ອາເມລິກາມີຜູ້ເສຍຊີວິດຈາກ ເຊື້ອໂຄວິດ-19 ຫຼາຍກວ່າ 3,000 ຄົນ

0
524

ສຳນັກຂ່າວຕ່າງປະເທດລາຍງານຈາກນະຄອນຫຼວງວໍຊິງຕັນ ປະເທດສະຫະລັດອາເມລິກາ ເມື່ອວັນທີ 30 ມີນາວ່າ ສູນວິໄຈຂອງມະຫາວິທະຍາໄລ ຈອນ ຮອປກິນສ໌ ລາຍງານສະຖານະການເຊື້ອໄວຣັດໂຄວິດ-19 ໃນອາເມລິກາວ່າ ມີຜູ້ເສຍຊີວິດເພີ່ມເປັນ 3,008 ຄົນ ຈາກຈຳນວນຜູ້ປ່ວຍສະສົມ 163,429 ຄົນ ເພີ່ມຂຶ້ນຫຼາຍກວ່າ 500 ຄົນພາຍໃນມື້ດຽວ ແລະ ຜູ້ໄດ້ຮັບການຮັກສາຫາຍແລ້ວ 5,764 ຄົນ ອາເມລິກາໄດ້ມີການຢືນຢັນວ່າພົບຜູ້ປ່ວຍໂຄວິດ-19ຄົນທຳອິດເມື່ອວັນທີ 20 ມັງກອນ ແລະ ຜູ້ປ່ວຍເສຍຊີວິດຄົນທຳອິດເມື່ອວັນທີ 29 ກຸມພາທີ່ຜ່ານມາ.

ລັດນິວຢອກຍັງເປັນພື້ນທີ່ວິກິດທີ່ສຸດ ໂດຍມີຜູ້ເສຍຊີວິດຢ່າງໜ້ອຍ 1,342 ຄົນ ຈາກຈຳນວນຜູ້ຕິດເຊື້ອສະສົມ 67,325 ຄົນ.

ມີລາຍງານວ່າ ແພດໝໍ ແລະ ເຈົ້າໜ້າທີ່ສາທາລະນະສຸກທີ່ກະສຽນໄປແລ້ວຫຼາຍກວ່າ 800,000 ຄົນ ລົງທະບຽນເປັນອາສາສະໝັກໃຫ້ກັບລັດນິວຢອກແລ້ວ ແລະ ເຮືອພະຍາບານກອງທັບອາເມລິກາ ເຂົ້າທຽບທ່າທີ່ນະຄອນນິວຢອກ ພ້ອມບຸກຄະລາກອນການແພດທະຫານ ແລະ ຕຽງຄົນໄຂ້ສູງສຸດ 1,000ຕຽງ.

 

ຮຽບຮຽງຂ່າວ: ພຸດສະດີ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.