spot_img
Homeຂ່າວຕ່າງປະເທດເຈົ້າຍິງເສກສົມຣົດກັບຊາຍຊາວບ້ານ ສະຫຼະພະຍົດເປັນສາມັນຊົນ

ເຈົ້າຍິງເສກສົມຣົດກັບຊາຍຊາວບ້ານ ສະຫຼະພະຍົດເປັນສາມັນຊົນ

Published on

ສຳນັກຂ່າວເອພີລາຍງານຈາກນະຄອນຫຼວງ ໂຕກຽວ ປະເທດຍີ່ປຸ່ນ ເມື່ອວັນທີ 17 ພຶດສະພາ 2017 ນີ້ວ່າ ສຳນັກຣາຊາເລຂາທິການ ພຣະຣາຊະວັງອິມພີຣຽວ ປະຕິເສດທີ່ຈະຢືນຢັນລາຍງານຂ່າວ ທ້າວ ເຄະອິ ໂຄະມຸໂຣະ ຊາຍໜຸ່ມຜູ່ພິຊິດຫົວໃຈຂອງເຈົ້າຍິງ ມາໂກະ, ເຄີຍເປັນນັກສຶກສາຂອງມະຫາວິທະຍາໄລ ລັນອິນເຕີເນຊັ່ນແນລ ຄຣິສຕຽນ ໃນນະຄອນຫຼວງໂຕກຽວ ສະຖານສຶກສາກຽວກັນກັບເຈົ້າຍິງມາໂກະ ໄວອາຍຸ 25 ພັນສາ ທີ່ສຳເລັດການສຶກສາ.

ລາຍງານລະບຸວ່າ ທັງ 2 ພົບປະຮູ້ຈັກກັນຄັ້ງທຳອິດ ທີ່ຮ້ານອາຫານແຫ່ງໜຶ່ງ ໃນເຂດຊິບູຍ່າຂອງນະຄອນຫຼວງໂຕກຽວ ເມື່ອ 5 ປີກ່ອນ ເຊິ່ງມີການສັງສັນພົບປະສົນທະນາກ່ຽວກັບການສຶກສາໃນຕ່າງປະເທດ ແລະ ເມື່ອມໍ່ໆນີ້ ທັງສອງນັດພົບກັນ ແລະ ຍັງໄດ້ອອກໄປທ່ຽວນຳກັນຫຼາຍຄັ້ງຕໍ່ເດືອນ.

ໂຄະມຸໂຣະເຮັດວຽກເປັນ “ເຈົ້າໜ້າທີ່ແຫ່ງທະເລ” ເພື່ອສົ່ງເສີມການທ່ອງທ່ຽວຫາດຊາຍຫຼາຍແຫ່ງ ຂອງເມືອງ ໂຊນັນ ແຂວງ ຄານາງາວະ ຫຼັງຈາກທີ່ເສກສົມຣົດແລ້ວ ເຈົ້າຍິງມາໂກະຈະບໍ່ໄດ້ດຳລົງພະຍົດເປັນເຈົ້າຍິງອີກຕໍ່ໄປ ແລະ ຈະກາຍເປັນສາມັນຊົນ

ພິທີເສກສົມຣົດຈະເຕັມໄປດ້ວຍພິທີກຳ ຕາມທຳນຽມປະເພນີຂອງຣາຊາວົງຍີ່ປຸ່ນ ໃນຈຳນວນຮວມເຖິງການປະກາດເຊິ່ງຈະເທົ່າກັບການໝັ້ນ ຫຼັງຈາກນັ້ນຈະເປັນການເລືອກມື້ເສກສົມຣົດ ແລະ ຄູ່ບ່າວ-ສາວ ຈະເຂົ້າເຝົ້າຖວາຍລາຍງານຢ່າງເປັນທາງການ ຕໍ່ສົມເດັດພຣະຈັກກະພັດ ແລະ ສົມເດັດພຣະຈັກກະພັດດີນີ

ທາງສະຖານີໂທລະພາບເອັນເອຊເຄ ລາຍງານຕື່ມອີກວ່າ ເຈົ້າຍິງມາໂກະໄດ້ນຳພາຊາຍຄົນຮັກໄປແນະນຳຕົວກັບພຣະບິດາ ແລະ ພຣະມານດາແລ້ວ ແລະ ທັງສອງພຣະອົງກໍ່ໃຫ້ການຍອມຮັບ.

https://youtu.be/NeppNQQPJnc

ບົດຄວາມຫຼ້າສຸດ

ຕັ້ງໃຈ ຫຼື ອຸບັດຕິເຫດ! ເປີດເຜີຍສາເຫດເຮືອບິນ ແອອິນເດຍ ປະສົບອຸບັດຕິເຫດຕົກ

ເປີດເຜີຍສາເຫດເຮືອບິນ ແອອິນເດຍ ປະສົບອຸບັດຕິເຫດຕົກ ເຮັດໃຫ້ມີຜູ້ເສຍຊີວິດເປັນຈຳນວນຫຼາຍ. ສຳນັກຂ່າວຕ່າງປະເທດລາຍງານໃນວັນທີ 12 ກໍລະກົດ 2025, ໜ່ວຍງານສອບສວນອຸບັດຕິເຫດທາງອາກາດອິນເດຍ (AAIB) ໄດ້ເຜີຍແຜ່ລາຍງານເບື້ອງຕົ້ນກ່ຽວກັບສາເຫດທີ່ເຮັດໃຫ້ເຮືອບິນສາຍການບິນແອອິນເດຍ (Air India) ຖ້ຽວບິນທີ AI171...

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...