ໄອເດຍໃໝ່ຂອງການຂາຍລົດ “ຮ້ານຂາຍລົດແບບຢອດຫຼຽນ”

0
264

Carvana ຜູ້ຄ້າລົດຍົນລາຍໃຫຍ່ແຫ່ງສະຫະລັດ ໄດ້ເປີດ ຮ້ານຂາຍລົດແບບຢອດຫຼຽນ ເປັນເຫ່ງທີ່ 2 ໃນເມືອງ Houston ແລະ ຮ້ານນີ້ເປັນຮ້ານທີ່ໃຫຍ່ກວ່າສາຂາທີ 1 ທີ່ຕັ້ງຢູ່ເມືອງ Nashville ໂດຍຫໍຈອດລົດທີ່ລໍຖ້າຄົນມາຢອດຫຼຽນຊື້ນັ້ນມີຄວາມສູງເຖິງ 8 ຊັ້ນ ໂຄງສ້າງເປັນເຫຼັກຕິດແວ່ນແກ້ວໃສ ເພື່ອອວດໂສມລົດງາມໆ ເຖິງ 30 ຄັນ

Ernie Garcia ຜູ້ບໍລິຫານຂອງ Carvana ກ່າວວ່າ “ມີຄົນການຕອບຮັບທີ່ດີຈາກລູກຄ້າກ່ຽວກັບຮ້ານຂາຍລົດຢອດຫຼຽນແຫ່ງທຳອິດໃນເມືອງ Houston ເຮັດໃຫ້ລາວຢາກນຳສະເໜີປະສົບການໃນການຊື້ລົດແບບໃໝ່ນີ້ໄປສູ່ຕະຫຼາດອື່ນໆ” ຜູ້ທີ່ຕ້ອງການຊື້ລົດຕ້ອງເດີນທາງມາທີ່ຮ້ານຂາຍລົດຢອດຫຼຽນ ແລະ ຮັບຫຼຽນທີ່ມີຂະໜາດໃຫຍ່ເປັນພິເສດ ຈາກນັ້ນກໍ່ນຳຫຼຽນໄປຢອດລົງເຄື່ອງຂາຍລົດ ເຊິ່ງບໍ່ຕ່າງຫຍັງກັບການຢອດຫຼຽນລົງຕູ້ເຄື່ອງດື່ມ (ຄືເຫັນໃນໂທລະພາບ) ແລ້ວກົນໄກພາຍໃນຫໍຈອດລົດຈະເລີ່ມທຳງານ ເພື່ອນຳລົດທີ່ລູກຄ້າຕ້ອງການລົງມາດ້ານລຸ້ມໃຫ້ລູກຄ້າ

ໂດຍຮ້ານຂາຍລົດຢອດຫຼຽນນີ້ ຈະລິ້ງເຂົ້າກັບເວັບໄຊ໌ຂອງ Carvana ລູກຄ້າສາມາດຄົ້ນຫາລົດທີ່ຕ້ອງການຈ່າຍເງິນ ຫຼື ເຮັດໄຟແນນຊ໌ ຫຼື ຈະເອົາລົດເກົ່າມາເທີນຜ່ານລະບົບອອນໄລນ໌ກໍ່ຍັງເຮັດໄດ້ ໂດຍລູກຄ້າຈະມີຕົວເລືອກສຳລັບການຮັບລົດ 2 ຮູບແບບຄື: 1. ໃຫ້ພະນັກງານຂອງຮ້ານຂັບລົດໄປສົ່ງຮອດເຮືອນ, 2. ເຮັດການຮັບລົດຜ່ານລະບົບຮ້ານຍອດຫຼຽນ ເຊິ່ງເປັນປະສົບການທີ່ແປກໃໝ່ ແລະ ມີຜູ້ຄົນຈຳນວນຫຼາຍທີ່ມັກວິທີນີ້

ທີ່ມາ : www.digitaltrends.com ແລະ http://news.thaiware.com/9218.html

ຕິດຕາມຂ່າວເສດຖະກິດລາວ ກົດໄລຄ໌ເລີຍ!

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.