spot_img
Homeຂ່າວທ້ອງຖິ່ນສະພາບ​ອາກາດ​ຮ້ອນ​ແຮງ​ ຫລາຍ​ເຂດ​ໃນ​ນະຄອນຫລວງ​ ຂາດ​ນ້ຳ​ໃຊ້​ຈະ​ແກ້​ໄຂ​ແນວ​ໃດ ?

ສະພາບ​ອາກາດ​ຮ້ອນ​ແຮງ​ ຫລາຍ​ເຂດ​ໃນ​ນະຄອນຫລວງ​ ຂາດ​ນ້ຳ​ໃຊ້​ຈະ​ແກ້​ໄຂ​ແນວ​ໃດ ?

Published on

ຄຳ​ຖາມ​ນີ້​ແມ່ນ​ຫາ​ຄຳ​ຕອບ​ໄດ້​ຍາກ ດັ່ງ​ທ່ານອຳນວຍ​ການ​ລັດ​ວິ​ສາ​ຫະກິດ​ນ້ຳ ປະປາ ​ໃຫ້​ຮູ້​ວ່າ: ປັດຈຸບັນ ຢູ່​ນະຄອນຫລວງ​ວຽງ​ຈັນ​ສາມາດ​ຜະລິດ​ ​ແລະ ສະໜອງ ນ້ຳປະປາ​​ໃຫ້​ສັງຄົມ​ໄດ້​ພຽງ 180.000 ​ແມັດ​ກ້ອນ​ຕໍ່​ມື້ ເຊິ່ງ​ໄດ້​ພຽງ​ປະມານ 50% ຂອງຄວາມ​ຕ້ອງການ​ຕົວ​ຈິງ​ຂອງ​ສັງຄົມ (320.000 ​ແມັດ​ກ້ອນ​ຕໍ່​ມື້). ສະນັ້ນ ຈຶ່ງ​ເຮັດ​ໃຫ້​ຫລາຍ​ເຂດ​ຂາດ​ນ້ຳ​ໃຊ້ ຍ້ອນ​​ນ້ຳບໍ່​ສາມາດ​ໄປ​ຮອດ​ໄປ​ເຖິງ​ໃນ​ບາງ​ຄັ້ງຄາວ ໂດຍ​ສະ​ເພາະ​ແມ່ນ​ໃນ​​ໄລຍະສະ ພາບ​ອາກາດ​ຮ້ອນ​ອົບ​ເອົ້າຄື​ໃນ​ປັດຈຸບັນ ຈຶ່ງ​ເຮັດ​ໃຫ້​ຄວາມ​ຕ້ອງ ການ​ນ້ຳຂອງ​ສັງຄົມ​ຍິ່ງ​ສູງ​ຂຶ້ນ.

ທ່ານ​ອຳນວຍ​ການ​ລັດ​ວິ​ສາ​ຫະກິດ​ນ້ຳປະປາ ກ່າວ​ວ່າ: ​ໃນ​ໄລຍະ​ຜ່ານ​ມາ ​ຂະ​ແໜງ​ນ້ຳປະ ປາ ກໍ​ໄດ້​ລົງ​ກໍ່ສ້າງ​ໂຮງງານ​ຜະ ລິດ ​ແລະ ຂະຫຍາຍ​ລະບົບ​ທໍ່ສົ່ງ​ນ້ຳປະປາ​ເປັນ​ຈຳນວນ​ບໍ່​ໜ້ອຍ ນັບ​ທັງ​ທຶນ​ພາຍ​ໃນ ​ແລະ ​ການ​ຊ່ວຍ​ເຫລືອ​ລ້າ​ຂອງ​ຕ່າງປະ​ເທດ ​ເພື່ອ​ສາມາດ​ຕອບ​ສະໜອງ​ຄວາມ​ຕ້ອງການ​ນ້ຳປະປາ​ຂອງ​ສັງຄົມ, ​ແຕ່​ດ້ວຍ​ການ​ເພີ່ມ​ຂຶ້ນ ຢ່າງ​​ໄວວາ​ຂອງ​ປະຊາກອນ ແລະ ຜູ້​ເຂົ້າມາ​ຢູ່ອາ​ໄສ​ໃນ​ນະ ຄອນຫລວງ​ ຈຶ່ງ​ເຮັດ​ໃຫ້ການ​ຜະ ລິດ ​ແລະ ສະໜອງ​ນ້ຳສະອາດ​ດັ່ງກ່າວ​ໄດ້​ພຽງ​ປະມານ

