spot_img
Homeນານາສາລະອາຫານທີ່ຄວນຫຼີກຫຼ່ຽງ ໃນມື້ທີ່ອາກາດຮ້ອນ

ອາຫານທີ່ຄວນຫຼີກຫຼ່ຽງ ໃນມື້ທີ່ອາກາດຮ້ອນ

Published on

ອາຍຮ້ອນ ແລະ ແສງແດດ ສາມາດເຮັດໃຫ້ເຮົາອ່ອນເພຍໄດ້ຫຼາຍກວ່າປົກກະຕິ ເຮົາຈຶ່ງຮູ້ສຶກຫິວນ້ຳຕະຫຼອດເວລາ ເຖິງໄດ້ມີຄຳແນະນຳວ່າໃຫ້ດື່ມນ້ຳຫຼາຍໆ ຫຼື ກິນໝາກໄມ້ ເພື່່ອເພີ່ມຄວາມສົດຊື່ນໃຫ້ແກ່ຮ່າງກາຍໄດ້, ແຕ່ນອກຈາກອາຫານ ແລະ ເຄື່ອງດື່ມທີ່ຊ່ວຍດັບຮ້ອນໃຫ້ຮ່າງກາຍແລ້ວ ກໍຕ້ອງລະມັດລະວັງອາຫານທີ່ສາມາດເພີ່ມຄວາມຮ້ອນໃຫ້ຮ່າງກາຍຢ່າງເດັດຂາດ ມື້ທາງທີມງານລາວໂພສນຳ 7 ອາຫານທີ່ຄວນຫຼີກຫຼ່ຽງ ໃນມື້ທີ່ອາກາດຮ້ອນ ເຊິ່ງມີຫຍັງແນ່ໄປຕິດຕາມກັນເລີຍ:

1 ເຄື່ອງດື່ມເອວກໍຮໍ: ເວລາທີ່ເຮົາດື່ມເຄື່ອງດື່ມເອວກໍຮໍ ເຮົາຈະຮູ້ສຶກຮ້ອນ ເນື່ອງຈາກເອວກໍຮໍ ຈະໄປເຮັດໃຫ້ເສັ້ນເລືອດຂະຫຍາຍ ຫາກດື່ມໃນເວລາທີ່ອາກາດຮ້ອນ ມີໂອກາດເຮັດໃຫ້ເຮົາຊັອກໄດ້.

2  ເຄື່ອງດື່ມທີ່ມີຄາເຟອີນ: ກາເຟ ຫຼື ຊາ ເພາະຄາເຟອີນ ມີລິດເຮັດໃຫ້ເຮົາຕ້ອງປວດເບົາຕະຫຼອດເວລາ ເຊິ່ງເປັນການຂັບນ້ຳອອກຈາກຮ່າງກາຍ ເມື່ອຮ່າງກາຍຂາດນ້ຳເຮົາຈະຮູ້ສຶກເພຍແດດ ໄດ້ງ່າຍຂຶ້ນ ນອກຈາກນີ້ ລິດຂອງຄາເຟອີນຍັງໄປກະຕຸ້ນຖຶງ ແຕ່ລະອານູຂອງສະໝອງ ເຮັດໃຫ້ເກີດອາການກະວົນກະວາຍໃຈສັ່ນອີກດ້ວຍ.

3 ເຂົ້າໝົມຫວານ: ເຂົ້າໝົມຫວານບໍ່ວ່າຈະເປັນເຂົ້າອົມ ເຂົ້າໝົມທົ່ວໄປຈະມີລົດຫວານ ຈະສາມາດເຮັດໃຫ້ຮ່າງກາຍຂອງເຮົາຮ້ອນຂຶ້ນໄດ້ ເພາະເມື່ອຮ່າງກາຍເຮົາເຜົາຜານນ້ຳຕານຈະສ້າງຄວາມຮ້ອນຂຶ້ນມາ ແລະ ຍັງປ່ອຍຂີ້ເຫຍື້ອທີ່ເກີດຈາກການເຜົາຜານອອກມາທຳຮ້າຍຮ່າງກາຍອີກດ້ວຍ.

