ງຜ່ານຫວຽດນາມຈະຖືກເກັບພາສີ 40% ສຳນັກຂ່າວບີບີຊີລາຍງານໃນວັນທີ 3 ກໍລະກົດ 2025 ນີ້ວ່າ:...