50%. ດັ່ງນັ້ນ ພໍ​ຕົກ​ຮ້ອນ​ມາ​ຈຶ່ງ​ເຮັດ​ໃຫ້​ຫລາຍ​ເຂດ​ໃນ​ຊານ​ເມືອງ​ຂາດ​ນ້ຳ​ໃຊ້​ຮ້າຍ​ແຮງ. ດັ່ງນັ້ນ ​ເພື່ອ​ແກ້​ໄຂ​ສະ​ເພາະ​ໜ້າ, ປັດຈຸບັນ​ນີ້ ທາງ​ລັດ​ວິ​ສາ​ຫະກິດ​ນ້ຳປະປາ​ພວມ​ຕິດຕັ້ງ​ໂປ​ມສົ່ງ​ນ້ຳຢູ່ວັດ​ດອນ​ແດງ ​ເມືອງ​ຈັນທະ​ບູລີ ​ແລະ ​ເພີ່ມ​ໂປ​ມນ້ຳຢູ່​ອ່າງ​ເກັບ​ນ້ຳຫລັກ 6 ຄາດ​ວ່າ​ຈະ​ໃຫ້​ສຳ​ເລັດ​ໃນ​ກາງ​ເດືອນ​ມິຖຸນາ​ນີ້ ​ເຊິ່ງຈະ​ສາມາດ​ແກ້​ໄຂ​ການ​ສະໜອງ​ນ້ຳປະປາ​ໄປ​ໄດ້​ສ່ວນ​ໃດ​ໜຶ່ງ, ສ່ວນ​ໃນ​ອະ ນາຄົດ​ມີ​ແຜນ​ຂະຫຍາຍ​ໂຮງ ງານ​ຜະລິດ​ນ້ຳປະປາ​ດົງ​ໝາກ ຄາຍ​ ກຳລັງ​ຜະລິດ 1 ​ແສນ​ແມັດ​ກ້ອນ​ຕໍ່​ມື້ ຈະ​ສຳ​ເລັດ​ໃນ​ປີ 2015 ​​ໂດຍເງິນ​ກູ້​ຈາກ ສປ ຈີນ, ພ້ອມ​ນັ້ນກໍ​ໄດ້ອະນຸມັດ​ໃຫ້​ເອກະ​ຊົນ​ສ້າງຕັ້ງ​ໂຮງງານ​ຜະລິດ​ນ້ຳປະ ປາຢູ່ບ້ານ​ແສນ​ດິນ ມີກຳລັງ​ຜະ ລິດ 20-40 ພັນ​ແມັດ​ກ້ອນ​ຕໍ່​ມື້, ຢູ່​ທ່າ​ເດື່ອ ​ເມືອງ​ຫາດ​ຊາຍ​ຟອງ 20 ພັນ​ແມັດ​ກ້ອນ​ຕໍ່​ມື້, ຢູ່​ບ້ານ​ດົງ​ບັງ ເມືອງ​ໄຊ​ທານີ 40 ພັນ​ແມັດ​ກ້ອນ​ຕໍ່​ມື້ ຄາດ​ວ່າ​ຈະ​ສຳ​ເລັດ​ໃນ​ປີ 2016. ນອກຈາກ​ນີ້ ທາງ​ລັດ​ວິ​ສາ​ຫະກິດ​ນ້ຳປະປາ​ກໍ​ພວມ​ດຳ​ເນີນ​ການສຶກສາ​ຄວາມ​ເປັນ​ໄປ​ໄດ້​​ໃນ ການ​ຂະຫຍາຍ​ໂຮງງານ​ນ້ຳປະປາ​ຈີ່ນາຍ​ໂມ້ ​ເພື່ອ​ຍົກ​ສູງ​ກຳລັງ​ຜະລິດ​ຕື່ມ​ອີກ​ປະມານ 40 ພັນ​ແມັດ​ກ້ອນ​ຕໍ່​ມື້ ​ໃນ​ບ້ວງ​ເງິນ​ກູ້​ໄລຍະ​ຍາວ​ຈາກ​ລັດຖະບານ​ຍີ່ປຸ່ນ.

ທີ່ມາ http://laophatthananews.blogspot.com/2014/05/blog-post_6526.html

ບົດຄວາມຫຼ້າສຸດ

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ ຢ່າງເປັນທາງການ

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ. ພິທີເຊັນບົດບັກທຶກ ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ຈາກກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ມາຂຶ້ນກັບຄະນະໂຄສະນາອົບຮົມສູນກາງພັກ ຈັດຂຶ້ນໃນວັນທີ 8 ກໍລະກົດ 2025,...