4 ຂອງທອດ ຂອງມັນ: ຂອງທອດທີ່ຫຼາຍໆຄົນມັກກິນ ກໍໄດ້ຮັບຄວາມຮ້ອນຈາກນ້ຳມັນທີ່ໃຊ້ໃນການທອດ ແລະ ນ້ຳມັນທອດເຮັດໃຫ້ຮ່າງກາຍເຮົາຮ້ອນ ແລະ ເກີດການອັກເສບໄດ້ດ້ວຍ ບໍ່ວ່າຈະເປັນການກິຮນົມ, ເນຍ, ວິບຄີມ ຖືເປັນການການກິນທີ່ເຮັດໃຫ້ຮ່າງການໍຍເຮົາເກີດການອັກເສບ ແລະ ກະທົບຕໍ່ລະບົບລອດເລືອດ ແລະ ຫົວໃຈ.

5 ອາຫານທີ່ມີລົດເຄັມ: ການກິນອາຫານເຄັມ ເຮັດໃຫ້ໄຕຂອງເຮົາເຮັດວຽກໜັກຂຶ້ນຢູ່ແລ້ວ ເພື່ອເກັບນ້ຳໄວ້ໃນຮ່າງກາຍ ເພື່ອໄປຫຼໍ່ລ້ຽງອະໄວຍະວະ ແລະ ຂັບເຫື່ອດັບຮ້ອນ ດັ່ງນັ້ນຖ້າຈະຮັບປະທານອາຫານທີ່ມີລົດຊາດເຄັມ ຈາກນ້ຳປາ, ສະອິ້ວ ຫຼື ອື່ນໆ ຄວນກິນໃນປະລິມານທີ່ພໍດີກໍຄື: ບໍ່ຄວນກິນນ້ຳປາເກີນ 1 ບ່ວງຕໍ່ມື້ ສ່ວນເກືອບໍ່ຄວນກິນ 1 ບ່ວງຊາຕໍ່ມື້.

6 ໝາກໄມ້ທີ່ມີລົດຫວານ: ເຮົາສາມາດກິນໄດ້ ແຕ່ບໍ່ຄວນກິນໃນປະລິມານທີ່ຫຼາຍຈົນເກີນໄປ ເພາະໃນໝາກໄມ້ເຫຼົ່ານີ້ມີນາ້ຳຕານ ຟຸກໂຕສ ເຊິ່ງມີສ່ວນໃນການສ້າງອານຸມູນອິດສະຫຼະ ແລະ ໄຂມັນໃນຮ່າງກາຍ ເຊິ່ງຈະເພີ່ມຄວາມຮ້ອນໃຫ້ຮ່າງກາຍໄດ້.

7 ນ້ຳອັດລົມ ເຄື່ອງດື່ມຫວານ: ເຄື່ອງດື່ມທີ່ມີຄວາມເຢິນ ແລະ ຫວານສາມາດຊ່ວຍໃຫ້ຄວາມສົດຊື່ນໄດ້ແທ້ ແຕ່ຖ້າດື່ມຕະຫຼອດກໍຈະເຮັດໃຫ້ກະຫາຍນ້ຳຫຼາຍຂຶ້ນ ເພາະເຄື່ອງດື່ມເຫຼ່ານີ້ມີນ້ຳຕານ ອີກທັງຖ້າດື່ມຫຼາຍເກີນໄປຈະເຮັດໃຫ້ຮ່າງກາຍຮັບທາດນ້ຳຕານຫຼາຍເກີນກຳນົດຕໍ່ມື້ອີກ.

ຢ່າງໃດກໍຕາມ ອາຫານທັງ 7 ຢ່າງນີ້ອາດສົ່ງຜົນ ຫຼື ບໍ່ສົ່ງຜົນອັນຕະລາຍຕໍ່ຮ່າງກາຍກໍໄດ້ຂຶ້ນຢູ່ກັບໂຕເອງເປັນສຳຄັນ ເພາະຖ້າຫານກິນໃນປະລິມານທີ່ຫຼາຍ ຫຼື ກິນຕະຫຼອດ ກໍມີສິດບໍ່ສະບາຍໃນຊ່ວງທີ່ອາກາດຮ້ອນໄດ້.

