ກຳປູເຈຍສັ່ງຫ້າມຊື-ຂາຍ ຫຼື ບໍລິໂພກຊີ້ນໝາ! ຜູ້ຝ່າຝືນຈຳຄຸກ 5 ປີ

ສຳນັກຂ່າວ BBC ລາຍງານວ່າ ແຂວງ ສຽມຣາດ ປະເທດກຳປູເຈຍ ສັ່ງຫ້າມການຊື້-ຂາຍ ແລະ ບໍລິໂພກຊີ້ນໝາແລ້ວ ເມື່ອວັນທີ 8 ກໍລະກົດທີ່ຜ່ານມາ. ຖືວ່າເປັນແຂວງທຳອິດຂອງປະເທດທີ່ໃຊ້ມາດຕະການດັ່ງກ່າວ ໂດຍຜູ້ຝ່າຝືນຈະມີໂທດຈຳຄຸກສູງສຸດ 5 ປີ ຫຼື ປັບເງິນລະຫວ່າງ 7 ລ້ານ ຫາ 50 ລ້ານຣຽວກຳປູເຈຍ.

ທັງນີ້, ການບໍລິໂພກຊີ້ນໝາໃນກຳປູເຈຍແມ່ນບໍ່ໄດ້ຮັບຄວາມນິຍົມຫຼາຍ ໂດຍມີປະຊາຊົນທີ່ບໍ່ລິໂພກຊີ້ນໝາເປັນປະຈຳພຽງ 12% ຂອງປະຊາກອນທັງໝົດ ຕາມການເປີດເຜີຍຂໍ້ມູນຂອງອົງການສິດທິສັດ ‘Four Paws’. ຢ່າງໃດກໍ່ຕາມ, Four Paws ອ້າງວ່າ ແຂວງສຽມຣາດ ຖືເປັນສູນກາງສຳຄັນໃນການຊື້-ຂາຍຊີ້ນໝາໃນປະເທດ.

ຜູ້ອຳນວຍການກົມກະສິກຳ, ປ່າໄມ້ ແລະ ການປະມົງ ແຂວງ ສຽມຣາດກ່າວກັບນັກຂ່າວຣອຍເຕີວ່າ ນັກທ່ອງທ່ຽວຄືສາເຫດຫຼັກທີ່ເຮັດໃຫ້ຄວາມຕ້ອງການຊີ້ນໝາໃນແຂວງມີເພີ່ມສູງຂຶ້ນ.

ຈາກການລາຍງານຂອງ Humane Society International (HSI) ພົບວ່າໃນອາຊີມີໝາກວ່າ 30 ລ້ານໂຕ ຖືກນຳມາເປັນອາຫານ.

ຮຽບຮຽງຂ່າວ:​ ພຸດສະດີ

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.