spot_img
Homeຂ່າວພາຍ​ໃນເປີດນຳໃຊ້ທະນາຄານມາຣູຮານເຈແປນລາວ

ເປີດນຳໃຊ້ທະນາຄານມາຣູຮານເຈແປນລາວ

Published on

20130217113512
ພິທີເປີດທະນາຄານມາຣູຮານເຈແປນຢູ່ ສປປ ລາວ ຢ່າງເປັນທາງການ ໄດ້ມີຂຶ້ນວັນທີ 16 ກຸມພາ 2013 ຢູ່ທະນາຄານດັ່ງກ່າວ
(ຖະໜົນ 23 ສິງຫາ ເມືອງໄຊເຊດຖາ ນະຄອນຫຼວງວຽງຈັນ) ໂດຍມີທ່ານ ສຸກັນ ມະຫາລາດ ເຈົ້າຄອງນະຄອນຫຼວງວຽງຈັນ
ທ່ານ ສົມພາວ ໄຟສິດ ຜູ້ວ່າການທະນາຄານແຫ່ງ ສປປ ລາວ ທ່ານ ດຣ. ນາມ ວິຍະເກດ ລັດຖະມົນຕີວ່າການ ກະຊວງອຸດສາ
ຫະກຳ ແລະ ການຄ້າ ທ່ານນາງ ຈຸນໂກະ ໂຢໂກຕະ ເອກອັກຄະລາຊະທູດຍີ່ປຸ່ນ ປະຈຳ ສປປ ລາວ ພ້ອມດ້ວຍຄະນະປະທານ
ກຸ່ມບໍລິສັດ ແລະ ແຂກຖືກເຊີນເຂົ້າຮ່ວມ.
ທະນາຄານມາຣູຮານເຈແປນລາວ ເປັນທະນາຄານທຸລະກິດແຫ່ງທຳອິດທີ່ເປັນຂອງຄົນຍີ່ປຸ່ນ ແລະ ກໍເປັນສະມາຊິກໃໝ່ຂອງກຸ່ມບໍ
ລິສັດມາຣູຮານເຈແປນອາຊຽນ ການມາເປີດທະນາຄານຢູ່ ສປປ ລາວ ແມ່ນເປັນຂີດໝາຍສຳຄັນທີ່ຈະເຮັດໃຫ້ປະຊາຊົນລາວ ໄດ້
ເຂົ້າເຖິງການຕ້ອນຮັບທີ່ດີແບບຍີ່ປຸ່ນ ການບໍລິການທີ່ມີລະດັບ ແລະ ຜະລິດຕະພັນທາງການເງິນ ທີ່ທະນາຄານມາຣູຮານເຈແປນຢູ່
ປະເທດກຳປູເຈຍ ໄດ້ນຳສະເໜີແກ່ປະເທດອ້ອມຂ້າງແຕ່ປີ 2008 ຄະນະຜູ້ບໍລິຫານຂອງກຸ່ມບໍລິສັດການເງິນມາຣູຮານອາຊີ ໄດ້ໃຊ້
ຄວາມພະຍາຍາມ ແລະ ຄວາມຕັ້ງໃຈເປັນຢ່າງສູງ ໃນການນຳໃຊ້ຄວາມຮູ້ຄວາມສາມາດ ແລະ ສິ່ງທີ່ດີທີ່ສຸດ ເພື່ອທີ່ຈະເປັນຜູ້ນຳ
ໃນດ້ານທຸລະກິດທະນາຄານຂອງອາຊີ ສະໜັບສະໜູນສາຍພົວພັນທີ່ແໜ້ນແຟ້ນລະຫວ່າງປະເທດຍີ່ປຸ່ນກັບບັນດາປະເທດໃນກຸ່ມອາ
ຊຽນ ແລະ ມີສ່ວນເຮັດໃຫ້ເສດຖະກິດໃນພາກພື້ນມີການພັດທະນາ ແລະ ເຕີບໃຫຍ່ຂະຫຍາຍຕົວຂຶ້ນເລື້ອຍໆ ໃນໂອກາດເປີດທະ
ນາຄານຄັ້ງນີ້ ຍັງໄດ້ມີການເປີດສຳນັກງານປະຈຳປະເທດຂຶ້ນຢູ່ອາຄານດຽວກັນຂອງທະນາຄານມາຣູຮານ ໂດຍສຳນັກງານນີ້ຈະ
ເຮັດໃຫ້ສາຍພົວພັນການຄ້າ ແລະ ເສດຖະກິດລະຫວ່າງ ສປປ ລາວ ກັບລາຊະອານາຈັກກຳປູເຈຍ ມີຄວາມສະດວກສະບາຍຍິ່ງ
ຂຶ້ນ ແລະ ຍັງເປັນການເສີມຂະຫຍາຍເຄືອຂ່າຍການບໍລິການຂອງທະນາຄານຢູ່ພາກພື້ນແບບເຕັມຮູບແບບ.
ທີ່ມາ:http://www.vientianemai.net

