ຣັດເຊຍກຽມຈົດທະບຽນເລີ່ມໃຊ້ວັກຊີນໂຄວິດ-19 ເປັນປະເທດທຳອິດໃນໂລກ

ເວັບໄຊຂ່າວ sanook ຣັດເຊຍວາງແຜນທີ່ຈະຈົດທະບຽນວັກຊີນຕ້ານໄວຣັດຄວິດ-19 ພາຍໃນວັນທີ 10-12 ສິງຫາ ນີ້ ເຊິ່ງອາດເຮັດໃຫ້ຣັດເຊຍເປັນປະເທດທຳອິດຂອງໂລກທີ່ອະນຸມັດຢ່າງເປັນທາງການໃຫ້ໃຊ້ວັກຊີນຕ້ານໂຄວິດ-19.

ວັກຊີນດັ່ງກ່າວເປັນການພັດທະນາໂດຍສະຖາບັນວິໄຈ Gamaleya ຂອງຣັດເຊຍ ແລະ ກອງທິນເພື່ອການລົງທຶນໂດຍຕົງຂອງຣັດເຊຍ (Russian Direct Investment Fund ຫຼື RDIF) ນັ້ນ, ອາດຈະໄດ້ຮັບອະນຸມັດໃຫ້ນຳມາໃຊ້ກັບປະຊາຊົນໄດ້ພາຍໃນໄລຍະເວລາ 3-7 ວັນຫຼັງຈາກວັກຊີນດັ່ງກ່າວໄດ້ຮັບການຈົດທະບຽນແລ້ວ.

ທ່ານນາງ ທັດຍານາ ໂກລິໂຄວາ ຮອງນາຍົກລັດຖະມົນຕີຂອງຣັດເຊຍ ເປີດເຜີຍຫຼັງປະຊຸມຮ່ວມກັນກັບປະທານາທິບໍດີວາລາດິເມຍ ປູຕິນ ເມື່ອວັນທີ 29 ກໍລະກົດ ວ່າ ວັກຊີນຂອງສະຖາບັນ Gamaleya ອາດໄດ້ຮັບການຂຶ້ນທະບຽນແບບມີເງື່ອນໄຂພາຍໃນເດືອນ ສິງຫາ ເຊິ່ງໝາຍຄວາມວ່າ ວັກຊີນນັ້ນຍັງຈຳເປັນຕ້ອງທົດສອບກັບປະຊາຊົນຈຳນວນອີກ 1,600 ຄົນ ພ້ອມກ່າວວ່າ ການຜະລິດວັກຊີນຈະເລີ່ມຕົ້ນຂຶ້ນໃນເດືອນກັນຍານີ້.

 

ຮຽບຮຽງຂ່າວ: ​ພຸດສະດີ 

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.