spot_img
Homeຂ່າວພາຍ​ໃນຄະນະນັກກິລາລາວ 5 ປະເພດ ເດີນທາງກັບເຖິງບ້ານເກີດ ຫຼັງສຳເລັດພາລະກິດ ໃນຊີເກມ

ຄະນະນັກກິລາລາວ 5 ປະເພດ ເດີນທາງກັບເຖິງບ້ານເກີດ ຫຼັງສຳເລັດພາລະກິດ ໃນຊີເກມ

Published on

ຄະນະນັກກິລາລາວ ຈຳນວນ 47 ຄົນ ຈາກ 5 ປະເພດກິລາ ໃນນີ້ລວມເຖິງຮີໂຣ 3 ຫຼຽນຄຳ ຈາກປະເພດກິລາກະຕໍ້ຊິນລອນ, ກຸນ ໂບກາຕໍ ແລະ ໂວວີນາມ ນຳໂດຍທ່ານ ອານຸສອນ ເຄນກິຕິສັກ ຮອງປະທານສະຫະພັນກິລາກະຕໍ້ແຫ່ງຊາດລາວ ໄດ້ເດີນທາງມາເຖິງແຜ່ນດິນເກີດ ນະຄອນຫຼວງວຽງຈັນ ສປປ ລາວ ດ້ວຍຄວາມສະຫວັດດີພາບ ໃນຕອນແລງວັນທີ 10 ພຶດສະພາ 2023 ທີ່ສະໜາມບິນສາກົນວັດໄຕ, ໂດຍໃຫ້ກຽດຕ້ອນຮັບຢ່າງອົບອຸ່ນຂອງ ທ່ານ ນາງ ຂັນທະລີ ສີຣິພົງພັນ ຮອງລັດຖະມົນຕີ ກະຊວງສຶກສາທິການ ແລະ ກິລາ, ຮອງປະທານຄະນະກຳມະການໂອແລມປິກແຫ່ງຊາດລາວ ທັງເປັນປະທານຄະນະກຳມະການພາຣາແລມປິກແຫ່ງຊາດລາວ ພ້ອມດ້ວຍຄະນະກົມ, ພະນັກງານທີ່ກ່ຽວຂ້ອງ ຕະຫຼອດຮອດມວນຊົນ ແລະ ສື່ມວນຊົນ.

ສຳລັບຄະນະນັກກິລາລາວ ທີ່ໄດ້ສຳເລັດພາລະກິດ ແລະ ໄດ້ເດີນທາງກັບມາໃນຊຸດນີ້ ປະກອບມີ ກະຕໍ້ຊິນລອນ ຈຳນວນ 24 ຄົນ ຜົນງານຍາດໄດ້ 1 ຫຼຽນຄຳ ແລະ 5 ຫຼຽນທອງ; ໂວວີນາມ ຈຳນວນ 19 ຄົນ ຜົນງານຍາດໄດ້ 1 ຫຼຽນຄຳ, 1 ຫຼຽນເງິນ ແລະ 5 ຫຼຽນທອງ; ກຸນ ໂບກາຕໍ ທ້າວ ກອງເງິນ ອິນທິສານ ເຈົ້າຂອງຫຼຽນຄຳ ຜູ້ປະເດີມຫຼຽນໄຊທຳອິດ ເປັນຂວັນກຳລັງໃຈໃຫ້ທັບນັກກິລາລາວ; ກິລາຈູຈິດຊູ ຈຳນວນ 1 ຄົນ. ນອກນັ້ນ ກໍຍັງມີຄະນະນຳກິລາຄາຣາເຕໂດ 1 ຄົນ ແລະ ກຳມະການກິລາຄາຣາເຕໂດ 2 ຄົນ ເດີນທາງມາພ້ອມກັນອີກດ້ວຍ. ສ່ວນຜົນງານຂອງກິລາກະຕໍ້ຊິນລອນ ສາມາດຍາດໄດ້ 1 ຫຼຽນຄຳ ຈາກປະເພດທີມຊາຍ 8 ຄົນ ປະກອບມີ ທ້າວ ພອນສະຫວັນ ພິມມະຈັກ, ທ້າວ ໂຍທິນ ສົມບັດພູທອນ, ທ້າວ ອານຸສອນ ສູນດາລາ, ທ້າວ ສຸກນິລັນ ໄຊກອງສາ, ທ້າວ ອຸ່ນຄຳ ໄຊສົງຄາມ, ທ້າວ ອາດົງ ຜູ້ມີສິນ, ທ້າວ ແອດໂລ ພອນບຸນ ແລະ ທ້າວ ປາໂມດ ອິນທິລາດວົງສີ; ກິລາໂວວີນາມ 1 ຫຼຽນຄຳ ໄດ້ຈາກປະເພດຟ້ອນຄູ່ຊາຍ ທ້າວ ຈັນທະລັງສີ ຈັນທະສີດາ ແລະ ທ້າວ ພຸດທະສິນ ແພງພັນຍາ; ກິລາ ກຸນ ໂບກາຕໍ ໄດ້ຈາກ ທ້າວ ກອງເງິນ ອິນທິສານ ປະເພດຟ້ອນດ່ຽວຊາຍ.
ຂ່າວໂດຍ: ໜັງສືພິມສຶກສາ-ກິລາ

ບົດຄວາມຫຼ້າສຸດ

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ ຢ່າງເປັນທາງການ

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ. ພິທີເຊັນບົດບັກທຶກ ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ຈາກກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ມາຂຶ້ນກັບຄະນະໂຄສະນາອົບຮົມສູນກາງພັກ ຈັດຂຶ້ນໃນວັນທີ 8 ກໍລະກົດ 2025,...