spot_img
Homeອຸບັດເຫດແລະປາກົດການຫຍໍ້ທໍ້ຕຳຫລວດເລັ່ງນຳ​ຈັບ​ ມີປືນຍິງ​ຄົນ​​ເສຍ​ຊີວິດ ຢູ່​ບ້ານ​ສີ​ໄຄ!

ຕຳຫລວດເລັ່ງນຳ​ຈັບ​ ມີປືນຍິງ​ຄົນ​​ເສຍ​ຊີວິດ ຢູ່​ບ້ານ​ສີ​ໄຄ!

Published on

shoot

ໃນ​ເວລາ​ປະມານ 14:30 ​ໂມງ​ຂອງ​ວັນ​ທີ 24 ພຶດສະພາ​ຜ່ານ​ມາ​ນີ້, ​ໄດ້​ມີ​ເຫດ ການ​ຍິງ​ກັນ​ຕາຍ ທີ່​ບ້ານ​ສີ​​ໃຄ ​ເມືອງ​ສີ​ໂຄດ​ຕະບອງ ນະຄອນຫລວງ​ວຽງ​ຈັນ ​ເຊິ່ງເປັນ​ຊາຍ​ໄວ​ກາງຄົນ ຖືກ​ຍິງ​ 2 ຈຸດ ​​ເສຍ​ຊີວິດ​ຄາ​ທີ່.

ເຈົ້າ​ໜ້າ​ທີ່​ກອງ​ພິສູດ​ຫລັກ​ຖານນະຄອນຫລວງ​ວຽງ​ຈັນ ​ໃຫ້​ຮູ້​ວ່າ: ​ພາຍຫລັງ​ໄດ້​ຮັບ​ແຈ້ງເຫດກໍ​ນຳ​ກຳລັງ​ລົງ​ຈຸດ​ ເກັບ​ກຳ​ຂໍ້​ມູນ​, ຫລັກ​ຖານ, ​ຊຶ່ງ​ຜູ້​ເສຍຊີວິດ​ຄື ທ້າວ ສົມ​ຈັນ ຈັນທະ​ວິດ ຫລື ຕຸ້ຍ ອາຍຸ 41 ປີ ອາຊີບ​ຄ້າຂາຍ ຢູ່​ບ້ານ​ວັດ​ໃຕ​ນ້ອຍ​ທ່າ ໜ່ວຍ 10 ​ເມືອງ​ສີ​ໂຄດ​ຕະບອງ ນະຄອນຫລວງ​ວຽງຈັນ. ກ່ອນ​ເກີດ​ເຫດ​ຜູ້ກ່ຽວ​ກັບ​ໝູ່​ອີກ 2 ຄົນ ​ໄດ້​ນັ່ງຊຸມ​ແຊວຢູ່​ໂຕະ​ຫີນ​ໜ້າ​​ເຮືອນຂອງໝູ່, ​​​​ແຕ່​ບໍ່ພໍ​ເທົ່າ​ໃດ​ນາທີຕໍ່ມາກໍ​ໄດ້​ມີ​ລົດຈັກ​ຄັນ​ໜຶ່ງຂັບ​ຂີ່​ເຂົ້າ​ມາ​ຈອດ​ຢູ່​ຕໍ່ໜ້າ​​ເຮືອນ​ດັ່ງກ່າວແລ້ວ​ຍ່າງ​ເຂົ້າ​ໄປ​ຍິງ​​ທ້າວ ຕຸ້ຍ ທີ່​ກຳລັງ​ຊຸມ​ແຊວ​ກັບ​ໝູ່​ຢູ່​ນັ້ນ 2 ນັດ,

ນັດ​ທີ 1 ຍິງ​ເຂົ້າ​ໄປ​ທີ່​ລຸ່ມ​ແກ້ມ​ເບື້ອງ​ຂວາ ​ແລະ ອີກ​ນັດ 1 ​ແມ່ນ​ຍິງ​ເຂົ້າ​ກາ​ງຫລັງ​ເບື້ອງ​ຂວາເຮັດໃຫ້ເສຍ​ຊີວິດ​ຄາ​ທີ່. ຈາກ​ນັ້ນ​ຜູ້​ກໍ່​ເຫດກໍ​ໄດ້​ຂຶ້ນ​ລົດ​ຈັກ​ຫລົບໜີ​ໄປ, ​ຊຶ່ງ​ປັດຈຸບັນ​ກຳລັງ​ເຈົ້າ​ໜ້າ​ທີ່​ພວມ​ເລັ່ງນຳ​ຈັບ​ຕົວ​ມາ​ລົງ​ໂທດ​​ໃຫ້​ໄດ້​ໂດຍ​ໄວ. ສ່ວນ​ສາ​ເຫດ​ຂອງ​ການ​ຄາດ​ຕະກຳ​ຄັ້ງ​ນີ້ ​ເຈົ້າ​ໜ້າ​ທີ່​ພວມ​ດຳ​ເນີນການ​ສືບສວນ-ສອບ​ສວນ ​ແລະ ​ໄດ້ມຸ້ງ​ປະ​ເດັນ​ໄປ​ທີ່​ການ​ຄັດ​ແຍ່ງ​ຜົນ​ປະ​ໂຫຍ​ດທາງ​ທຸລະ​ກິດ.

 

ແຫລ່ງຂ່າວ: ລາວພັດທະນາ

 

ບົດຄວາມຫຼ້າສຸດ

ຕັ້ງໃຈ ຫຼື ອຸບັດຕິເຫດ! ເປີດເຜີຍສາເຫດເຮືອບິນ ແອອິນເດຍ ປະສົບອຸບັດຕິເຫດຕົກ

ເປີດເຜີຍສາເຫດເຮືອບິນ ແອອິນເດຍ ປະສົບອຸບັດຕິເຫດຕົກ ເຮັດໃຫ້ມີຜູ້ເສຍຊີວິດເປັນຈຳນວນຫຼາຍ. ສຳນັກຂ່າວຕ່າງປະເທດລາຍງານໃນວັນທີ 12 ກໍລະກົດ 2025, ໜ່ວຍງານສອບສວນອຸບັດຕິເຫດທາງອາກາດອິນເດຍ (AAIB) ໄດ້ເຜີຍແຜ່ລາຍງານເບື້ອງຕົ້ນກ່ຽວກັບສາເຫດທີ່ເຮັດໃຫ້ເຮືອບິນສາຍການບິນແອອິນເດຍ (Air India) ຖ້ຽວບິນທີ AI171...

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...