spot_img
Homeມຸມຂ່າວ AECທ່ານ ທອງສິງ ທຳມະວົງ ຕ້ອນຮັບທູດກຳປູເຈຍ ເຂົ້າຢ້ຽມອຳລາ

ທ່ານ ທອງສິງ ທຳມະວົງ ຕ້ອນຮັບທູດກຳປູເຈຍ ເຂົ້າຢ້ຽມອຳລາ

Published on

ທ່ານ ທອງ​ສິງ ທຳ​ມະ​ວົງ ນາຍົກລັດຖະມົນຕີ​ແຫ່ງ ສາທາລະນະ​ລັດ ປະຊາທິປະໄຕ ປະຊາຊົນ​ລາວ ໄດ້​ຕ້ອນຮັບ​ການ​ເຂົ້າ​ຢ້ຽມ​ຂ່ຳນັບ​ອຳ​ລາ​ຂອງ​ທ່ານ Yi Dan ເອກ​ອັກຄະລາຊະທູດ​ກຳປູເຈຍ ປະຈຳ​ລາວ ໃນ​ວັນ​ທີ 23 ທັນວາ 2013 ທີ່​ຫ້ອງ​ວ່າການ​ລັດຖະບານ ໃນ​ໂອກາດ​ສຳເລັດ​ການ​ປະຕິບັດ​ໜ້າທີ່​ການ​ທູດ​ຢູ່​ລາວ.

ໂອກາດ​ນີ້ ທ່ານ​ນາຍົກລັດຖະມົນຕີ ໄດ້​ສະແດງ​ຄວາມ​ຊົມເຊີຍ ແລະ ຕີ​ລາຄາ​ສູງ​ຕໍ່​ທ່ານ​ເອກ​ອັກຄະລາຊະທູດ ທີ່​ໄດ້​ສຳເລັດ​ໜ້າທີ່​ການ​ທູດ​ຂອງ​ຕົນ ຢ່າງ​ມີ​ຜົນສຳເລັດ​ອັນ​ດີ ພ້ອມ​ທັງ​ສະແດງ​ຄວາມ​ຂອບໃຈ ຕໍ່​ການ​ປະກອບສ່ວນ​ຢ່າງ​ຕັ້ງໜ້າ ໃນ​ການ​ເສີມ​ຂະຫຍາຍ​ສາຍ​ພົວພັນ ແລະ ການ​ຮ່ວມ​ມື​ລະຫວ່າງ ​ສປປ ລາວ ແລະ ກຳປູເຈຍ ຕະຫຼອດ​ມາ ໃນ​ຕອນ​ທ້າຍ ທ່ານ​ນາຍົກລັດຖະມົນຕີ ໄດ້​ອວຍພອນ​ໃຫ້​ທ່ານ​ເອກ​ອັກຄະລາຊະທູດ​ກຳປູເຈຍ ຈົ່ງ​ເດີນທາງ​ກັບ​ຄືນ​ປະເທດ ດ້ວຍ​ຄວາມ​ສະຫວັດດີ​ພາບ ແລະ ປະສົບ​ຜົນສຳເລັດ ໃນ​ໜ້າທີ່​ການ​ງານ​ໃໝ່​ທີ່​ມີ​ກຽດ​ຂອງ​ທ່ານ.

ໃນ​ໂອກາດ​ດັ່ງກ່າວ ເອກ​ອັກຄະລາຊະທູດ​ກຳປູເຈຍ ໄດ້​ສະແດງ​ຄວາມ​ຂອບໃຈ​ຕໍ່​ການ​ຕ້ອນຮັບ​ອັນ​ອົບ​ອຸ່ນ​ຂອງ​ທ່ານ ທອງ​ສິງ ທຳ​ມະ​ວົງ ພ້ອມ​ທັງ​ໄດ້​ຖື​ໂອກາດ​ນີ້ ສະແດງ​ຄວາມ​ຂອບໃຈ​ຢ່າງ​ຈິງ​ໃຈ ຜ່ານ​ທ່ານ​ນາຍົກລັດຖະມົນຕີ ໄປ​ຍັງ​ບັນດາ​ການ​ນຳ​ພັກ-ລັດ ກໍ​ຄື​ປະຊາຊົນ​ລາວ​ບັນດາເຜົ່າ ທີ່​ໄດ້​ໃຫ້ການ​ຮ່ວມ​ມື​ທີ່​ດີ ແລະ ອຳນວຍ​ຄວາມ​ສະດວກ​ທຸກ​ຢ່າງ ໃນ​ຕະຫຼອດ​ໄລຍະ​ການ​ປະຕິບັດ​ໜ້າທີ່​ຂອງ​ຕົນ​ຢູ່ ​ສປປ ລາວ ໄດ້​ຮັບ​ຜົນສຳເລັດ​ຢ່າງ​ໜ້າ​ເພິ່ງ​ພໍໃຈ.

ຂ່າວ​ແຈ້ງ​ໃຫ້​ຮູ້​ຕື່ມ​ວ່າ: ໃນ​ວັນ​ດຽວ​ກັນ​ນີ້ ທີ່​ກະຊວງ​ການ​ຕ່າງປະເທດ ທ່ານ ທອງ​ລຸນ ສີ​ສຸ​ລິດ ຮອງ​ນາຍົກລັດຖະມົນຕີ ລັດຖະມົນຕີ​ວ່າການ​ກະຊວງ​ການ​ຕ່າງປະເທດ​ແຫ່ງ ​ສປປ ລາວ ໄດ້​ຕ້ອນຮັບ​ການ​ເຂົ້າ​ຢ້ຽມ​ຂ່ຳນັບ​ຂອງ​ທ່ານ ເຊ້ຍ ຫ່າງ​ເຊີງ ລັດຖະມົນຕີ​ຊ່ວຍ​ວ່າການ ກະຊວງ​ການ​ຕ່າງປະເທດ ​ສປ.ຈີນ ເນື່ອງ​ໃນ​ໂອກາດ​ທີ່​ທ່ານ​ເດີນທາງ​ມາ​ເຂົ້າ​ຮ່ວມ ພິທີ​ເປີດ​ສະຖານ​ກົງສຸນ​ໃຫຍ່ ​ສປ.ຈີນ ທີ່​ແຂວງ​ຫຼວງ​ພະ​ບາງ ​ສປປ ລາວ.

ທີ່ມາhttp://www.vientianemai.net

ບົດຄວາມຫຼ້າສຸດ

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ ຢ່າງເປັນທາງການ

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ. ພິທີເຊັນບົດບັກທຶກ ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ຈາກກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ມາຂຶ້ນກັບຄະນະໂຄສະນາອົບຮົມສູນກາງພັກ ຈັດຂຶ້ນໃນວັນທີ 8 ກໍລະກົດ 2025,...