ບົດຄວາມຫຼ້າສຸດ

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ ຢ່າງເປັນທາງການ

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ. ພິທີເຊັນບົດບັກທຶກ ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ຈາກກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ມາຂຶ້ນກັບຄະນະໂຄສະນາອົບຮົມສູນກາງພັກ ຈັດຂຶ້ນໃນວັນທີ 8 ກໍລະກົດ 2025,...

ນໍ້າຖ້ວມຂັງໃນຕົວເມືອງ ນວ ໃນ ໄລຍະລະດູຝົນ ເກີດຈາກຫຼາຍປັດໄຈ

ບັນຫານ້ຳຖ້ວມຂັງໃນຕົວເມືອງ-ຖ້ວມຖະໜົນຫົນທາງ ໃນນະຄອນຫຼວງວຽງຈັນ(ນວ) ໃນລະດູຝົນ ແມ່ນບັນຫາໜຶ່ງທີ່ເກີດຂຶ້ນເປັນປະຈຳທຸກໆປີ, ສ້າງຄວາມຫຍຸ້ງຍາກໃຫ້ແກ່ການດໍາລົງຊີວິດ ແລະ ຊັບສິນຂອງປະຊາຊົນ ເຮັດໃຫ້ການສັນຈອນເດີນທາງໄປມາ ມີຄວາມຫຍຸ້ງຍາກ ແລະ ສ້າງພາບພົດທີ່ບໍ່ດີ ໃຫ້ແກ່ການຈັດຕັ້ງລັດ ແລະ ອື່ນໆ. ທ່ານ...

ຍອດຜູ້ເສຍຊີວິດພຸ່ງຂຶ້ນ 109 ຄົນ ຈາກເຫດການນ້ຳຖ້ວມຮຸນແຮງໃນລັດເທັກຊັດ ສ.ອາເມລິກາ

ຍອດຜູ້ເສຍຊີວິດຈາກເຫດການນ້ຳຖ້ວມກະທັນຫັນໃນລັດເທັກຊັດ ເພີ່ມຂຶ້ນຢ່າງນ້ອຍ 109 ຄົນ ແລະ ເຈົ້າໜ້າທີ່ກຳລັງເລັ່ງດຳເນີນການຄົ້ນຫາຜູ້ສູນຫາຍອີກ 160 ຄົນ. ສຳນັກຂ່າວຕ່າງປະເທດລາຍງານ: ຍອດຜູ້ເສຍຊີວິດຈາກເຫດການນ້ຳຖ້ວມໃນລັດເທັກຊັດ ສ.ອາເມລິກາ ຕັ້ງແຕ່ວັນທີ 4 ກໍລະກົດ 2025...

ຜູ້ນຳສະຫະລັດ ບັນລຸຂໍ້ຕົກລົງກັບຫວຽດນາມ ຈະເກັບພາສີສິນຄ້ານຳເຂົ້າຈາກຫວຽດນາມ 20%

ໂດນັລ ທຣຳ ຜູ້ນຳສະຫະລັດເປີດເຜີຍວ່າ ໄດ້ບັນລຸຂໍ້ຕົກລົງກັບຫວຽດນາມແລ້ວ ໂດຍສະຫະລັດຈະເກັບພາສີສິນຄ້ານຳເຂົ້າຈາກຫວຽດນາມ 20% ຂະນະທີ່ສິນຄ້າຈາກປະເທດທີ 3 ສົ່ງຜ່ານຫວຽດນາມຈະຖືກເກັບພາສີ 40% ສຳນັກຂ່າວບີບີຊີລາຍງານໃນວັນທີ 3 ກໍລະກົດ 2025 ນີ້ວ່າ:...