spot_img
Homeຂ່າວຕ່າງປະເທດນັກຮ້ອງດັງເກົາຫຼີໃຕ້ ຖືກແຕ່ງຕັ້ງໃຫ້ເປັນຜູ້ແທນປະທານາທິບໍດີພິເສດສໍາລັບຄົນຮຸ່ນໃໝ່ ແລະ ວັດທະນະທໍາ

ນັກຮ້ອງດັງເກົາຫຼີໃຕ້ ຖືກແຕ່ງຕັ້ງໃຫ້ເປັນຜູ້ແທນປະທານາທິບໍດີພິເສດສໍາລັບຄົນຮຸ່ນໃໝ່ ແລະ ວັດທະນະທໍາ

Published on

ວັນທີ 14 ກັນຍາ 2021 ສໍານັກຂ່າວເກົາຫຼີ ແລະ ຕ່າງປະເທດ ໄດ້ລາຍງານວ່າ ວົງ BTS (ບີທີເອສ) ນັກຮ້ອງຊື່ດັງຢູ່ທີ່ປະເທດເກົາຫຼີໃຕ້ ໄດ້ຮັບແຕ່ງຕັ້ງຈາກ ປະທານາທິບໍດີເກົາຫຼີໃຕ້ Moon Jae in (ມຸນແຈອິນ) ຂຶ້ນຮັບໜັງສືແຕ່ງຕັ້ງເປັນ ຜູ້ແທນປະທານາທິບໍດີພິເສດສໍາລັບຄົນຮຸ່ນໃໝ່ ແລະ ວັດທະນະທໍາ (Speacial Presidential Envoy for Future Generations and Culture) ເພື່ອເປັນຜູ້ນໍາວາລະລະດັບໂລກເພື່ອຄົນຮຸ່ນໃໝ່ ເຊັ່ນ ການເຕີບໃຫຍ່ທີ່ຢັ້ງຢືນ ແລະ ເພື່ອຂະຫຍາຍຄວາມສາມາດທາງການທູດ ໃຫ້ເໝາະກັບສະຖານະຂອງປະເທດທີ່ໄດ້ຮັບການຍົກລະດັບຈາກປະຊາຄົມລະຫວ່າງປະເທດ ເຊິ່ງໄດ້ຈັດຕັ້ງຂຶ້ນຢູ່ທີ່ ສໍານັກງານປະທານາທິບໍດີແຫ່ງເກົາຫຼີໃຕ້ ໃນຕອນເຊົ້າທີ່ຜ່ານມາ.

ບັນຍາກາດປະທານາທິບໍດີ ມຸນແຈອິນ ມອບໜັງສືແຕ່ງຕັ້ງໃຫ້ກັບ ສະມາຊິກ ວົງ BTS

BTS ແມ່ນວົງ ນັກຮ້ອງບອຍແບນ ທີ່ມີຊື່ສຽງໂດ່ງດັງ ທັງໃນເກົາຫຼີໃຕ້ ແລະ ຕ່າງປະເທດ ເຊິ່ງຖືກເປີດໂຕໃນປີ 2013 ທີ່ມີສະມາຊິກຮ່ວມກັນທັງໝົດ 7 ຄົນ ຄື: ອາເອມ, ຈິນ, ຊູກ້າ, ເຈໂຮບ, ຈີມິນ, ວີ ແລະ ຈອງກຸກ.

ວົງ BTS

ວົງ BTS ຖືວ່າເປັນສິນລະປິນຈາກເອເຊຍກຸ່ມທໍາອິດ ທີ່ໄດ້ຮັບຄວາມນິຍົມໄປທົ່ວໂລກ ແລະ ຍັງໄດ້ນໍາເງິນເຂົ້າໃຫ້ກັບປະເທດເກົາຫຼີໃຕ້ຫຼາຍກວ່າ 400 ລ້ານໂດລ້າ ຕໍ່ປີ ນໍາອີກ.

ບົດຄວາມຫຼ້າສຸດ

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ ຢ່າງເປັນທາງການ

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ. ພິທີເຊັນບົດບັກທຶກ ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ຈາກກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ມາຂຶ້ນກັບຄະນະໂຄສະນາອົບຮົມສູນກາງພັກ ຈັດຂຶ້ນໃນວັນທີ 8 ກໍລະກົດ 2025,...

ນໍ້າຖ້ວມຂັງໃນຕົວເມືອງ ນວ ໃນ ໄລຍະລະດູຝົນ ເກີດຈາກຫຼາຍປັດໄຈ

ບັນຫານ້ຳຖ້ວມຂັງໃນຕົວເມືອງ-ຖ້ວມຖະໜົນຫົນທາງ ໃນນະຄອນຫຼວງວຽງຈັນ(ນວ) ໃນລະດູຝົນ ແມ່ນບັນຫາໜຶ່ງທີ່ເກີດຂຶ້ນເປັນປະຈຳທຸກໆປີ, ສ້າງຄວາມຫຍຸ້ງຍາກໃຫ້ແກ່ການດໍາລົງຊີວິດ ແລະ ຊັບສິນຂອງປະຊາຊົນ ເຮັດໃຫ້ການສັນຈອນເດີນທາງໄປມາ ມີຄວາມຫຍຸ້ງຍາກ ແລະ ສ້າງພາບພົດທີ່ບໍ່ດີ ໃຫ້ແກ່ການຈັດຕັ້ງລັດ ແລະ ອື່ນໆ. ທ່ານ...

ຍອດຜູ້ເສຍຊີວິດພຸ່ງຂຶ້ນ 109 ຄົນ ຈາກເຫດການນ້ຳຖ້ວມຮຸນແຮງໃນລັດເທັກຊັດ ສ.ອາເມລິກາ

ຍອດຜູ້ເສຍຊີວິດຈາກເຫດການນ້ຳຖ້ວມກະທັນຫັນໃນລັດເທັກຊັດ ເພີ່ມຂຶ້ນຢ່າງນ້ອຍ 109 ຄົນ ແລະ ເຈົ້າໜ້າທີ່ກຳລັງເລັ່ງດຳເນີນການຄົ້ນຫາຜູ້ສູນຫາຍອີກ 160 ຄົນ. ສຳນັກຂ່າວຕ່າງປະເທດລາຍງານ: ຍອດຜູ້ເສຍຊີວິດຈາກເຫດການນ້ຳຖ້ວມໃນລັດເທັກຊັດ ສ.ອາເມລິກາ ຕັ້ງແຕ່ວັນທີ 4 ກໍລະກົດ 2025...

ຜູ້ນຳສະຫະລັດ ບັນລຸຂໍ້ຕົກລົງກັບຫວຽດນາມ ຈະເກັບພາສີສິນຄ້ານຳເຂົ້າຈາກຫວຽດນາມ 20%

ໂດນັລ ທຣຳ ຜູ້ນຳສະຫະລັດເປີດເຜີຍວ່າ ໄດ້ບັນລຸຂໍ້ຕົກລົງກັບຫວຽດນາມແລ້ວ ໂດຍສະຫະລັດຈະເກັບພາສີສິນຄ້ານຳເຂົ້າຈາກຫວຽດນາມ 20% ຂະນະທີ່ສິນຄ້າຈາກປະເທດທີ 3 ສົ່ງຜ່ານຫວຽດນາມຈະຖືກເກັບພາສີ 40% ສຳນັກຂ່າວບີບີຊີລາຍງານໃນວັນທີ 3 ກໍລະກົດ 2025 ນີ້ວ່າ:...