ບົດຄວາມຫຼ້າສຸດ

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ ຢ່າງເປັນທາງການ

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ. ພິທີເຊັນບົດບັກທຶກ ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ຈາກກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ມາຂຶ້ນກັບຄະນະໂຄສະນາອົບຮົມສູນກາງພັກ ຈັດຂຶ້ນໃນວັນທີ 8 ກໍລະກົດ 2025,...

ນໍ້າຖ້ວມຂັງໃນຕົວເມືອງ ນວ ໃນ ໄລຍະລະດູຝົນ ເກີດຈາກຫຼາຍປັດໄຈ

ບັນຫານ້ຳຖ້ວມຂັງໃນຕົວເມືອງ-ຖ້ວມຖະໜົນຫົນທາງ ໃນນະຄອນຫຼວງວຽງຈັນ(ນວ) ໃນລະດູຝົນ ແມ່ນບັນຫາໜຶ່ງທີ່ເກີດຂຶ້ນເປັນປະຈຳທຸກໆປີ, ສ້າງຄວາມຫຍຸ້ງຍາກໃຫ້ແກ່ການດໍາລົງຊີວິດ ແລະ ຊັບສິນຂອງປະຊາຊົນ ເຮັດໃຫ້ການສັນຈອນເດີນທາງໄປມາ ມີຄວາມຫຍຸ້ງຍາກ ແລະ ສ້າງພາບພົດທີ່ບໍ່ດີ ໃຫ້ແກ່ການຈັດຕັ້ງລັດ ແລະ ອື່ນໆ. ທ່ານ...

ຍອດຜູ້ເສຍຊີວິດພຸ່ງຂຶ້ນ 109 ຄົນ ຈາກເຫດການນ້ຳຖ້ວມຮຸນແຮງໃນລັດເທັກຊັດ ສ.ອາເມລິກາ

ຍອດຜູ້ເສຍຊີວິດຈາກເຫດການນ້ຳຖ້ວມກະທັນຫັນໃນລັດເທັກຊັດ ເພີ່ມຂຶ້ນຢ່າງນ້ອຍ 109 ຄົນ ແລະ ເຈົ້າໜ້າທີ່ກຳລັງເລັ່ງດຳເນີນການຄົ້ນຫາຜູ້ສູນຫາຍອີກ 160 ຄົນ. ສຳນັກຂ່າວຕ່າງປະເທດລາຍງານ: ຍອດຜູ້ເສຍຊີວິດຈາກເຫດການນ້ຳຖ້ວມໃນລັດເທັກຊັດ ສ.ອາເມລິກາ ຕັ້ງແຕ່ວັນທີ 4 ກໍລະກົດ 2025...

ຜູ້ນຳສະຫະລັດ ບັນລຸຂໍ້ຕົກລົງກັບຫວຽດນາມ ຈະເກັບພາສີສິນຄ້ານຳເຂົ້າຈາກຫວຽດນາມ 20%

ໂດນັລ ທຣຳ ຜູ້ນຳສະຫະລັດເປີດເຜີຍວ່າ ໄດ້ບັນລຸຂໍ້ຕົກລົງກັບຫວຽດນາມແລ້ວ ໂດຍສະຫະລັດຈະເກັບພາສີສິນຄ້ານຳເຂົ້າຈາກຫວຽດນາມ 20% ຂະນະທີ່ສິນຄ້າຈາກປະເທດທີ 3 ສົ່ງຜ່ານຫວຽດນາມຈະຖືກເກັບພາສີ 40% ສຳນັກຂ່າວບີບີຊີລາຍງານໃນວັນທີ 3 ກໍລະກົດ 2025 ນີ້ວ່າ:...